Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
БРУФЕН® РАПИД
Халықаралық патенттелмеген атауы
Ибупрофен
Дәрілік түрі, дозалануы
Жұмсақ капсулалар 200 мг, 400 мг
Фармакотерапиялық тобы
Сүйек-бұлшықет жүйесі. Қабынуға қарсы және ревматизмге қарсы препараттар.Қабынуға қарсы және ревматизмге қарсы стероидты емес препараттар.Пропион қышқылының туындылары. Ибупрофен.
АТХ коды М01АЕ01
Қолданылуы
Келесі жағдайларда ауырсынуды қысқа мерзімді симптоматикалық жеңілдету үшін:
Дәрілік препаратты қолданудың басталуына дейінгі қажетті мәліметтер тізбесі
Қолдануға болмайтын жағдайлар
- әсер етуші затқа немесе қосымша заттардың кез келгеніне аса жоғары сезімталдық
- анамнездегі ацетилсалицил қышқылын немесе басқа қабынуға қарсы стероидты емес препараттарды (ҚҚСЕП) қабылдау түрткі болған аса жоғары сезімталдық реакциялары (атап айтқанда, бронх демікпесі, ринит, Квинке ісінуі немесе есекжем)
- асқыну сатысындағы немесе анамнезіндегі ойықжара ауруы/ойық жарадан қан кету (анамнезіндегі ойықжара ауруының/ойықжарадан қан кетудің екі және одан да көп расталған көріністері)
-асқазан-ішек жолынан қан кету немесе ҚҚСЕП қолданудан туындаған перфорация немесе анамнезінде болуы
- айқын сусыздану (құсу, диарея немесе сұйықтықты жеткіліксіз тұтыну салдарынан)
- гемофилия және қан ұюының басқа да бұзылулары (оның ішінде гипокоагуляция), геморрагиялық диатездер
- бауыр функциясының ауыр жеткіліксіздігі
- бүйрек функциясының ауыр жеткіліксіздігі
- жүрек функциясының ауыр жеткіліксіздігі (NYHA бойынша IV класс - Нью-Йорк кардиологтар қауымдастығының жіктелуі)
- фруктозаға тұқым қуалайтын төзбеушілік, глюкоза-галактоза мальабсорбциясы, сукраза-изомальтаза ферментінің тапшылығы
- жүктілік (III триместр) және лактация кезеңі
- 12 жасқа дейінгі балалар
Қолдану кезіндегі қажетті сақтандыру шаралары
Егер осы бөлімде көрсетілген жағдайлар болса, препаратты қолданар алдында дәрігермен кеңесу керек.
Басқа ҚҚСЕП сияқты БРУФЕН® РАПИД препараты қызу және ауыру сияқты инфекциялардың белгілерін жасыруы мүмкін. Сондықтан БРУФЕН® РАПИД препараты инфекцияның тиісті емін кейінге қалдыруы мүмкін, бұл асқыну қаупінің артуына әкелуі мүмкін. Бұл бактериялардан туындаған пневмонияда және желшешекке байланысты бактериялық тері инфекцияларында байқалды. Егер сіз бұл дәріні инфекция кезінде қабылдасаңыз және инфекция симптомдары сақталса немесе нашарласа, дереу дәрігерге қаралыңыз.
Егер препаратты қысқа уақыт аралығында, симптомдарды жою үшін қажетті ең аз тиімді дозада қабылдаса, жағымсыз әсерлерді барынша азайтуға болады.
Егде жастағы пациенттер
Егде жастағы адамдарда ҚҚСЕП қолдану аясында, әсіресе асқазан-ішектен қан кетулер мен тесілулер, кейбір жағдайларда өліммен аяқталатын жағымсыз реакциялардың жоғары жиілігі байқалады.
Респираторлық бұзылулар
Ибупрофенді бронх демікпесі немесе асқыну сатысындағы аллергиялық ауруы бар пациенттерде сақтықпен тағайындау керек, сондай-ақ бронх демікпесі/аллергиялық ауруы бар пациенттерде препарат бронхоспазмды тудыруы мүмкін. Шылым шегу кезінде препаратты қолданар алдында маманмен кеңесу керек.
Асептикалық менингит
БРУФЕН® РАПИД препаратын жүйелі қызыл жегі немесе дәнекер тіннің аралас ауруы барпациенттерде қолдану асептикалық менингиттің даму қаупінің жоғарылауыменбайланысты.
Бүйрек тарапынан әсерлер
БРУФЕН® РАПИД препараты бүйрек функциясы жеткіліксіздігінің дамуымен бүйрек функциясының нашарлауына әкелуі мүмкін.Сусызданған балалар мен жасөспірімдерде бүйрек функциясының жеткіліксіздігі қаупі бар.
Бауыр тарапынан әсерлер
БРУФЕН® РАПИД препараты бауыр функциясының бұзылуын тудыруы мүмкін.
Жүрек-қантамыр және цереброваскулярлық аурулар
Ибупрофенді анамнезінде жүрек функциясының жеткіліксіздігі немесе артериялық гипертензиясы бар пациенттерге сақтықпен тағайындау керек, өйткені ибупрофенді қолдану аясында ісінудің дамуы туралы хабарланған.
Асқазан-ішектен қан кету, ойықжараның пайда болуы және перфорация
Препаратты анамнезінде асқазан-ішек жолының аурулары (спецификалық емес ойықжаралы колит, Крон ауруы) бар пациенттерде сақтықпен қолдану қажет, өйткені осы топтың препараттарын пайдаланған кезде осы аурулардың өршуі мүмкін.
Алдын алу симптомдары немесе осындай асқынулардың алдыңғы анамнезі болған немесе болмаған кезде ҚҚСЕП тобының кез келген препараттарын қолданудың кез келген сәтінде асқазан-ішектен қан кетудің, ойық жараның және перфорацияның пайда болу жағдайлары туралы хабарламалар бар.
Асқазан-ішектен қан кету немесе ойық жара/тесілу қаупінің жоғарылығы ҚҚСЕП жоғары дозаларын пайдаланумен, пациенттің анамнезінде ойықжара ауруының болуымен, әсіресе, қан кетумен немесе перфорациямен асқынған, сондай-ақ егде жастағы адамдарда препаратты қолданумен байланысты. Пациенттердің аталған санаттарында емдеуді препараттың ең аз тиімді дозасынан бастаған жөн.
Ибупрофенді басқа ҚҚСЕП-пен, атап айтқанда, циклооксигеназа-2 селективті тежегіштерімен бір мезгілде қолданудан аулақ болу керек.
Анамнезінде асқазан-ішек жолы тарапынан уыттылық көрінісі бар пациенттер, әсіресе егде жастағы науқастар, әсіресе емдеудің басында, асқазан-ішек жолы тарапынан кез келген ерекше симптомдар (атап айтқанда, асқазан-ішектен қан кету жағдайында) туралы хабарлауы тиіс.
Ибупрофенмен ем қабылдайтын пациенттерде асқазан-ішектен қан кету немесе ойықжара пайда болған кезде препаратты қабылдауды тоқтату керек.
Дерматологиялық әсерлер
ҚҚСЕП қабылдаумен байланысты ауыр тері реакциялары дамуының өте сирек жағдайлары, соның ішінде эксфолиативтік дерматит, Стивенс-Джонсон синдромы және уытты эпидермалық некролиз туралы жекелеген хабарламалар бар.
Бұл реакциялардың ең жоғары қаупі терапияның басында байқалды (көп жағдайда емдеудің бірінші айында). Құрамында өнімдер бар ибупрофенді қолданғанда жедел жайылған экзентематозды пустулез (AGEP) тіркелді. Теріде бөртпелер, шырышты қабықтардың зақымдануы немесе аса жоғары сезімталдықтың басқа белгілері пайда болған кезде ибупрофен қабылдауды тоқтату керек.
Жасырын инфекциялардың симптомдарын бүркемелеу
Басқа ҚҚСЕП сияқты, БРУФЕН® РАПИД препараты инфекциялық аурудыңсимптомдарын бүркемелей алады, бұл тиісті емнің басталуын кешіктіріп,сол арқылы аурудың ағымын қиындатады. Бұл бактериялық ауруханадан тыс пневмонияда және желшешектің бактериялық асқынуларында байқалды. БРУФЕН® РАПИД препараты дене температурасының жоғарылауы немесе инфекциякезінде ауырсынуды жеңілдету үшін қолданылған кезде, инфекциялық ауруғамониторинг жүргізу ұсынылады. Медициналық мекемеден тыс емдеу жағдайында, егер симптомдар сақталса немесе күшейсе, пациент дәрігерге қаралуы тиіс.
Дәрілік препарат құрамында бар екені ескерілу керек қосымша заттар
БРУФЕН® РАПИД препаратының капсулаларында калий бар (калий гидроксидітүрінде), бүйрек функциясы төмендеген немесе калийдің тамақпен біргетүсуі бақыланатын адамдарға абайлап тағайындау керек.
БРУФЕН® РАПИД препаратының капсулаларында сорбитол бар.Препаратты тұқым қуалайтын фруктоза жақпаушылығы бар пациенттерге қолдануға болмайды.
БРУФЕН® РАПИД препаратының капсулаларында лецитин (соя) бар, препаратжергілікті тері реакцияларын (жанасу дерматиті) тудыруы мүмкін.
Басқа дәрілік препараттармен өзара әрекеттесуі
Ибупрофенді (басқа да ҚҚСЕП) келесі препараттармен бір мезгілде қолданбау керек:
Аспирин: дәрігер тағайындаған аспириннің төмен дозаларын(тәулігіне 75 мг артық емес) қоспағанда, өйткені бірге қолдану жанамаәсерлердің пайда болу қаупін арттыруы мүмкін.
Ибупрофен осы препараттарды бір мезгілде тағайындағанда тромбоциттерагрегациясына аспириннің төмен дозаларының әсерін бәсекелі түрде тежеуімүмкін.Осы деректердің клиникалық жағдайға экстраполяциясына қатысты белгісіздікке қарамастан, ибупрофенді тұрақты ұзақ қолдану ацетилсалицил қышқылының төмен дозаларының кардиопротекторлық әсерін төмендетуі мүмкін екендігін жоққа шығаруға болмайды. Ибупрофенді кездейсоқ қолданған кезде клиникалық маңызды әсер ықтимал деп есептелмейді.
Басқа ҚҚСЕП, атап айтқанда, циклооксигеназа-2 селективті тежегіштері: жанама әсерлердің туындау қаупінің ықтимал ұлғаюына байланысты ҚҚСЕП тобынан екі және одан да көп препаратты бір мезгілде қолданудан аулақ болу керек.
Келесі препараттармен бір мезгілде сақтықпен тағайындау керек:
Глюкокортикостероидтар: ойықжара немесе асқазан-ішектен қан кету қаупінің ықтимал ұлғаюына байланысты.
Гипотензивті препараттар мен диуретиктер: ҚҚСЕП осы топтардың препараттарының тиімділігін төмендетуі мүмкін. Диуретиктермен бір мезгілде қолдану ҚҚСЕП нефроуыттылығының жоғарылауына әкелуі мүмкін.
Антикоагулянттар: ҚҚСЕП антикоагулянттардың, атап айтқанда варфариннің әсерін күшейте алады.
Антиагреганттар және серотонинді кері қармаудың селективті тежегіштері (СКҚСТ): асқазан-ішектен қан кетудің жоғары қаупі.
Жүрек гликозидтері: ҚҚСЕП және жүрек гликозидтерін бір уақытта тағайындау жүрек функциясы жеткіліксіздігінің нашарлауына, шумақшалық сүзілу жылдамдығының төмендеуіне және қан плазмасындағы жүрек гликозидтерінің концентрациясының жоғарылауына әкелуі мүмкін.
Литий препараттары: ҚҚСЕП қолдану аясында қан плазмасындағы литий концентрациясының жоғарылау ықтималдығы туралы деректер бар.
Метотрексат: ҚҚСЕП қолдану аясында қан плазмасындағы метотрексат концентрациясының ұлғаю ықтималдығы туралы деректер бар.
Циклоспорин: ҚҚСЕП және циклоспоринді бір мезгілде тағайындағанда нефроуыттылық қаупінің артуы.
Мифепристон: ҚҚСЕП қабылдауды мифепристонды қабылдағаннан кейін 8-12 күннен ерте бастамау керек, өйткені ҚҚСЕП мифепристонның тиімділігін төмендетуі мүмкін.
Такролимус: ҚҚСЕП және такролимусты бір мезгілде тағайындаған кезде нефроуыттылық қаупінің артуы мүмкін.
Зидовудин: ҚҚСЕП мен зидовудинді бір мезгілде қолдану гематологиялық уыттылықтың жоғарылауына әкелуі мүмкін. Зидовудинмен және ибупрофенмен бірге ем қабылдаған гемофилиясы бар АИТВ-оң пациенттерде гемартроз бен гематомалардың туындауының жоғары қаупітуралы деректер бар.
Хинолон қатарындағы антибиотиктер: ҚҚСЕП және хинолон қатарындағы антибиотиктермен бірге ем алатын пациенттерде құрысулардың туындау қаупі артуы мүмкін.
Арнайы сақтандырулар
Педиатрияда қолдану
Осы дәрілік түрдегі БРУФЕН® РАПИД препараты 12 жасқа дейінгі балаларға қолдануға болмайды.
Жүктілік және лактация кезінде
Препаратты жүктіліктің I-II триместрінде қолданудан аулақ болу керек, препаратты қабылдау қажет болған жағдайда дәрігермен кеңесу керек.
Жүктілікті жоспарлаған немесе жүктіліктің I-II триместріндегі әйелдер ибупрофенді қабылдағанда дозалау және емдеу ұзақтығы барынша аз болуы тиіс.
Ибупрофенді жүктіліктің үшінші триместрінде қолдануға болмайды.
Препаратты қысқа мерзімде қабылдағанда бала емізуді тоқтату қажеттілігі туындамайды. Ұзақ қолдану қажет болған жағдайда препаратты қолдану кезеңінде бала емізуді тоқтату туралы мәселені шешу үшін дәрігерге қаралу керек.
Препараттың көлік құралын және қауіптілігі зор механизмдерді басқару қабілетіне әсер ету ерекшеліктері
Ықтимал жағымсыз реакцияларды ескере отырып, көлік құралын және қауіптілігі зор механизмдерді басқару кезінде сақ болу қажет.
Қолдану жөніндегі нұсқаулар
Ең төмен тиімді доза симптомдарды жеңілдету үшін қажетті ең қысқа уақыт кезеңі ішінде пайдаланылуы тиіс. Егер сізде инфекция болса, симптомдар (мысалы, қызба және ауырсыну) сақталса немесе нашарласа, дереу дәрігерге қаралыңыз.
Дозалау режимі
Ересектер мен 12 жастан асқан балаларға
Ішке 1 капсуладан (200 мг) тәулігіне 3 ретке дейін. Ересектерде анағұрлым жылдам емдік әсерге қол жеткізу үшін тәулігіне 3 ретке дейін 400 мг капсулаларды қолдану керек.
Капсулаларды қабылдау арасындағы аралық 4 сағаттан кем болмауы тиіс.
Ең жоғары тәуліктік доза: 1200 мг.
Емдеу ұзақтығын дәрігер ұсынуы керек.
Егер препаратты қызбалы жағдайды жеңілдету үшін 3 күн және ауырсынуды жеңілдету үшін 5 күн бойы қабылдаған кезде симптомдар сақталса немесе күшейсе, емдеуді тоқтату және дәрігерге қаралу қажет. Препаратты 12 жастан 18 жасқа дейінгі балаларға 3 күннен артық, ал ересектерге 10 күннен артық қабылдау қажет болғанда немесе симптомдар нашарлаған кезде дәрігерге қаралу қажет.
Жанама әсерлердің пайда болу қаупін азайту үшін препаратты мүмкіндігінше қысқа курспен және симптомдарды жою үшін қажетті ең аз тиімді дозада қабылдау ұсынылады.
Енгізу әдісі мен жолы
Ішке қабылдау үшін.
Капсулаларды сумен ішу керек.
Артық дозалану жағдайында қабылдау қажет болатын шаралар
Симптомдары: жүрек айну, құсу, эпигастрийдегі ауырсыну немесе, сирек, диарея, құлақ шулау, бас ауыруы және асқазан-ішектен қан кету. Неғұрлым ауыр жағдайларда орталық жүйке жүйесінен уыттылық көріністері байқалады, атап айтқанда ұйқышылдық, кейде қозу, сондай-ақ дезориентация немесе кома, сирек жағдайларда құрысулар пайда болады. Ауыр улану жағдайында метаболизмдік ацидоздың дамуы және протромбин уақытының/ХҚҚ жоғарылауы мүмкін, бұл препараттың өзара әрекеттесуіне және қан ұюының айналымдағы факторларына байланысты болуы мүмкін. Бүйрек функциясының жедел жеткіліксіздігі туындауы және бауырдың зақымдануы мүмкін. Бронх демікпесі бар пациенттерде бұл аурудың өршуі мүмкін.
Емі: симптоматикалық және демеуші, тыныс алу жолдарының еркін өтімділігін міндетті түрде қамтамасыз ете отырып, пациенттің жағдайы қалыпқа келгенге дейін жүрек қызметі мен тіршілік әрекетінің негізгі көрсеткіштерін мониторингтеу. Препараттың әлеуетті уытты дозасын қабылдағаннан кейін бір сағат ішінде белсендірілген көмірді пероральді қолдану ұсынылады. Жиі немесе ұзақ құрысуларды диазепамды немесе лоразепамды вена ішіне енгізу арқылы тоқтату керек. Бронх демікпесінде бронходилататорларды қолдану ұсынылады.
Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар
Препаратты қолдану туралы сұрақтар туындаған жағдайда емдеуші дәрігерге қаралыңыз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жиі емес
- аса жоғары сезімталдық реакциялары: спецификалық емес аллергиялық реакциялар және анафилаксиялық реакциялар, тыныс алу жолдары тарапынан реакциялар (бронх демікпесі, оның ішінде өршуі, бронхоспазм, ентігу, диспноэ), тері реакциялары (қышыну, есекжем, пурпура, Квинке ісінуі), тері бөртпесінің әртүрлі түрлері.
- іштің ауыруы, жүрек айнуы, диспепсия (соның ішінде қыжыл, іштің кебуі).
- бас ауыруы
Сирек
- диарея, газ түзілуінің жоғарылауы, іш қату және құсу
Өте сирек
- қан өндірілудің бұзылуы: анемия (гемоглобин деңгейінің төмендеуі), лейкопения, тромбоцитопения, панцитопения, агранулоцитоз. Алғашқы белгілер қызба, тамақтың ауыруы, ауыз қуысында ойықжаралардың пайда болуы, тұмауға ұқсас симптомдар, қатты әлсіздік, себепсіз қан кету және гематомалар болып табылады
- аса жоғары сезімталдықтың ауыр реакцияларына беттің, тілдің жәнекөмейдің ісінуі, ентігу, тахикардия, гипотензия (анафилаксия, Квинкеісінуі немесе ауыр анафилаксиялық шок) жатады
-асқазанның және он екі елі ішектің ойықжарасы (пепсистік ойықжара), перфорация немесе асқазан-ішектен қан кету, мелена, қан аралас құсу, кейбір жағдайларда өліммен аяқталатын, көбінесе егде жастағы пациенттерде
- ойықжаралы стоматит, гастрит
- бүйрек функциясының жедел жеткіліксіздігі, папиллонекроз, әсіресе ұзақ уақыт қолданғанда, қан сарысуындағы мочевина деңгейінің жоғарылауымен және ісінудің пайда болуымен үйлесімде
- бауыр функциясының бұзылуы
- асқынған тері аурулары: эксфолиативтік және буллездік дерматоздар,оның ішінде уытты эпидермалық некролиз (Лайелл синдромы),Стивенс-Джонсон синдромы, мультиформалы эритема.
- аутоиммундық бұзылулары бар пациенттерде (жүйелі қызыл жегі, дәнекер тіннің аралас ауруы) ибупрофенмен емдеу кезінде асептикалық менингит симптомдарының бірлі-жарым жағдайлары, атап айтқанда, шүйде бұлшықеттерінің сіресуі, бас ауыруы, жүрек айнуы, құсу, қызба немесе бағдардың бұзылуы байқалған
Белгісіз
- құлақ шулау және бас айналу
- көру қабілетінің бұзылуы
- күйгелектік
- тыныс алу жолдары тарапынан реакциялар (бронх демікпесі, оның ішінде оның өршуі, бронхоспазм, ентігу, диспноэ)
- жүрек функциясының жеткіліксіздігі және ісінулер
- гипертензия
- спецификалық емес ойықжаралы колиттің және Крон ауруының өршуі
- бүйрек функциясының жеткіліксіздігі
- жедел жайылған экзентематозды пустулез (AGEP)
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналықбұйымдарды сараптау ұлттық орталығы» ШЖҚ РМК
Дәрілік препарат құрамы
Бір капсуланың құрамында
белсенді зат – 200 мг немесе 400 мг ибупрофен,
қосымша заттар: макрогол (полиэтиленгликоль 600), калий гидроксиді (тазалығы 85%), тазартылған су, желатин, ішінара дегидратацияланған сұйық сорбитол, лецитин (соя), орташа ұзын тізбекті триглицеридтер.
Сыртқы түрінің, иісінің, дәмінің сипаттамасы
Бозғылт-сары түсті сопақша пішінді жұмсақ желатинді мөлдір капсулалар (200 мг доза үшін).
Ақ түсті «#» таңбасы бар бозғылт-сары түсті сопақша пішінді жұмсақ желатинді мөлдір капсулалар (400 мг доза үшін).
Капсуланың ішінде - мөлдір ерітінді.
200 мг доза: 10 капсуладан поливинилхлоридті, поливинилиденхлоридпен ламинатталған ақ мөлдір емес үлбірден және алюминий фольгадан жасалған пішінді ұяшықты қаптамаға салады.
2 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.
400 мг доза: 10 капсуладан поливинилхлоридті, поливинилиденхлоридпен ламинатталғанақ мөлдір емес үлбірден және алюминий фольгаданжасалған пішінді ұяшықты қаптамаға салады.
1 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.
Сақтау мерзімі
3 жыл
Жарамдылық мерзімі өткеннен кейін қолдануға болмайды!
Сақтау шарттары
30°С-ден аспайтын температурада. Түпнұсқалық қаптамасында құрғақ, тікелей күн сәулесінен және ылғалдан қорғалған жерде сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
Өндіруші/қаптаушы:
Гелтек Прайвет Лимитед
Capsulation Premises, Deonar, Sion Trombay Road, Mumbai – 400 088, Үндістан
тел.: +91 22 2556 8586, факс: +91 6647 8484,
электронды пошта: mail@geltec.in
Тіркеу куәлігінің ұстаушысы
Фройндаллее 9А, 30173 Ганновер, Германия
тел. +49 (0) 511 6750 3366, факс +49 (0) 511 6750 3566,
электронды пошта: pv.qppv@abbott.com
Қазақстан Республикасы аумағында тұтынушылардан дәрілік заттар сапасынақатысты шағымдар (ұсыныстар) қабылдайтын және дәрілік заттың тіркеуденкейінгі қауіпсіздігін қадағалауға жауапты ұйымның атауы, мекенжайы жәнебайланыс деректері (телефон, факс, электронды пошта)
«Абботт Қазақстан» ЖШС, Қазақстан Республикасы,
Алматы қ., Қожанов к-сі, 92 90-кеңсе
тел. +7 727 244 75 44, факс +7 727 244 76 44,
электронды пошта: pv.kazakhstan@abbott.com