Ангисепт HL с ромашкой № 10 табл
Тауарлардың көрінісі фотосуретте көрсетілгеннен өзгеше болуы мүмкін

Ангисепт HL с ромашкой № 10 табл

164
Қолжетімділігі
Сатылымда бар
Үлгі
4870215690053
Елі
Казахстан
Өндіруші
Жанафарм Фирма ТОО
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық (Қосымша парақ)

Саудалық атауы

Ангисепт НLâ

Халықаралық патенттелмеген атауы

Жоқ

Дәрілік түрі, дозалануы

Соруға арналған таблеткалар

Фармакотерапиялық тобы

Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар.

АТХ коды R02AA20

Қолданылуы

Ангисепт НL мына ауруларда ересектерде және 6 жастан асқан балаларда қолданылады:

- жоғарғы тыныс алу жолдарының жедел және созылмалы инфекциялары (ЖРА, баспа, гингивиттер, стоматиттер)

- ауыз қуысы мен тамақтың қабыну аурулары

- ойық жара және ауыз қуысы жаралары

- ауыздағы және тамақтағы жағымсыз сезімдер (құрғауы және жыбырлауы)

- ауыздан шығатын жағымсыз иіс кезінде

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- белсенді заттарға немесе препараттың қандай да бір қосымша заттарына жоғары сезімталдық

- түймедақ гүлдеріне айқаспалы реакцияларға байланысты күрделігүлділер тұқымдас өсімдіктерге, мысалы жусанға, мыңжапыраққа, хризантемаға, дәстүргүлге белгілі аллергия

- қант диабеті

- 6 жасқа дейінгі балалар

- тұқым қуалайтын галактоза жақпаушылығы, лактаза тапшылығы, глюкоза/галактоза мальабсорбциясы, фруктоза жақпаушылығы немесе сахараза-изомальтаза жеткіліксіздігі.

Қолдану кезінде қажетті сақтық шаралары

Гипергликемиямен қатар жүруі мүмкін жағдайларда аскорбин қышқылын тек дәрігердің ұсынысы бойынша және ең аз мөлшерде қабылдауға болады.

Басқа дәрілік препараттармен өзара әрекеттесуі

Басқа препараттармен клиникалық елеулі өзара әрекеттесулер анықталған жоқ. Препаратты басқа жергілікті микробқа қарсы дәрілермен бір мезгілде қолдануға болады.

Аскорбин қышқылы қандағы пенициллин мен тетрациклиндер концентрациясын жоғарылатады, ішекте темірдің сіңірілуін жақсартады (үш валентті темірді екі валентті темірге ауыстырады), дефероксаминмен бір мезгілде қолданғанда темірдің шығарылуын арттыруы мүмкін. Аскорбин қышқылын құрамында алюминий бар антацидтермен бір мезгілде қолдану алюминийдің несеппен шығарылуын арттыруы мүмкін.

Қысқа әсер ететін салицилаттармен және сульфаниламидтермен емдегенде С дәруменін бірге тағайындау қышқылдардың бүйрекпен шығарылуын баяулатады, сілтілік реакциясы бар дәрілік заттардың (оның ішінде алкалоидтардың) шығарылуын жоғарылатады, кристаллурияның даму қаупін арттырады. Аскорбин қышқылы бір мезгілде қолданғанда пероральді контрацептивтердің, тікелей емес антикоагуляторлардың қандағы концентрациясын төмендетеді, этанолдың жалпы клиренсін жоғарылатады, изопреналиннің, В12 дәруменінің, нейролептиктер - фенотиазин туындыларының (мысалы, флуфеназин) емдік әсерін азайтады, трициклдік антидепрессанттардың өзекшелік реабсорбциясын төмендетеді. Барбитураттарды бір мезгілде қабылдау аскорбин қышқылының несеппен шығарылуын арттырады. Индометацин аскорбин қышқылының тиімділігін төмендетуі мүмкін.

Түймедақ пен варфаринді бір мезгілде қолданғанда өсімдікте гидроксикумариндердің болуы есебінен оның әсері күшеюі мүмкін. Пепсиннің протеолитикалық белсенділігін төмендетеді. Варфарин (кумадин), клопидогрель (плавикс) және аспирин сияқты антикоагулянтты және антиагрегантты препараттармен өзара әрекеттескен кезде қан кетудің даму қаупін арттырады; гипотензиялық дәрілік заттармен олардың әсерін күшейтеді; диабетке қарсы дәрілермен гипогликемияның даму қаупін арттырады; седативті препараттармен және ұрықтануға қарсы дәрілермен, олардың әсерін күшейтеді; шүйгіншөп, кава немесе мысыққұйрық сияқты шөптермен олардың әсерін күшейтеді. Бүйрек трансплантациясынан кейін ұзақ уақыт бойы (шамамен екі ай) түймедақ гүлдері препараттарының жоғары дозаларын қабылдаған пациенттерде CYP450 әсеріне негізделген өзара әрекеттесулер туралы хабарламалар алынды.

Арнайы ескертулер

Егер ауру симптомдары сақталса, нашарласа немесе жаңалары пайда болса, дәрігермен кеңесу керек.

Прополис сирек аллергия тудырады, бұл оны аллергиялық тері ауруларын емдеуде де қолдануға мүмкіндік береді. Алайда, жоғары сезімталдықтың пайда болу ықтималдығы бәрібір де бар. Аллергиясы бар адамдарға қолданар алдында аурудың өршуін басатын дәрілер болғанда, тері сынамаларын жүргізу ұсынылады. Төмен аллергенділік оны қатарлас аурулар үшін кешенді емдеуде кеңінен қолдануға мүмкіндік береді.

Аскорбин қышқылын жылдам пролиферацияланатын және қарқынды метастаздалатын ісіктері бар пациенттерге тағайындау үдеріс барысын нашарлатуы мүмкін. Организінмде темір мөлшері жоғары пациенттерде аскорбин қышқылын ең аз дозада қолдану керек.

Аскорбин қышқылының болуына байланысты қан ұюы жоғары, полицитемия, лейкемия, тромбофлебит немесе тромбозға бейімділігі, гипероксалуриясы, бүйрек-тас ауруы бар пациенттерге тағайындағанда ерекше сақ болу керек. Аскорбин қышқылының үлкен дозаларын қабылдау бүйректе кальций оксалаты тастарының түзілуіне байланысты, сондықтан аскорбин қышқылын гипероксалуриясы бар пациенттерде сақтықпен қолдану керек.

Педиатрияда қолдану

6 жасқа дейінгі балаларға қауіпсіздігі анықталмаған.

Жүктілік немесе лактация кезеңінде

Препаратты жүктілік және бала емізу кезеңінде қолдану қауіпсіздігі жөніндегі деректер жоқ, сондықтан препаратты ана үшін болжамды пайдасы шарана мен балаға төнетін қауіптен асқан жағдайда ғана қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану автокөлікті немесе қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

6-12 жас аралығындағы балаларға күніне 3-4 рет 1 таблеткадан.

12 жастан асқан балалар мен ересектерге доза екі еселенеді.

Емдеу курсы 5-6 күн.

Балалар

6 жасқа дейінгі балаларда қолдану қауіпсіздігі анықталмаған.

Паценттердің ерекше топтары

Бауыр функциясы бұзылған пациенттер

Дозаны түзету қажет емес.

Егде жастағы пациенттер

Егде жастағы пациенттерге дозаны түзету қажет емес.

Қолдану тәсілі

Таблетканы толық сіңірілгенге дейін ауызда ұстайды.

Артық дозалану жағдайында қабылдануы қажет шаралар

Симптомдары: асқазан-ішек жолы тарапынан жайсыздық.

Емі: симптоматикалық ем.

ДП стандартты қолдану кезінде көрініс табатын жағымсыз реакциялардың сипаттамасы

Жағымсыз реакциялар жиілігінің параметрлері былайша анықталады: өте жиі (≥ 1/10); жиі (≥ 1/100, бірақ <1/10); жиі емес (≥ 1/1000, бірақ < 1/100); сирек (≥ 1/10000, бірақ < 1/1000); өте сирек (< 1/10000); жиілігі белгісіз (қолда бар деректер бойынша бағалау мүмкін емес).

Өте сирек:

- жүрек айнуы, құсу, тәбеттің төмендеуі

- ара шаруашылығы өнімдеріне аллергиялық реакциялар.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді заттар – прополис тұндырмасы 0,06 г, аскорбин қышқылы 0,005 г, дәрілік түймедақ экстрактісі 0,005 г,

қосымша заттар: қант, лимон қышқылы, кальций стеараты.

Сыртқы түрінің, иісінің, дәмінің сипаттамасы

Ашық-сарыдан көк-жасыл түске дейінгі, аздаған дақтары бар, сызығы мен ойығы бар, диаметрі 12 мм-ге жуық, биіктігі (4.0 ± 0.2) мм жайпақ цилиндрлі таблеткалар. Дәмі қышқыл-тәтті, иісі өзіне тән.

Шығарылу түрі және қаптамасы

10 таблеткадан полимерлі жабыны бар біріктірілген қағаздан жасалған пішінді ұяшықсыз қаптамада.

250 пішінді қаптамадан медициналық қолдану жөніндегі қазақ және орыс тілдеріндегі нұсқаулықтардың саны тең қорапты картоннан жасалған топтық ыдысқа салынады.

Сақтау мерзімі

2 жыл.

Жарамдылық мерзімі өткеннен кейін қолдануға болмайды!

Сақтау шарттары

Құрғақ, жарықтан қорғалған жерде 150 С-ден 25 0 С-ге дейінгі температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

«ПЛП «ЖАНАФАРМ» ДПӨ» ЖШС, Қазақстан Республикасы

050007, Алматы қ-сы, Шухов к-сі, 37/2 үй

Тел./факс: +7727 3992885

Е-mail: info@zhanafarm.kz

Тіркеу куәлігінің ұстаушысы

«ПЛП «ЖАНАФАРМ» ДПӨ» ЖШС, Қазақстан Республикасы

050007, Алматы қ-сы, Шухов к-сі, 37/2 үй

Тел./факс: +7727 3992885

Е-mail:info@zhanafarm.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ЖК «Нестеренко А.Е.», Қазақстан Республикасы, 050000, Алматы қ-сы, Мұқанов к-сі, 104 үй,

Тел.: +77273271602, +77077862629, +77058887587

факс +772727996659

Е-mail: pharm_vigilance@mail.ru, ip_n_nesterenko@list.ru.

Дәріханалар

Тауар артығымен бар
Тауар аз қалды
Аптека №310
3мкр ,Ғарышкер 1 Г блок 2
Круглосуточно
Аптека № 121, Талдыкурган, (ТЦ Даулет)
м-н Молодежный д36Б, ТЦ "Даулет"
Круглосуточно
Аптека №120
ул. Кабанбай батыра, 62
Круглосуточно
Аптека №119, Талдыкорган
ул. Гагарина 170
Круглосуточно