Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Саудалық атауы
Бензилпенициллин натрий тұзы
Халықаралық патенттелмеген атауы
Бензилпенициллин
Дәрілік түрі, дозалануы
Бұлшықет ішіне енгізу үшін ерітінді дайындауға арналған, 1000000 ӘБұнтақ
Фармакотерапиялық тобы
Жүйелі қолдануға арналған инфекцияға қарсы препараттар. Жүйелі қолдануға арналған Анти-бактериалды препараттар. Бактерияға қарсы бета-лактамды препараттар, пенициллиндер. Пенициллиндер пенициллиназа-сезімталдар. Бензилпенициллин.
АТХ коды: J01CЕ01.
Қолданылуы
Бензилпенициллин натрий тұзы дәрілік препараты ересектерде, балаларда, жаңа туған нәрестелерде және шала туған сәбилерде пенициллинге сезімтал патогендерден туындаған келесі инфекцияларды емдеу үшін:
- сепсис
- тері және жаралық инфекциялар
- дифтерия (антитоксинге қосымша)
- пневмония
- плеврит
- тілме қабыну
- бактериялық эндокардит
- перитонит
- менингит
- ми абсцессі
- остеомиелит
- фузобактериялардан туындаған жыныс жолдарының инфекциялары
Бензилпенициллин натрий тұзы дәрілік препараты келесі арнаулы инфекцияларды емдеу үшін де қолданылады:
- сібір ойық жарасы
- сіреспе
- газды гангрена
- листериоз
- пастереллез
- егеуқұйрық тістегеннен кейінгі қызба
- фузоспирохетоз
- актиномикозда қолданылады.
Сонымен қатар, Бензилпенициллин натрий тұзы дәрілік препараты соз және мерез кезіндегі асқынуларды емдеу үшін де қолданылады (мысалы, гонореялық эндокардит немесе артрит, туа біткен мерез). Бензилпенициллин жүктілік кезінде мерезді емдеу үшін қолданылмайды.
Бензилпенициллин натрий тұзы дәрілік препараты аурудың екінші сатысынан (менингополиневрит) бастап Лайм ауруында, Гарин-Бужаду-Баннварт синдромында (лимфоцитарлы менингополирадикулоневрит), созылмалы акродермитте, Лайм атрофиялық ауруында, Лайм артритінде, Лайм кардитінде), егер пероральді пенициллин емі бұдан былай көрсетілмейтін болса, пайдаланылады. Жүктілік кезінде, диацентарлық инфекциялардың алдын алу үшін Лайм ауруының екінші кезеңінен бастап және одан әрі Бензилпенициллин натрий тұзы дәрілік препаратының жоғары дозаларын парентеральді қолдану ұсынылады.
Бактерияға қарсы дәрілерді дұрыс қолдану жөніндегі ресми ұлттық ұсыныстарды қарастыру керек.
Дәрілік препаратты қолданудың басталуына дейінгі қажетті мәліметтер тізбесі
Қолдануға болмайтын жағдайлар
- бензилпенициллинге немесе 6.1-бөлімде аталған қосымша заттардың кез келгеніне аса жоғары сезімталдық,
- анамнезінде пенициллинге аса жоғары сезімталдықтың болуы
- анамнезінде басқа бета-лактам агентіне (мысалы, цефалоспорин, карбапенем немесе монобактам) аса жоғары сезімталдықтың шұғыл ауыр реакциясының болуы (мысалы, анафилаксия)
Қолдану кезіндегі қажетті сақтандыру шаралары
Цефалоспориндерге аса жоғары сезімталдық жағдайларында айқаспалы анафилактоидты немесе анафилаксиялық реакция болуы мүмкін (әдеби деректер бойынша жиілігі: 5-10%).
Қолданар алдында аса жоғары сезімталдыққа тест жүргізу қажет
Пациенттерге аса жоғары сезімталдық реакциясының туындауы мүмкін екендігі туралы хабарлау керек. Аллергиялық диатез немесе бронх демікпесі бар пациенттерде ерекше сақтық қажет. Препаратты қолданғаннан кейін пациенттер 30 минут бойы бақылауда болуы тиіс, ал адреналин ерітіндісі аса қажет болған жағдайда инъекцияға дайын болуы тиіс. Егер аллергиялық реакция туындаса, препаратты енгізу тоқтатылуы және қажет болса, симптоматикалық емдеу тағайындалуы тиіс.
Келесі жағдайлардағы пациенттердесақ болу керек:
- аллергиялық диатез (есекжем немесе пішен қызбасы) немесе демікпе (аса жоғары сезімталдық реакцияларының жоғары қаупі)
- жүректің ауыр аурулары немесе кез келген басқа текті электролиттік теңгерімнің елеулі бұзылуы (пациенттердің осы тобында электролиттерді қолдануға, әсіресе калий қабылдауға назар аудару керек)
- бүйрек жеткіліксіздігі (дозаны түзету қажет)
- ауыр бауыр жеткіліксіздігі (дозаны түзету қажет)
- эпилепсия, ми ісінуі немесе менингит (құрысудың пайда болу қаупі жоғары, әсіресе Бензилпенициллин натрий тұзы препаратының жоғары дозаларын енгізгенде
- мононуклеоз (тері бөртпелерінің жоғары қаупі)
- жедел лимфолейкозы бар пациенттерде қатарлас инфекцияларды емдегенде (тері реакцияларының жоғары қаупі бар)
- дерматомикоздар (парааллергиялық реакциялар болуы мүмкін, себебі пенициллиндер мен дерматофиттер метаболизмінің өнімдері арасында жалпы антигендік болуы мүмкін.
Сирек жағдайларда пенициллин алатын пациенттерде протромбин уақытының ұзаруы байқалады. Тиісті бақылау антикоагулянттарды бір мезгілде қолданған кезде орындалуы тиіс. Антикоагуляцияның қажетті емдік әсерін алу үшін антикоагулянттың пероральді дозасын түзету қажет.
Қант диабеті бар пациенттерде бұлшықет ішіне енгізген кезде бензилпенициллиннің сіңірілуі төмендегенін есте ұстаған жөн.
Венерологиялық аурулар кезінде зерттеулер ем басталғанға дейін орындалуы тиіс (мысалы, егер пациентте мерездің болуына күдік болса). Мониторинг мақсаттары үшін серологиялық тестілер де кемінде 4 ай жүргізілуі тиіс.
Ұзақ емдеу кезінде төзімді организмдердің шамадан тыс өсуі мүмкіндігінен қырағылық қажет. Егер қайталама инфекциялар пайда болса, тиісті шаралар қабылдау керек.
Егер ауыр, тұрақты диарея пайда болса, өмірге қауіпті болуы мүмкін антибиотиктерді (шырышты-геморрагиялық колит, сулы диарея, шаншу, іштің түсініксіз ауыруы, қызба, кейде тенезмдер) қолданумен байланысты жалған жарғақшалы колиттің пайда болу мүмкіндігін ескеру керек. Мұндай жағдайларда бензилпенициллинді қолдану дереу тоқтатылуы тиіс. Ішек перистальтикасын бәсеңдететін препараттар қарсы көрсетілімде.
Лайм боррелиозын немесе мерезді емдеген кезде Jarisch-Herxheimer реакциясы пенициллиннің патогенге бактерицидтік әсері нәтижесінде пайда болуы мүмкін, ол қызба, қалтырау, жалпы симптомдар және ошақтық симптомдармен сипатталады (негізінен бастапқы дозаны енгізгеннен кейін 2-12 сағаттан кейін).
Пациенттерге бұл бактерияға қарсы емнің әдеттегі өтпелі асқынуы екенін хабарлау керек.
Яриш-Герксгеймер реакциясын басу немесе жеңілдету үшін тиісті ем тағайындау керек.
Ауыр пневмония, эмпиема, сепсис, менингит немесе перитонит сияқты сарысудағы пенициллиннің жоғары дозасын қолдануды талап ететін жағдайлар үшін суда еритін бензилпенициллиннің сілтілік тұзымен емдеу керек.
Егер туа біткен мерезі бар пациенттерде неврологиялық симптомдардың бар-жоғын анықтау мүмкін болмаса, жұлын сұйықтығында неғұрлым жоғары деңгейге жететін пенициллин түрлерін пайдалану керек.
Ауыр жергілікті реакциялар балаларға бұлшықет ішіне енгізгенде пайда болуы мүмкін. Балаларда венаішілік ем жүргізу керек.
Өте жоғары дозаларды вена ішіне енгізгенде (күніне 10000000 астам) суперинфекция мен тромбофлебит болдырмау үшін енгізу орнын бір күннен кейін ауыстырып отыру керек.
Электролиттік теңгерімнің бұзылуы мүмкін болғандықтан Бензилпенициллин натрий тұзы препаратын енгізу кезінде құрысу реакцияларының мүмкіндігіне байланысты 10000000 ӘБ астам инфузия кезінде баяу енгізу керек.
Бензилпенициллиннің жоғары дозаларымен ұзақ (5 күннен астам) емдеу кезінде электролиттер теңгерімінің мониторингі, қан мониторингі және бүйрек функциясының тестілері ұсынылады.
Диагностикалық зертханалық емшараларға әсері:
Тәулігіне 10000000 ӘБ бензилпенициллин немесе одан да көп қабылдайтын пациенттерде Кумбстың оң тікелей сынағы (≥ 1% <10% дейін) жиі дамиды. Пенициллинді қабылдауды тоқтатқаннан кейін антиглобулинге тікелей тест 6-8 апта бойы оң болып қалуы мүмкін.
Преципитация әдістерін (сульфосалицил қышқылы, трихлорсіркесуы қышқылы), Фолин-Чокальтеу-Лоури әдісі немесе Биурет әдісі арқылы несептегі ақуызды анықтау жалған оң нәтижелерге әкелуі мүмкін. Сондықтан бензопеницилин алатын пациенттерде осындай тесттердің нәтижелерін түсіндіру кезінде сақтық таныту керек. Тест жолақтары арқылы ақуызды анықтау әсер етпейді.
Нингидрин әдісі арқылы несептегі аминқышқылдарын анықтау тең дәрежеде жалған оң нәтижелерге әкелуі мүмкін.
Пенициллиндер альбуминмен байланысады. Осылайша, альбуминді анықтау үшін электрофорез әдістерінде псевдобисальбуминемияны модельдеуге болады.
Бензилпенициллинмен емдеу кезінде несептегі глюкозаны ферментативті емес анықтау және уробилиногеннің анықталуы жалған оң болуы мүмкін. Несептегі глюкозаның ферментативті талдауларын бензилпенициллинмен ем жүргізетін пациенттерде қолдану керек, өйткені бұл өзара әрекеттесу оларға әсер етпейді.
17-кетостероидты анықтау кезінде (Циммерман реакциясын пайдалану арқылы) несепте бензилпенициллинмен емдеу кезінде жоғары мәндер байқалуы мүмкін
Басқа дәрілік препараттармен өзара әрекеттесуі
Бензилпенициллинді бірге қолдану ұсынылмайды
Жалпы қағиданы негізге ала отырып, бактерицидтік және бактериостатикалық антибиотиктерді біріктіруге болмайды,
Бензилпенициллин натрий тұзы препаратын бактериостатикалық антибиотиктермен біріктіруге болмайды.
Аралас инъекциялар немесе инфузиялар: қажетсіз химиялық реакцияларды болдырмау үшін аралас инъекцияларды немесе инфузияларды немесе глюкоза сияқты құрамында көмірсулар бар ерітінділермен қоспаларды қолданудан аулақ болу керек.
Пробенецид: пробенецидті енгізу бензилпенициллиннің өзекшелік секрециясының тежелуіне алып келеді, бұл сарысудағы концентрацияның ұлғаюына және жартылай шығарылу кезеңінің ұзартылуына алып келеді. Сонымен қатар, пробенецид пенициллиннің жұлын сұйықтығынан тасымалдануын тежейді, сондықтан пробенецидті бір мезгілде қабылдау бензилпенициллиннің ми тініне енуін одан әрі азайтады.
Қабынуға қарсы, ревматизмге қарсы және қызу түсіретін дәрілер: бензилпенициллинді қабынуға қарсы, ревматизмге қарсы немесе қызу түсіретін дәрілермен (әсіресе индометацинмен, фенилбутазонмен, жоғары дозадағы салицилаттармен) бірге қолданғанда сарысудағы концентрацияның ұлғаюына және жартылай шығарылу кезеңін ұзартуға әкеледі.
Дигоксин: дигоксинді бензилпенициллин алатын пациенттерде сақтықпен қолдану керек, өйткені өзара әрекеттесу нәтижесінде брадикардия қаупі бар.
Метотрексат: бензилпенициллинмен бірге қолданғанда метотрексаттың экскрециясы азаяды. Бұл метотрексат уыттылығының артуына әкелуі мүмкін. Метотрексат пен пенициллинді бір мезгілде қолданудан аулақ болу керек. Егер бірге пайдаланудаусыз болса, метотрексат дозасын төмендетуді қарастырған жөн. Пациент лейкопенияны, тромбоцитопенияны және терінің іріңдеуін қоса алғанда, метотрексаттың ықтимал қосымша жағымсыз реакцияларына тексерілуі тиіс.
Пероральді антикоагулянттар: пероральді антикоагулянттар және пенициллин антибиотиктері іс жүзінде өзара әрекеттесусіз кеңінен қолданылды. Дегенмен, әдебиетте пенициллинмен бір мезгілде аценокумарол немесе варфарин тағайындаған кезде қан кету байқалған пациенттер санының артуы туралы хабарламалар бар. Егер бір мезгілде қабылдау талап етілсе, пенициллинді бірлесіп енгізу немесе қабылдауды тоқтату кезінде протромбин уақытын немесе коагуляцияның басқа параметрлерін мұқият бақылау керек. Сонымен қатар, антикоагулянттың пероральді дозасын түзету қажет болуы мүмкін.
Антибиотиктер арасындағы синергизм:
Егер синергетикалық немесе кем дегенде қосымша әсер күтілсе, бензилпенициллин натрий тұзы препаратын басқа антибиотиктермен бірге қолдану керек. Әдетте, біріктірілімніңжекелеген компоненттері толық тиімді дозада енгізілуі тиіс (ерекшелік: егер синергизм дәлелденсе, біріктірілім бойынша неғұрлым уытты серіктестің дозасын азайтуға болады).
Бензилпенициллин натрий тұзы препаратын келесі антибиотиктермен біріктіруге болады:
- бета-лактамды антибиотиктер (мысалы, флукоксациллин және басқа да аясы тар бета-лактамдар)
- аминопенициллиндер
- аминогликозидтер
Арнайы сақтандырулар
Жүктілік және лактация кезеңі
Бензилпенициллин плацента арқылы өтеді. Енгізгеннен кейін 1-2 сағаттан кейін эмбрионалды сарысуда тиісті концентрацияға қол жеткізіледі. Жануарларға жүргізілген зерттеулер ұрпақ өрбітуге уыттылыққа қатысты тікелей немесе жанама әсер етудің ешқандай белгілерін көрсетпеді. Жүктілік кезінде қолдану болжамды пайдасы жағымсыз әсерлердің даму қаупінен асып кеткен жағдайда ғана мүмкін болады. Бензилпенициллин жүктілік кезінде мерезді емдеу үшін қолданылмайды.
Бензилпенициллинді қолданған кезде бензилпенициллиннің аз мөлшері емшек сүтінде пайда болады. Осы уақытқа дейін емшек сүтімен қоректенетін балалардағы жағымсыз әсерлер туралы хабарланбаған болса да, сенсибилизация немесе ішек флорасына жағымсыз әсер ету мүмкіндігін ескеру керек.
Нәрестелерді емізуге болмайды. Емшек сүтімен емізуді емдеуді тоқтатқаннан кейін24 сағаттан кейін қайта бастауға болады.
Дәрілік заттың көлік құралын және қауіптілігі зор механизмдердібасқару қабілетіне әсер ету ерекшеліктері
Көлікті басқару және машиналарды қолдану қабілетіне әсер етуіне ешқандай зерттеулер жүргізілген жоқ.
Ықтимал елеулі жағымсыз әсерлердің пайда болуына байланысты (мысалы, коллапспен анафилаксиялық шок және анафилактоидты реакциялар) бензилпенициллин натрий тұзы препараты автокөлікті басқару және машинаны пайдалану қабілетіне әсер етуі мүмкін.
Қолдану жөніндегі нұсқаулар
Дозалану режимі
Ересектер мен балалар (12 жас және одан үлкен)
Әдеттегі доза (бұлшықет ішіне немесе вена ішіне): тәулігіне 30000 ӘБ/кг, бұл тәулігіне шамамен 1000000 – 1500000 ӘБ, 4-6 дозаға бөлінген
Ең жоғары тәуліктік доза (вена ішіне): 30000 ӘБ/кг/күн, бұл тәулігіне шамамен 1000000-4000000 ӘБ, 4-6 дозаға бөлінген.
Балалар
Сәбилер (бір ай және одан үлкен) және 12 жасқа дейінгі балалар)
Әдеттегі доза (бұлшықет ішіне немесе вена ішіне): тәулігіне 30000-100000 ӘБ/кг,4-6 дозаға бөлінген.
Ең жоғары тәуліктік доза (вена ішіне): 100000 – 500000 ӘБ/кг/күн, 4-6 дозаға бөлінген.
Назар аударыңыз: егер инфузия тым жылдам болса, құрысулар мен электролиттік теңгерімсіздік туындауы мүмкін. Вена ішіне 1,2 г астам дозалар үшін инфузияның300 мг / мин аспайтын жылдамдығы ұсынылады.
Жаңа туған нәрестелер (2-4 апта)
Әдететгі доза (бұлшықет ішіне немесе вена ішіне): 30000 – 100000 ӘБ/кг/тәулік, 3-4 бір реттік дозаларда.
Ең жоғары тәуліктік доза (вена ішіне): 200000 – 500000 ӘБ/кг/тәулік, 3-4 бір реттік дозаларда.
Шала туған және жаңа туған нәрестелер (2 аптаға дейін)
Әдететгі доза (бұлшықет ішіне немесе вена ішіне): 30000 - 100000 ӘБ/кг/тәулік, 2 бір реттік дозаларда.
Ең жоғары тәуліктік доза (вена ішіне): 200000 – 500000 ӘБ/кг/тәулік, 2 бір реттік дозаларда.
Шала туған және жаңа туған нәрестелерде дозалар арасындағы аралық бензилпенициллиннің шығарылу төмендеуінен кем дегенде 12 сағатты құрауы тиіс
Бензилпенициллин натрий тұзы препаратын креатинин клиренсінің негізінде сәбилерге (1 айдан және одан үлкен) және балаларға (12 жасқа дейінгі) арналған дозалау
| Креатинин клиренсі мл/мин | 100-60 | 50-10 | <10 |
| Қан сарысуындағы креатинин мг % | 0.8-1.5 | 1.5-8.0 | 15 |
| Бензилпенициллин натрий тұзы препаратының тәуліктік дозасы | 30000-100000 ӘБ/кг | 20000-60000 ӘБ /кг | 10000-40000 ӘБ /кг |
| Дозалау аралығы | 4-6 реттік дозаларда | 2-3 реттік дозаларда | 2 реттік дозаларда |
Нәрестелер (1 айдан және одан үлкен) және балалар (12 жасқа дейін): егер бүйрек жеткіліксіздігі орташадан ауыр дәрежеге дейін болса (шумақтық сүзілу жылдамдығы10-50 мл / мин / 1,73 м2), әрбір 8-12 сағат сайын әдеттегі доза тағайындалады. Бүйрек функциясының бұзылуы немесе бүйрек жеткіліксіздігі өте ауыр жағдайларда (шумақтық сүзілу жылдамдығы <10 мл / мин / 1,73 м2) әдеттегі доза әрбір 12 сағат сайын енгізіледі.
Шала туған және жаңа туған нәрестелер (4 аптаға дейінгі жаста): бензилпенициллин натрий тұзы препараты бүйрек функциясы бұзылған шала туған және жаңа туған нәрестелерді емдеу үшін қолданылмайды.
Егде жастағы пациенттер
Егде жастағы пациенттерде препараттың шығарылуы баяулауы мүмкін, сондықтан дозаны төмендету қажет болуы мүмкін. Сондықтан доза әрбір жеке жағдайда бүйрек функциясын ескере отырып түзетілуі тиіс.
Бүйрек жеткіліксіздігі бар пациенттер
Бүйрек функциясы бұзылған кезде пенициллиндердің шығарылуы баяулауы мүмкін, бұл дозалауда ескерілуі керек. Сондықтан жеке дозалар және / немесе бензилпенициллин қолдану дозалары арасындағы аралықтары әрбір жеке жағдайда түзетілуі ұсынылады.
Бензилпенициллин натрий тұзы препаратын ересектер мен жасөспірімдер үшін дозалау креатинин клиренсінің негізінде
| Креатинин клиренсі мл/мин | 100-60 | 50-40 | 30-10 | <10 |
| Қан сарысуындағы креатинин мг % | 0.8-1.5 | 1.5-2.0 | 2-8 | 15 |
| Бензилпенициллин натрий тұзы препаратының тәуліктік дозасы | 60 жасқа дейінгі пациенттер: 40000000 ӘБ; 60 жастан үлкен пациенттер: 10000000 - 40000000 ӘБ | 10000000 – 20000000 ӘБ | 5000000 – 10000000 ӘБ | 2000000 - 5000000 ӘБ |
| Дозалау аралығы | 3-6 реттік дозаларда | 3 реттік дозаларда | 2-3 реттік дозаларда | 1-2 реттік дозаларда |
Бауыр жеткіліксіздігі бар пациенттер
Бүйрек функциясы бұзылмаған жағдайда дозаны төмендету талап етілмейді.
Емдеу ұзақтығы
Емдеудің әдеттегі ұзақтығы-көптеген көрсетілімдер үшін 10-14 күн құрайды. Дегенмен, емдеу ұзақтығы инфекцияның ауырлығын, қоздырғыштың сезімталдығын, пациенттің клиникалық және бактериологиялық статусын ескере отырып түзетілуі тиіс.
Клиникалық симптомдар жойылғаннан кейін кемінде 2-3 күн емдеуді жалғастыру керек.
ДДҰ ұсынымдарына сәйкес, стрептококк ауруларында емдеу кезеңін кемінде 10 күн сақтау керек.
Артық дозалану жағдайында қабылдау қажет болатын шаралар
Симптомдары: бензилпенициллиннің өте үлкендозаларын қолданғанда және әсіресе эндолюмбальді енгізгенде нейроуытты құбылыстар (жүрек айнуы, құсу, рефлекторлық қозғыштық артуы, құрысулар,кома) бақылануы мүмкін.Эндолюмбальді инъекциялар аса сақтықпен жүргізілуі тиіс.
Емі: асқазан шаю, тұзды іш жүргізгіштер, су-электролиттік теңгерімді ұстап тұруға арналған препараттар жәнесимптоматикалық ем.
Қандағы натрий бензилпенициллиннің шамадан тыс мөлшері гемодиализ арқылы жойылуы мүмкін.
Дәрілік препаратты қолдану тәсілін айқындау үшін медицина қызметкеріне кеңес алу үшін ұсынымдар
Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жиі
- оң тікелей Кумбс тесті
- преципитация әдістерін қолдану арқылы несептегі ақуыздың құрамын жалған оң анықтау (Фолин-Чокальтеу-Лоури әдісі, Биурет әдісі)
- несептегі аминқышқылдарын жалған оң анықтау (нингидрин әдісі)
- альбуминді анықтау үшін электрофорез әдістерін пайдалану кезінде жалған-бисальбуминемияның жалған көрсеткіштері.
- несептегі глюкозаны жалған оң ферментті емес анықтау және уробилиногенді анықтау
- несептегі 17-кетостероидтарды анықтау кезіндегі жоғары мәндер (Циммерман реакциясын қолдану арқылы)
Жиі емес
- аллергиялық реакциялар (есекжем, ангионевроздық ісіну, мультиформалы эритема, эксфолиативті дерматит, қызба, артралгия, анафилаксия
- анафилактоидты реакциялар (демікпе, пурпура, асқазан-ішек симптомдары)
- парааллергиялық реакциялар дерматомикоздары бар пациенттерде пайда болуы мүмкін, себебі пенициллиндер мен дерматофиттер метаболизмінің өнімдері арасында жалпы антигенділік болуы мүмкін
- стоматит, глоссит, ақ үлпек басқан тіл, жүрек айнуы, құсу
- диарея (егер емдеу кезінде диарея дамыса, жалған жарғақшалы колиттің пайда болу мүмкіндігін қарастыру керек)
Сирек
- электролиттердің теңгерімсіздігі 10000000 ӘБ астам жылдам инфузия кезінде пайда болуы мүмкін.
- невропатия (құрысу реакциялары жоғары дозалар инфузиясында (ересектерде 20000000 астам) туындауы мүмкін, мұны әсіресе бүйрек функциясының елеулі бұзылулары, эпилепсия, менингит, мидың ісінуі бар пациенттерде немесе жасанды қан айналымы кезінде ескеру керек
- нефропатия (10000000 ӘББензилпенициллинді вена ішіне енгізгеннен кейін)
- альбуминурия, цилиндрурия және гематурия
- олигурия немесе анурия (бензилпенициллиннің жоғары дозаларымен емдеу кезінде сирек туындауы мүмкін, әдетте емдеуді тоқтатқаннан кейін 48 сағат ішінде жойылады
-диурез
- балаларға бұлшықет ішіне енгізген кездегі ауыр жергілікті реакциялар
Өте сирек (< 1/10000)
- эозинофилия, лейкопения, нейтропения, гранулоцитопения, тромбоцитопения, агранулоцитоз, панцитопения, гемолитикалық анемия, коагуляция бұзылуы
Белгісіз (қолда бар деректер негізінде бағалау мүмкін емес)
- қан кету және протромбин уақытын ұзарту
- спирохет инфекцияларымен бірге сарысулық ауру, Яриш-Герксгеймер реакциясы (мерез және Лайм боррелиозы)
- гепатит, холестаз
- пемфигоид (терідегі және шырышты қабықтарда субэпителиалды көпіршіктердің пайда болуы)
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Дәрілік препарат құрамы
Бір құтының ішінде
белсенді зат - бензилпенициллин натрий тұзы - 1000000 ӘБ
Сыртқы түрінің, иісінің, дәмінің сипаттамасы
Ақ ұнтақ.
Шығарылу түрі және қаптамасы
1000000 ӘБ белсенді заттан сыйымдылығы 10 мл, алюминий қақпақшалармен немесе пластмасса қақпағы бар біріктірілген алюминий қалпақшалармен қаусырылған резеңке тығындармен герметикалық тығындалған құтыларда. Пластмасса қақпаққа қысыммен құю әдісімен орындалған кәсіпорынның тауарлық белгісі жазылған.
Әр құтыға өздігінен жабысатын заттаңба немесе мөлдір полимерлі үлбірден жасалған заттаңба жапсырылады.
50 құты медициналық қолдану жөніндегі қазақ және орыс тілдеріндегі нұсқаулықтың тең мөлшерімен картон қорапқа стационарларға жеткізу үшін салынады.
Сақтау мерзімі
3 жыл.
Жарамдылық мерзімі өткеннен кейін қолдануға болмайды!
Сақтау шарттары
15 °C-ден 25 °C-ге дейінгі температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
«Синтез» ААҚ,
640008, Ресей, Қорған обл., Қорған қ., Конституция даңғ., 7 үй.
тел./факс (3522) 48-16-89
E-mail: contact@ksintez.ru
Интернет-сайт: www.ksintez.ru
Тіркеу куәлігінің ұстаушысы
«Синтез» ААҚ,
640008, Ресей, Қорған обл., Қорған қ., Конституция даңғ., 7 үй.
тел./факс (3522) 48-16-89
E-mail: contact@ksintez.ru
Интернет-сайт: www.ksintez.ru
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Deсalog» ЖШС, 050050, Қазақстан Республикасы,
Алматы қ-сы, Глазунов к-сі, 41 А-4
тел. 2944221, тел. 8 7017315218
E-mail: deсalog@nur.kz