Сенадексин 70 мг, №20, табл.
Тауарлардың көрінісі фотосуретте көрсетілгеннен өзгеше болуы мүмкін

Сенадексин 70 мг, №20, табл.

Қолжетімділігі
Тауар қолда жоқ
Үлгі
4820044116767
Елі
Украина
Өндіруші
Здоровье ФК ООО
  • Сипаттама

Сипаттама

Дәрілік затты медициналық қолдану жөніндегі нұсқаулық

Сенадексин

Саудалық атауы

Сенадексин

Халықаралықпатенттелмегенатауы

Жоқ

Дәрілік түрі

70 мг таблеткалар

Құрамы

Бір таблетканың құрамында

белсенді зат -70 мг cенна жапырақтары құрғақ экстрактісі А және В кальций сеннозидтерінің 20 % құрамына шаққанда (А және В кальций сеннозидтерінің қосындысы),

қосымша заттар: лактоза моногидраты, жүгері крахмалы, ванилин, магний стеараты, стеарин қышқылы, тальк.

Сипаттамасы

Бір жақ бетінде сызығы бар, шеттері кертілген, ванилин иісі бар, ашық-қоңырдан күңгірт-қоңыр түске дейінгі теңбілдері бар, беткейі тегіс, дұрыс дөңгелек цилиндр пішінді таблеткалар.

Фармакотерапиялық тобы

Ас қорыту жолы және зат алмасу. Іш қатуларды емдеуге арналған препараттар. Жанаспалы іш жүргізетіндер. Сенна гликозидтері.

АТХ коды А06А В06

Фармакологиялық қасиеттері

Фармакокинетикасы

Препараттың әсер етуші заты (сенна антрагликозидтері метаболиттері) іс жүзінде сіңбейді, негізінен нәжіспен, сонымен бірге несеп арқылы, сондай-ақ термен бірге шығарылады. Емшек сүтіне өтеді.

Фармакодинамикасы

Жұмсақ әсер ететін іш жүргізетін өсімдік текті препарат (сенна жапырағы немесе александриялық жапырақ, немесе сүйір жапырақты кассия жапырағы).

Фармакологиялық әсері антрагликозидтерге (негізінен А және В сеннозидтерімен), сондай-ақ басқа гликозидтерге байланысты. Ішке қабылдағанда сенна гликозидтері сіңбестен, өзгермеген түрде асқазан және жіңішке ішек арқылы өтеді. Жуан ішекте антрагликозидтер ішек бактериялары көмегімен фармакологиялық белсенді антрондар мен антранолдарға ыдырайды, оларжуан ішектің интерорецепторларын тітіркендіреді, су мен электролиттердің сіңуіне кедергі жасайды, ішек қуысында судың диффузиялануына ықпалетеді, соның салдарынан нәжіс массасы босаңсиды және олардың көлемі ұлғаяды, олперистальтиканың күшеюіне және ішектің жылдам босауына ықпал етеді.

Іш жүргізетін әсері 6 – 10 сағаттан соң байқалады. Препаратты ұзақ уақыт қолданғанда оның қарқынды әсері организмдегі калий құрамының азаюынан төмендеуі мүмкін.

Препаратты пациенттер жақсы көтереді, құрамында шайырлызаттар аз болғандықтан, ішеккетітіркендіруші әсер етпейді.

Қолданылуы

- созылмалы іш қатуы

-ішектің - гипо және атониясы

- геморройда, проктитте және артқы өтіс жарықтарындаішектің босауын жеңілдету үшін

- ішектідиагностикалық және емдеу емшаралары алдында тазартуда.

Қолдану тәсілі және дозалары

Сұйықтықпен тәулігіне бір рет ішу арқылы қабылдайды. Ересектер мен 12 жастан асқан балаларға ұйықтар алдында, 12 жастан кіші балаларға –таңертең ашқарынға тағайындайды.

Ересектер мен 12 жастан асқан балаларға 1 – 2 таблеткадан тағайындайды; әсері болмағанда дозаны бір қабылдауға 2 – 3 таблеткаға дейін көтереді.Ең жоғары тәуліктік доза – 3 таблетка.

6-дан 12 жасқа дейінгі жастағы балаларға 1 таблеткадан. Ең жоғары тәуліктік доза – 2 таблетка.

Жұмсақ нәжісболуы үшін ең аз дозаны қабылдау керек. Дозаны таңдағанда бірнеше күн бойы бір дозаны қабылдау керек, әсері болмағанда – дозаны біртіндеп ½ таблеткаға ұлғайту керек. Егер ең жоғары дозаны үш күн бойы қабылдағанда дефекация жүрмесе, дәрігерге қаралу керек.

Курстық қолдануда препаратты екі апта қолданғаннан кейін екі апталық үзіліс жасау керек.

Ұзақ уақыт бойынемесе ұсынылған дозадан артық мөлшерде қолдануға болмайды.

Дозасы және емдеу ұзақтығы әр адамға жеке анықталады.

Жағымсыз әсерлері

Сирек

- анорексия, іш тұсының ауыруы, диарея

- несеп түсінің өзгеруі

- аллергиялық реакция

Болуы мүмкін (ұзақ қабылдау кезінде)

- электролиттерді, негізінен калий иондарын жоғалту

- альбуминурия, гематурия

- ішек псевдомеланозы

- жуан ішек атониясы, метеоризм, ас қорытудың бұзылуы.

Қолдануға болмайтын жағдайлар

- препараттың басқа компоненттеріне және сенна гликозидтеріне жоғары жеке сезімталдық

- метроррагия

- ішектің бітелуі

- ішектің жедел қабыну ауруларында (Крон ауруы, ойық жара колиті, аппендицит)

- перитонит

- он екі елі ішек және асқазанның пептидтік ойық жарасы

- асқазан-ішектен қан кетулер

- жарықтың қысылып қалуы

- цистит

- генезі анықталмаған іш тұсының ауыруы

- су-электролитті теңгерімнің ауыр бұзылулары

- 6 жасқа дейінгі балаларға

- туа біткен фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы

Дәрілермен өзара әрекеттесуі

Ұзақ уақыт қолданған кезде немесе жоғары дозаларда қолданғанда препарат организмдегі калий иондары төмендеуінің салдарынан жүрек гликозидтері және антиаритмиялық дәрілердің әсерін күшейтеді, тетрациклиндер сіңуін бұзады. Тиазидті диуретиктермен, бүйрек үсті безі қыртысы гормондарымен, мия тамырларының препараттарымен бір мезгілде қабылдағанда гипокалиемия даму қаупі артады. Асқазан-ішек жолдарында баяу сіңетін препараттардың тиімділігін төмендетеді.

Айрықша нұсқаулар

Препаратты диетаны өзгерту немесе ішек ішіндегісінің көлемін арттыратын препараттарды қолдану арқылы нәжісті қалпына келтіру мүмкін болмағанда ғана қолдану ұсынылады.

Бауыр және/немесе бүйрек аурулары бар пациенттерге препаратты сақтықпен қабылдаған жөн.

Емдеу кезінде несептегі рН–қа байланысты несептің түсі сарғыш-қоңыр немесе қызылдау түске өзгеруі мүмкін.

Педиатрияда қолданылуы

6 жастан үлкен балаларға препаратты сақтықпен дәрігердің ұсынымы бойынша тағайындайды.

Жүктілік және лактация кезеңі

Препаратты жүкті әйелдерге қолданудан жағымсыз әсерлер (абдоминальді ауырулар, диарея)даму қаупі артуы мүмкін. Препаратпен емделу кезіндебала емізуді тоқтату керек, өйткені препарат компоненттері ана сүтіне өтіп, баланың іші сұйық болып өтуіне әкеп соқтыруы мүмкін.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препарат әдетте көлік құралдарын жүргізуге және зейін қою мен психикалық және қимыл реакцияларының жылдамдығын талап ететін жұмыс түрлерін орындауға әсер етпейді. Алайда препаратқа жеке реакцияныескеру қажет.

Артық дозалануы

Симптомдары: су-электролитті теңгерімнің бұзылуына әкеп соқтыратын диарея.

Емі: симптоматикалық ем.

Шығарылу түрі және қаптамасы

10 таблеткадан поливинилхлоридті үлбірден және негізі алюминий фольгалы орамдық қаптамалық материалдан жасалған пішінді ұяшықты қаптамада.

Пішінді ұяшықты қаптамалар медициналық қолдану жөніндегі мемлекеттік және орыс тіліндегі нұсқаулықтармен бірге топтық қаптамаға салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші /Қаптаушы

«Лубныфарм» ЖАҚ.

Украина, 37500, Полтава обл., Лубны қ., Барвинков к-сі, 16.

Тіркеу куәлігінің ұстаушысы

«Лубныфарм» ЖАҚ, Украина.

Украина, 37500, Полтава обл., Лубны қ., Барвинков к-сі, 16.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«Фарм-Евро» ЖШС

050039, Алматы қ., Майлин к-сі, 72 үй, 34 пәтер

Факс: +7(272) 71-84-97

E-mail: farmevro@mail.ru

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Фарм-Евро» ЖШС

050039, Алматы қ., Майлин к-сі, 72 үй, 34 пәтер

Факс: +7(272) 71-84-97

E-mail: farmevro@mail.ru