Тауарлардың көрінісі фотосуретте көрсетілгеннен өзгеше болуы мүмкін

Хилак форте 2,2 мл, №15 саше (взрослая форма)

Қолжетімділігі
Тауар қолда жоқ
Үлгі
4030096119443
Елі
Германия
  • Сипаттама

Сипаттама

Дәрілік затты медициналық қолдану

жөніндегі нұсқаулық

Хилак® форте

Саудалық атауы

Хилак®форте

Халықаралық патенттелмеген атауы

Жоқ

Дәрілік түрі

Ішуге арналған ерітінді

Құрамы

1 мл ерітіндінің құрамында

белсенді заттар: зат алмасу өнімдерінің сулы субстраты

Escherichia coli DSM 4087249,481 мг,

зат алмасу өнімдерінің сулы субстраты

Enterococcus faecalis DSM 4086124,741 мг,

зат алмасу өнімдерінің сулы субстраты

Lactobacillus acidophilus DSM 4149 124,741 мг,

зат алмасу өнімдерінің сулы субстраты

Lactobacillus helveticus DSM 4183498,960 мг,

қосымша заттар: натрий фосфаты гептагидраты, калий гидрофосфаты, сүт қышқылы, концентрацияланған фосфор қышқылы, калий сорбаты, лимон қышқылы моногидраты.

Сипаттамасы

Өзіне тән карамель иісті және қышқыл дәмі бар, мөлдір немесе аздап бұлыңғыр, сарғыш-қоңыр ерітінді.

Фармакотерапиялық тобы

Диареяға қарсы препараттар. Диареяға қарсы микроорганизмдер. Сүт қышқылын өндіретін микроорганизмдер.

АТХ кодыA07FA01

Фармакологиялық қасиеттері

Фармакокинетикасы

Хилак® форте препаратының құрамына жіңішке және тоқ ішектің грамоң және грамтеріс симбионттар метаболизмінің көптеген өнімдері кіреді, сондықтан препаратқа кинетикалық зерттеулерді жүргізу мүмкін емес.

Фармакодинамикасы

Сау ішек, әсіресе мықын, жуан және тік ішек аймағында қалыпты микрофлорамен, мысалы сүт қышқылын өндіретін Lactobacillus, Escherichia coli және Enrerococcus feaсalis толған. Мұндай микроорганизмдердің міндеті тамақтың ферментативті ыдырауын, ас қорытуды демеуді қамтиды. Физиологиялық симбионттар патогендімикроорганизмдердің өсу жағдайларын нашарлатады, уытты субстанция синтезін азайтады, олардың организмге өтуін болдырмайды. Сонымен қоса, ішек бактериялары В6, В12 және К дәрумендерінің синтезінде рөл атқарады.

Ішектің қалыпты микрофлорасы тепе-теңдігінің бұзылуы антибиотиктермен емдегеннен, сәулемен емдеуден, асқазанға операция жасағаннан кейін, сондай-ақ қолайсыз үйреншікті емес тағамнан, климат ауысуы мен басқа жағдайлардан кейінгі инфекциялық аурулар кезінде болуы мүмкін. Бұл ретте толып кетуді сезіну, метеоризм, диарея немесе іш қату сияқты симптомдар туындайды. Жалпы әлсіреу, инфекцияға шалдығудың айқын артуы, акне және экзема сияқты тері аурулары ішек флорасы зақымдануымен байланысты болуы мүмкін.

Хилак® форте ішек микрофлорасының тепе-теңдігін реттейтін препарат болып табылады. Құрамындағы қалыпты микрофлораның (метаболиттер) алмасу өнімдері, қысқа-тізбекті ұшпалы май қышқылдарының арқасында Хилак® форте ішектің өзіндік қалыпты микрофлорасының қайта қалпына келуіне ықпал етеді, ішек қабырғасының эпителий жасушаларының қайта жаңғыруын көтермелейді, ішек саңылауындағы сулы-электролитті теңгерімін қалпына келтіреді, оның антибактериялық ем аясында қолданылуы мүмкін. Препараттың құрамына кіретін қышқылдықтың нақты дәрежесімен сүт қышқылы және оның тұздары асқазан-ішек жолдары қышқылдылығының дұрыс мәнін (нөлдік қышқылдық, ферментативті және шірік диспепсиясы кезінде) қалпына келтіреді, сонысымен патогенді микроорганизмдердің тіршілік етуі үшін жағымсыз жағдайлар туындатады. Хилак® форте сальмонеллаларға қатысты антагонист болып табылатын ацидофильді анаэробтық ішек флорасының өсуіне ықпал етеді. Препарат әсерінен ішектің қалыпты симбионттарының жылдам дамуы аясында дәрумендердің табиғи синтезі қалпына келеді.

Қолданылуы

- метеоризм, диарея, іш қату, диспепсияда

- антибиотиктермен және сульфониламидтермен емдеу кезінде және одан кейін

- климаттың ауысуынан туындаған асқазан-ішек бұзылыстары (жылы елдерге сапар кезіндегі саяхатшылар диареясы)

- сальмонелла туындатқан гастроэнтеритте, сальмонелла элиминациясын жеделдету үшін нәрестелер мен кішкентай балаларда.

Қолдану тәсілі және дозалары

Хилак® фортені сұйықтықтың (сүттен басқасының, судың, шайдың, шырынның, компоттың) аздаған мөлшерімен араластырып, тамақтану кезінде немесе оған дейін ішке қабылдайды.

Ересектер мен 12 жастан асқан балаларға - тәулігіне 3 рет 2 мл-ден,

2-ден 12 жасқа дейінгі балаларға – алғашқы күндері тәулігіне 3 рет 2 мл-дан.

Жағдай жақсарғаннан кейін тәуліктік дозаны жартысына дейін азайтуға болады.

Көлемі 1.1 мл бір пакеттің ішіндегісі 20 тамшыға және көлемі 2,2 мл – 40 тамшыға сәйкес келеді.

Қыжылы және гиперацидті жағдайы бар адамдарға тәуліктік дозаны бірнеше қабылдауға (3 дозадан асатын) бөлу керек.

Емдеу ұзақтығы аурудың ағымы мен түріне байланысты, орташа алғанда 30 күнді құрайды, қажет болған жағдайда ұзартуға болады.

Жағымсыз әсерлері

Хилак® фортені кез келген жастағы науқастар жақсы көтере алады.

Сирек

  • терінің және шырышты қабықтардың аса жоғары сезімталдық реакциялары
  • аз айқындылықтағы асқазан-ішек бұзылыстары
  • препаратты жеке көтере алмаушылық
  • ыстығы көтерілуімен және қан аралас нәжіспен жедел диарея

Жекелеген жағдайда

Қолдануға болмайтын жағдайлар

Дәрілермен өзара әрекеттесуі

Антацидті препараттардың әсерінен бұл препараттың құрамына кіретін сүт қышқылының бейтараптандырылуы мүмкін.

Айрықша нұсқаулар

Қызбамен және қан аралас нәжіспен қатар жүретін жедел диарея кезінде, егер диарея 2 күннен аса жалғасатын болса және асқазан-ішек жолында басқа ұзаққа созылатын немесе айқын емес асқынулар жағдайында, дәрігерденкеңес алу қажет.

Хилак® фортені диарея кезінде сұйықтық толтырумен қажетті емді және басқа шараларды алмастырмайды, сондықтан регидратациялық емге қосымша ретінде тағайындалатынын ескерген жөн.

Хилак® форте рН ортасының қышқылдығына байланысты сүттің ұюын туындатады, сондықтан препаратты сүтпен немесе сүт өнімдерімен қабылдауға болмайды.

Жүктілік және лактация кезеңі

Жүкті және бала емізетін әйелдерге Хилак® форте тағайындағанда пайда/қауіпті жекелей бағалау қажет.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Артық дозалану жағдайлары туралы хабарланбаған.

Шығарылу түрі және қаптамасы

1,1 мл және 2,2 мл препараттан сашеде. 15, 30 немесе 60 сашеден медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.

Сақтау шарттары

25˚С-ден аспайтын температурада сақтау керек.

Балалардың қолы жетпейтін жерде сақтау керек!

Сақтаумерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

"Меркле ГмбХ", Ludwig-Merckle-Str. 3, 89143 Блаубойрен, Германия

Тіркеу куәлігінің ұстаушысы

«ратиофарм ГмбХ», Graf-Arco-Str. 3, 89079, Ульм, Германия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ратиофарм Қазақстан» ЖШС, 050059 (А15Е2Р), Алматы қ-сы, Әл-Фараби д-лы 17/1, «Нұрлы-Тау» БО, 5Б, 6-қабат. Телефон: (727)3251615;

е-mail: safety.kazakhstan@tevapharm.com; веб сайт: www.teva.kz