Ламикон 1%, 25 гр, спрей
Тауарлардың көрінісі фотосуретте көрсетілгеннен өзгеше болуы мүмкін

Ламикон 1%, 25 гр, спрей

Қолжетімділігі
Тауар қолда жоқ
Үлгі
4823002207743
Елі
Украина
Өндіруші
Фармак ОАО
  • Сипаттама

Сипаттама

Дәрілік затты медициналық қолдану

жөніндегі нұсқаулық

ЛАМИКОН®

Саудалық атауы

Ламикон®

Халықаралық патенттелмеген атауы

Тербинафин

Дәрілік түрі

Сыртқа қолдануға арналған спрей 1 %

Құрамы

1 г препараттың құрамында

белсенді зат - 100 % сусыз затқа шаққанда 10 мг тербинафин гидрохлориді;

қосымша заттар: бензой қышқылы (E 210), полиэтиленгликоль (макрогол) 20 цетостеарил эфирі, пропиленгликоль, полоксамер 407, динатрий эдетаты, инъекцияға арналған су.

Сипаттамасы

Препарат құтыдан шыққан кезде ауада ыдырайтын сұйықтық бөлшектері болып табылатын аэрозоль ағыны түрінде шашырайды

Фармакотерапиялық тобы

Жергілікті қолдануға арналған басқа да зеңге қарсы препараттар. Тербинафин.

АТX коды D01АЕ15

Фармакологиялық қасиеттері

Фармакокинетикасы

Спрей түрінде жергілікті қолданған кезде тербинафин жүйелі қан ағымына аз сіңіріледі (қолданылатын дозасының 5%-дан азы), сондықтан оның жүйелі әсері аса төмен.

Ламикон® спрейінің әсері жылдам басталады, қысқа мерзімді емдеу кезінде (7 күн) тиімділігін танытады.

Фармакодинамикасы

Ламикон® спрейінің белсенді заты – тербинафин -әсер ету ауқымы кең зеңге қарсы препарат, аллиламин туындысы болып табылады.

Ламикон® спецификалық тұрғыдан, скваленэпоксидаза ферментін тежеу арқылы зең жасушасы жарғақшасындағы стериндер биосинтезінің бастапқы сатысын бәсеңдетеді. Бұл эргостерол тапшылығы мен скваленнің жасушаішілік жинақталуына алып келе отырып, зең жасушасының қырылуын туғызады. Скваленэпоксидаза ферменті Р450 цитохромы жүйесіне жатпайды, сондықтан да, Ламикон® адамда Р450 цитохромы жүйесіне және, сәйкесінше, гормондардың немесе басқа дәрілік препараттардың метаболизміне әсер етпейді.

Тербинафин зеңдердің келесі түрлеріне қатысты фунгицидтік әсер береді (зең жасушасының қырылуын туғызады):

  • Trichophyton (T. rubrum, Т. mentagrophytes, T. verrucosum, Т. tonsurans, Т. violaceum), Microsporum canis, Epidermophyton floccosum
  • зең саңырауқұлақтары
  • белгілі бір диморфтық зеңдер Pityrosporum orbiculare (Malassezia furfur атауымен де белгілі)

сияқты дерматофиттер

Тербинафиннің ашытқы зеңдеріне қатысты (негізінен Candida текті) қарсы белсенділігі олардың түрлеріне қарай, фунгицидтік немесе фунгистатикалық болуы мүмкін.

Ламикон® спрейі қабынуға қарсы, қышынуға қарсы, эпителизациялайтын әсер береді.

Қолданылуы

- Trichophyton (соның ішінде T.rubrum, T.mentagrophytes, T.verrucosum, T.violaceum), Microsporum canis және Epidermophyton floccosum сияқты дерматофиттерден туындаған тері зеңді инфекцияларының, оның ішінде табан микоздарының (табан «зеңі»), шап эпидермофитиясының (tinea cruris), дененің тегіс терісі зеңді зақымдануларының (tinea corporis) профилактикасы және емдеуде

- Pityrosporum orbiculare-ден туындаған (Malassezia furfur атауымен де белгілі) түрлі-түсті теміреткіде (Pityriasis versicolor).

Қолдану тәсілі және дозалары

Ламикон® спрейі тек сыртқа қолдануға арналған.

Препаратты қолданар алдында терінің зақымданған бөліктерін мұқият тазалау және құрғату қажет. Препаратты терінің зақымданған бөліктеріне, олардың жеткілікті сулануы үшін жеткілікті мөлшерде бүркіп шашу және одан бөлек айналасындағы сау тері бөліктеріне де жағу керек.

Емдеу ұзақтығы мен қолдану жиілігін көрсетілімдерге байланысты белгілеу керек:

  • табан эпидермофитиясы мен тегіс тері трихофитиясында– бір апта бойы тәулігіне 1 рет;
  • түрлі-түсті теміреткіде – бір апта бойы тәулігіне 2 рет.

Егде жастағы пациенттер үшін дозасын түзету керек емес.

Ауру симптомдарының жеңілдеуі әдетте, бірнеше күн ішінде күтіледі.

Жүйесіз қолдану немесе емдеуді мерзімінен бұрын тоқтату ауру рецидивтерінің туындауына алып келеді. Егер бір апта емдеуден кейін жақсару белгілері болмаса, дәрігерге көріну қажет.

Жағымсыз әсерлері

Жаққан жерде терінің қышынуы, қабыршықтануы немесе ашытып күйдіруі, жаққан жердің ауыруы мен тітіркенуі, пигментацияның бұзылуы, эритема, қабыршық түзілуі сияқты және басқа жергілікті симптомдар байқалады. Бұл елеусіз симптомдарды бірен-саран жағдайларда хабарланатын және емдеуді тоқтатуды қажет ететін бөртпені қоса, аса жоғары сезімталдық реакцияларынан ажырата білу керек. Байқаусызда көзге тиіп кеткен жағдайда, тербинафин гидрохлориді көздің тітіркенуін туғызуы мүмкін. Сирек жағдайларда жасырын зең инфекциясы өршуі мүмкін.

Болуы мүмкін жағымсыз әсерлері:

иммундық жүйе тарапынан

Жиілігі белгісіз: есекжемді қоса, аса жоғары сезімталдық реакциялары.

көру мүшелері тарапынан

Сирек: көздің тітіркенуі.

тері мен дәнекер тіндер тарапынан

Жиі: терінің қабыршақтануы, қышынуы.

Жиі емес: терінің зақымдануы, қабыршақ түзілуі, теріге зақым келуі, пигментация бұзылуы, эритема, терінің ашытып күйдіру сезімі.

Сирек: терінің құрғау сезімі, жанаспалы дерматит, экзема.

Жиілігі белгісіз: бөртпе.

жалпы бұзылулар және жаққан жердегі реакциялар

Жиі емес: ауыру, жаққан жердің ауыруы, жаққан жердің тітіркенуі.

Сирек: симптомдардың өршуі.

Бірен-саран жағдайлар

- Квинке ісінуі, анафилаксиялық шок

Қолдануға болмайтын жағдайлар

  • тербинафинге немесе препараттың басқа компоненттеріне жоғары сезімталдық
  • 18 жасқа дейінгі балаларға
  • жүктілік және лактация кезеңі

Бауыр және/немесе бүйрек жеткіліксіздігі, маскүнемдік, сүйек кемігі қан түзілуінің бәсеңдеуі, ісіктер, зат алмасу аурулары, аяқ-қол қан тамырларының окклюзиялық аурулары кезінде сақтықпен қолдану керек.

Дәрілермен өзара әрекеттесуі

Анықталмаған

Айрықша нұсқаулар

Клиникалық белгілер айқындылығының азаюы әдетте емдеудің алғашқы күндерінде байқалады. Жүйесіз емделу немесе емделуді мезгілінен бұрын тоқтатқан жағдайларда инфекцияның қайталану қаупі бар. Егер емделудің бір аптасынан кейін оңалу белгілері байқалмаса, онда диагнозды қайта анықтаған дұрыс.

Препарат сыртқа қолдануға арналған. Препараттың көзге тиюін болдырмау керек. Спрейді бетке жағуға болмайды. Спрей байқаусызда көзге немесе бетке тиіп кеткен жағдайда, оны тез арада ағынды сумен жуып тастау қажет, ал егер тұрақты тітіркену құбылыстары дамыған жағдайда дәрігермен кеңесу қажет.

Деммен ішке жұтылуын болдырмау керек. Байқаусызда деммен жұтып қойған жағдайда, егер бұл кезде қандай-да бір жағымсыз симптомдар күшейсе немесе сақталып қалса, дәрігермен кеңесу қажет.

Аллергиялық реакциялар дамыған жағдайда препаратты тоқтату керек.

Тері микоздарын қайта жұқтырудың алдын алу үшін мына ережелерді ұстану қажет: күн сайын іш киім аустыру керек, өйткені терініңинфекция жұқтырылған беткейімен жанасқан киімде зеңдер болуы мүмкін; тым тар немесе ауаны нашар өткізетін киім киюден аулақ болу; терінің зақымданған бөліктерін жуғаннан кейін оларды мұқият құрғату; күн сайын таза сүлгіні пайдалану личным полотенцем керек. Табан микозы кезінде жалаң аяқ жүруге болмайды. Сыртқа қолданылатын емге қосымша, күніне 1 рет, шұлық немесе аяқ киімнің ішіне Ламикон® спрейін жағу ұсынылады.

Ламикон® спрейінің құрамында пропиленгликоль бар, ол терінің тітіркенуін туғызуы мүмкін.

Ламикон® спрейінің құрамында бензой қышқылы бар, ол теріні, көз бен шырышты қабықтарды аздап тітіркендіруі мүмкін.

Препараттың көлік және қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Жергілікті қолданған кезде тербинафиннің жүйелі сіңірілуінің төмендігі артық дозалану ықтималдығының аса төмендігіне түрткі болады. Ламикон®, сыртқа қолдануға арналған спрейінің 25 г бір құтысының ішіндегісін (құрамында 250 мг тербинафин гидрохлориді бар) байқаусызда жұтып қоюды Ламикон® препаратының 250 мг бір таблеткасын (ішу арқылы қолдануға арналған дәрілік түрін) қабылдаумен салыстыруға болады. Тері үстіне шашатын Ламикон® спрейін байқаусызда көп мөлшерде жұтып қойған жағдайда жағымсыз әсерлері Ламикон® таблеткаларының артық дозалануы кезіндегіге (бас ауыруы, жүрек айнуы, құсу, эпигастрий аймағының ауыру және бас айналуы) ұқсас болуы тиіс.

Емі: белсендірілген көмір және қажет болған жағдайда симптоматикалық ем жүргізу.

Шығарылу түрі және қаптамасы

25 г препарат дозалағыш-сорғысы бар құтыға құйылған.

Құтыға өздігінен желімденетін заттаңба жапсырылады.

Әр құты медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынған.

Сақтау шарттары

Түпнұсқалық қаптамасында, 25 °С-ден аспайтын температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Жарамдылық мерзімі

3 жыл

Препаратты қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Фармак» ЖАҚ, Украина, 04080, Киев қ., Фрунзе к-сі, 74.

Тіркеу куәлігінің ұстаушысы

«Фармак» ЖАҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

Қазақстан Республикасындағы «Фармак» ЖАҚ өкілдігі

Қазақстан Республикасы, Алматы қ., индексі 050012, Амангелді к-сі 59 "А" "Шартас" бизнес орталығы, 9 қабат.

Тел +7 (727) 267 64 63, факс +7 (727) 267 63 73, электронды поштасы: a.liadobruk@gmail.com