Дексамед 0,5 мг №100, табл
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Дексамед 0,5 мг №100, табл

Қолжетімділігі
Тауар қолда жоқ
Үлгі
5290931000988
Елі
Кипр
Өндіруші
Медохеми Лтд
  • Сипаттама

Сипаттама

Дәрілік препаратты медициналық

қолдану жөніндегі нұсқаулық(Қосымша парақ)

Саудалық атауы

Дексамед

Халықаралық патенттелмеген атауы

Дексаметазон

Дәрілік түрі, дозасы

Таблеткалар, 0,5 мг және 1,5 мг

Фармакотерапиялық тобы

Жүйелі әсер ететін гормондық препараттар, жыныстық гормондар мен инсулиндерді қоспағанда. Жүйелі қолдануға арналған кортикостероидтар. Жүйелі қолдануға арналған қарапайым кортикостероидтар. Глюкокортикоидтар.Дексаметазон

АТХ коды Н02АВ02

Қолданылуы

Дексамед, таблеткалар кортикостероидтардың қабынуға қарсы және иммуносупрессиялық әсерлері қажет болатын аурулар кезінде, әсіресе қысқа уақыт аралығында қарқынды емдеу кезінде қолданылады.

Аллергиялық аурулар

Стандартты ем тиімді болмаған кезде ауыр немесе мүгедек қылатын аллергиялық ауруларды бақылау:

- тұрақты немесе маусымдық аллергиялық ринит

- бронх демікпесі

- жанаспалы дерматит

- атопиялық дерматит

- сарысу ауруы

- дәрілік заттарға аса жоғары сезімталдық реакциялары

Ревматизмдік аурулар

Препарат ауру өршіген кезде қысқа мерзімді перспективада қосымша ем ретінде тағайындалады:

- псориаздық артрит

- ревматоидтық артрит, оның ішінде ювенильдік ревматоидтық артрит (жекелеген жағдайларда төмен дозаларда демеуші ем қажет болуы мүмкін)

- анкилоздаушы спондилит

- жедел немесе жеделдеу бурсит

- спецификалық емес жедел теносиновит

- жедел подагралық артрит

- жарақаттан кейінгі остеоартрит

- артроз кезіндегі синовит

- эпикондилит

Тері аурулары

- күлдіреуік

- герпес тәріздібуллезді дерматит

- қатерлі көп формалы экссудативті эритема (Стивен-Джонсон синдромы)

- эксфолиативті дерматит

- фунгоидтық микоздар

- псориаз (ауыр түрлері)

- себореялы дерматит (ауыр түрлері)

Көз аурулары

- аллергиялық конъюнктивит

- кератит

- мөлдір қабықтың шығу тегіаллергиялықшеткейлік ойықжарасы

- офтальмологиялық құрсау теміреткі

- ирит және иридоциклит

- хориоретинит

- көздің алдыңғы сегментінің қабынуы

- солғын ағымды артқы увеит және хориоидит

- көру жүйкесінің невриті

- симпатикалық офтальмия

Эндокриндік бұзылулар

- бүйрекүстібез қыртысы функциясының бастапқы және салдарлық (гипофиздік) жеткіліксіздігінің орын басу емі (күшті минералокортикоидтық әсеріне байланысты кортизон немесе гидрокортизон қолданылатын бүйрекүстібез функциясының жеткіліксіздігінен басқа)

- бүйрекүстібездің туа біткен гиперплазиясы

- жеделдеу тиреоидит және сәулелік тиреоидиттің ауыр түрлері

- қатерлі ісіктер кезіндегі гиперкальциемия

Тыныс алу ағзаларының аурулары

- симптоматикалық саркоидоз

- басқа дәрілермен емдеуге келмейтін Леффлер синдромы

- бериллиоз

- туберкулезге қарсы тиісті химиотерапиямен біріктірілімдегі өкпенің фульминантты немесе диссеминацияланған туберкулезі

- аспирациялық пневмония

Қан аурулары

- ересектердің идиопатиялық тромбоцитопениялық пурпурасы

- ересектердің салдарлық тромбоцитопениясы

- аутоиммундық гемолиздіканемия

- эритробластопения

- туа біткен гипопластикалық анемия (эритроидтық)

Қатерлі аурулар

Паллиативтік ем үшін:

- ересектердің лейкемиясы және лимфомасы

- балалардың жедел лейкозы

- цисплатинмен және басқа да химиотерапиялық препараттармен жүргізілетін эметогендік химиотерапиямен байланысты жүрек айну мен құсуды емдеу.

Ісіну синдромы

- уремиясыз нефроздық синдром немесе жүйелі қызылжегінің идиопатиялық түрі кезінде диурезді жақсарту немесе протеинурияның ремиссиясына қол жеткізу үшін

- мидың ісінуі

Асқазан-ішек бұзылыстары

- спецификалық емес ойықжаралы колит (ауыр өршулер)

- Крон ауруы (ауыр өршулер)

Басқа көрсетілімдер:

- субарахноидалдық блокадасы бар немесе туберкулезге қарсы адекватты еммен біріктірілімдегі блокада қаупі бар туберкулезді менингит

- неврологиялық немесе миокардиалық көріністері бар трихинеллез

Өршу кезінде немесе жекелеген жағдайларда демеуші ем ретінде:

- диссеминацияланған қызылжегі

- жедел ревматизмдік кардит

- адренокортикальдық гиперфункцияны диагностикалық тестілеу

Қолданудың басталуына дейін қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттардың кез келгеніне аса жоғары сезімталдық

-жедел вирустық, бактериялық және жүйелі зеңдік инфекциялар (тиісті ем қолданылмаған жағдайда)

-асқазан мен он екі елі ішектің ойықжаралы ауруы

-остеопороз

-Кушинг синдромы

-ауыр артериялық гипертензия

-бүйрек функциясының айқын жеткіліксіздігі

-ІІІ-IV дәрежелі семіздік

-туберкулездің белсенді түрі

-жедел психоздар

-бауыр циррозы немесе созылмалы гепатит

- жүктілік және бала емізу кезеңі

-18 жасқа дейінгі балалар мен жасөспірімдер

-тірі вирусқа қарсы вакциналарды енгізу

-тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы

Қолдану кезінде қажетті сақтандыру шаралары

Кортикостероидтармен емдегенде ең төменгі дозаны пайдалану керек және мүмкіндігінше клиникалық тиімділігі мүмкін болатын ең төменгі деңгейге дейін дозаны біртіндеп төмендету керек.

Кортикостероидтармен емдеуді күрт тоқтатқаннан кейін бүйрекүстібез функциясының салдарлық жеткіліксіздігі туындауы мүмкін, оны дозаны біртіндеп төмендету арқылы барынша азайтуға болады. Салыстырмалы жеткіліксіздіктің бұл түрі емді тоқтатқаннан кейін бірнеше ай бойы сақталуы мүмкін: демек, осы кезең ішінде туындайтын кез келген "стресстік" жағдайда кортикостероидтармен емдеу қайта басталуы немесе пайдаланылатын доза арттырылуы керек.

Емдеуді тоқтатқаннан кейін кортикостероидтар қызбамен, миалгиямен, артралгиямен және дімкәстікпен сипатталатын синдромды туындатуы мүмкін. Бұл бүйрекүстібез функциясы жеткіліксіздігінің қандай да бір белгілерінсіз туындауы мүмкін. Сондықтан дексаметазон дозасын біртіндеп азайту керек. Препаратты қабылдауды күрт тоқтату өлімге әкелуі мүмкін.

Дәрі-дәрмектік адренокортикоидтық жеткіліксіздік кезінде минералокортикоидтардың секрециясы бұзылуы мүмкін, сондықтан тұздарды және/немесе минералокортикоидтарды қабылдау параллель жүргізілуі керек.

Несеп талдауы, тамақтанғаннан кейін екі сағаттан кейін қандағы глюкоза деңгейі, артериялық қысым мен салмақты өлшеу, кеудені рентгенге түсіру сияқты стандартты зертханалық зерттеулер ұзақ ем кезінде үнемі жүргізілуі керек. Жоғары дозаларды қолданған кезде қан сарысуындағы калий мөлшерін мезгіл-мезгіл өлшеп отыру керек.

Кез келген басқа глюкокортикоидтар қабылдаған пациенттер дозаны тиісінше түзете отырып, дексаметазонға ауыстырылуы мүмкін.

Дексаметазонмен немесе табиғи глюкокортикоидтармен емдеу инфекцияның кейбір белгілерін жасыруы мүмкін және препаратты қолдану кезінде жаңа инфекциялар туындауы мүмкін. Кортикостероидтар жүйелі зеңдік инфекцияларды күшейтуі мүмкін және егер оларды пайдалану амфотерицин В салдарынан дәрі-дәрмектерге өмірге қауіпті реакциялармен күресу үшін қажет болмаса, мұндай инфекциялар болған кезде пайдаланылмауы керек. Сонымен қатар, амфотерицин В мен гидрокортизонды бір мезгілде қолдану кардиомегалия мен жүрек функциясының жеткіліксіздігімен қатар жүретін жағдайлар туралы хабарланған.

Миокард инфарктісін жақында өткергеннен кейін кортикостероидтарды пайдалану мен солжақ қарыншаның бос қабырғасының жарылуы арасында болжалды байланыс бар екені хабарланған, сондықтан пациенттердің осы тобына кортикостероидтарды сақтықпен қабылдау керек.

Гидрокортизонның немесе кортизонның орташа және жоғары дозалары артериялық қысымның жоғарылауын, тұздар мен судың іркілуін және калий эксрециясының жоғарылауын туындатуы мүмкін, бірақ бұл реакциялар синтетикалық туындыларға қатысты егер олар үлкен дозаларда қолданылса азырақ болуы мүмкін. Ұзақ емдеу кезінде сарысудағы калий деңгейін бақылап отыру қажет.

Тірі вирустық вакциналарды иммуносупрессиялық дозаларда кортикостероидтар қабылдайтын пациенттерге енгізуге болмайды.

Өлтірілген вирустық немесе бактериялық вакциналармен иммунизациялау антиденелердің күтілетін жоғарылауын туындатпайды және күтілетін қорғаныс әсерін тигізбейді. Алайда, иммунизацияны орын басу емі ретінде кортикостероидтар қабылдайтын пациенттерге де жүргізуге болады, мысалы, Аддисон ауруы кезінде.

Өкпенің белсенді туберкулезі бар пациенттерге дексаметазон (туберкулезге қарсы еммен бірге) өкпенің тек фульминантты немесе ауыр диссеминацияланған туберкулезі жағдайларында ғана тағайындалуы керек.

Егер кортикостероидтық ем туберкулезбен немесе туберкулинге реактивтілігі бар балаларға көрсетілсе, аурудың реактивациясы туындауы мүмкін болғандықтан, аса қырағылық таныту қажет. Кортикостероидтармен ұзақ емдеу кезінде бұл пациенттер химиопрофилактикадан өтуі керек.

Остеопорозы, гипертензиясы, жүрек функциясының жеткіліксіздігі, туберкулезі, бауыр функциясының жеткіліксіздігі, бүйрек функциясының жеткіліксіздігі, қант диабеті, асқазан мен он екі елі ішектің белсенді ойықжарасы, ішектің жаңа анастомозы, ойықжаралы колиті және эпилепсиясы бар пациенттерге ерекше сақ болу және мұқият медициналық бақылау жүргізу қажет. Миокард инфарктісінен кейінгі алғашқы апталарда, тромбоэмболиямен, миастениямен, глаукомамен, гипотиреозбен, психозбен немесе психоневрозбен ауыратын науқастарда және 65 жастан асқан пациенттерге ерекше көңіл бөлу керек.

Жағымсыз психикалық реакциялар жүйелі кортикостероидтарды қабылдағаннан кейін туындауы мүмкін. Симптомдар әдетте емдеу басталғаннан кейін бірнеше күн-аптадан кейін пайда болады. Жоғары дозаларды қолданған кезде қауіп жоғары болуы мүмкін, алайда енгізілген мөлшер симптомдардың басталуын, ұзақтығын және ауырлығын болжауға мүмкіндік бермейді. Бұл реакциялардың көпшілігі дозаны алып тастағаннан немесе азайтқаннан кейін кетеді, алайда спецификалық ем жүргізу қажет болуы мүмкін.

Гипотиреозбен ауыратын науқастарда және бауыр циррозымен ауыратын адамдарда кортикостероидтардың жоғары әсері байқалады. Стероидтар сперматозоидтардың қозғалғыштығы мен санын көбейтуі немесе азайтуы мүмкін.

Церебральдық безгек кезінде кортикостероидтарды қолдану ұзаққа созылған комамен және пневмония мен асқазан-ішектен қан кету жиілігінің артуымен байланысты.

Кортикостероидтар амебиазды немесе стронгилоидозды белсендіруі немесе белсенді ауруды күшейтуі мүмкін. Сондықтан даму қаупі бар немесе осы аурулардың кез келгенінің симптомдары бар пациенттерге кортикостероидты емді бастамас бұрын белсенді амебиазды немесе стронгилоидозды алып тастауға тырысу ұсынылады.

Көрудің бұзылуы

Кортикостероидтарды ұзақ уақыт қолдану субкапсулярлық катаракта, көру жүйкелерінің зақымдануы мүмкін глаукоманы туындатуы мүмкін және зеңдер мен вирустар туындатқан көздіңсалдарлық инфекцияларының туындауына ықпал етуі мүмкін.

Кортикостероидтарды көздің қарапайым герпесі бар пациенттерге мөлдір қабықтың тесілуі мүмкін болғандықтан сақтықпен қолдану керек.

Педиатрияда қолданылуы

Ұзақ кортикостероидтық емде жүрген балалар бойының өсуі мен дамуын мұқият бақылау керек.

Жүйелі жолды қоса, кортикостероидтарды кез келген енгізу жолыменқабылдайтын балалар жасындағы пациенттерде бойдың өсу қарқыны баяу болуы мүмкін. Кортикостероидтардың бойдың өсуіне тигізетін теріс әсері төмен жүйелік дозаларда және гипоталамус-гипофиз-бүйрекүстібез осін тежеудің зертханалық белгілері болмаған кезде байқалды. Кортикостероидтардың бойыдың өсуіне ықтимал әсерін азайту үшін балаларға ең төмен тиімді дозаны таңдау керек.

Иммундық жүйені тежейтін препараттармен ем қабылдаған пациенттер сау адамдарға қарағанда инфекцияларға көбірек бейім болып келеді. Желшешек пен қызылша, мысалы, иммунизацияланбаған балаларда немесе кортикостероидтық ем алатын ересектерде неғұрлым ауыр немесе өлімге әкелетін ағымда болуы мүмкін. Мұндай аурулары жоқ мұндай балаларда немесе ересектерде әсер етуін болдырмау үшін сақ болу керек. Кең таралған инфекцияның даму қаупі адамнан адамға дейін өзгереді және кортикостероидтарды енгізу дозасымен, жолымен және ұзақтығымен, сондай-ақ негізгі аурумен байланысты болуы мүмкін. Әсері тиген пациенттер дереу дәрігерге қаралу керек. Егер пациенттер қызылшамен ауырған болса, бұлшықет ішіне гипериммундық иммуноглобулинмен (IG) профилактика көрсетілуі мүмкін. Егер желшешекпен ауырған болса, желшешектің иммуноглобулинімен (VZIG) профилактика көрсетілуі мүмкін. Желшешек асқынған жағдайда вирусқа қарсы дәрілермен емдеу мүмкіндігін қарастыру керек.

Постмаркетингтік қолдану тәжірибесінде гематологиялық қатерлі жаңа түзілімдері бар пациенттерге дексаметазонды бөлек немесе басқа химиотерапиялық дәрілермен біріктіріп қолданғаннан кейін ісік лизисінің синдромы дамығаны (ІЛС) туралы хабарланған. Жоғары пролиферациялық жылдамдығы, жоғары ісіктік жүктемесі және цитоуытты препараттарға жоғары сезімталдығы бар пациенттер сияқты ІЛС туындау қаупі жоғары пациенттер мұқият бақылануы және тиісті сақтық шараларын қабылдауы керек.

Препараттың кейбір ингредиенттері туралы арнайы ақпарат

Дексамедтің құрамында лактоза бар. Галактоза жақпаушылығының сирек тұқым қуалайтын бұзылуы, лактаза жеткіліксіздігі және глюкоза-галактоза сіңуінің бұзылуы бар пациенттерге бұл препаратты қабылдау ұсынылмайды.

Басқа дәрілік препараттармен өзара әрекеттесуі

Құрамында кобицистат бар препараттарды қоса алғанда, CYP3A тежегіштерін бірге қолданғанда жүйелі жағымсыз құбылыстардың даму қаупі артуы ықтимал. Егер пайдасы кортикостероидтардың жүйелі жағымсыз құбылыстарының даму қаупінен аспаса, мұндай біріктірілген ем ұсынылмайды. Бұл жағдайда пациентті кортикостероидтардың жүйелі жағымсыз құбылыстарының білінуіне бақылау керек.

Кортикостероидтардың метаболизмі аминоглутетимидпен, карбамазепинмен, эфедринмен, фенобарбитонмен, фенилбутазонмен, фенитоинмен, примидонмен, рифабутинмен және рифампицинмен күшейеді, осыған байланысты олардың емдік әсері төмендеуі мүмкін.

Кортикостероидтар гипогликемиялық (инсулинді қоса) және гипертензияға қарсы препараттардың әсерін әлсіретеді.

Кортикостероидтар ацетозоламидтің, карбеноксолонның, ілмекті және тиазидті диуретиктердің, жүрек гликозидтерінің гипокалиемиялық әсерін күшейтеді.

Гипопротромбинемия кезінде антикоагулянттарды дексаметазонмен бірге қолданғанда сақтық таныту қажет.

Фенитоинді, барбитураттарды, эфедринді және рифампицинді бір мезгілде қолдану дексаметазон-супрессорлық тестілерді талапқа сай жүргізуге кедергі келтіруі мүмкін. Дексаметазонды және қабынуға қарсы стероид емес дәрілерді бір мезгілде қолдану ұсынылмайды.

Пероральді контрацептивтер (эстрогендер мен прогестагендер) плазмадағы кортикостероидтар концентрациясын арттырады. Ритонавирдің вирусқа қарсы дәрілік заты плазмадағы дексаметазон концентрациясын да арттырады.

Дексаметазон плазмадағы индинавир мен саквинавирдің вирусқа қарсы препараттарының концентрациясын төмендетеді.

ҚҚСП қабылдайтын пациенттер бақылануы керек, өйткені асқазан-ішек жолы ойықжарасымен аурушаңдық және/немесе оның ауырлығы артуы мүмкін.
Метотрексат пен дексаметазон қабылдайтын пациенттерде гематологиялық уыттылық қаупі жоғары.
Антацидтер. Алюминий гидроксидін немесе магний гидроксидін бір мезгілде қабылдау дексаметазон тиімділігі төмендегенде глюкокортикоидтар сіңірілуін төмендетуі мүмкін. Бір және басқа препаратты қабылдау арасында екі сағаттық аралық болуы керек.
Кетоконазол және итраконазол сияқты CYP3A4 тежейтін препараттар: кортикоидтардың әсерін арттырылуы мүмкін.
АӨФ тежегіштері: қан көрсеткіштерінің өзгеру қаупінің жоғарылауы.
Жүрек гликозидтері: гликозидтердің әсері калий жетіспеушілігімен жоғарылауы мүмкін.
Салуретиктер/ іш жүргізетіндер: калийдің шығарылуы артуы мүмкін.
Антидиабетиктер: гипогликемиялық әсер азаюы мүмкін.
Кумарин туындылары: антикоагулянттық әсер азаюы немесе артуы мүмкін. Антикоагулянт дозасын реттеу бірге қолданғанда қажет болуы мүмкін.
Деполяризацияланбайтын миорелаксанттар: бұлшық релаксанты ұзағырақ болуы мүмкін.
Атропин, басқа антихолинергиялық дәрілер: бір мезгілде қолданғанда көзішілік қысымның қосымша жоғарылауы мүмкін.
Празиквантел: кортикостероидтар қандағы празиквантел концентрациясының төмендеуін туындатуы мүмкін.
Хлорохин, гидроксихлорохин, мефлохин: миопатияның, кардиомиопатияның даму қаупі жоғары.
Соматропин. Соматропиннің әсері ұзақ емде төмендеуі мүмкін.
Протирелин: Протирелинді қабылдау кезінде TSHтөмендетілген жоғарылауы байқалуы мүмкін.
Иммунодепрессанттар: инфекцияларға сезімталдықтың жоғарылауы және жасырын инфекциялардың өршуі немесе көрінуі. Сонымен қатар, циклоспорин үшін: қандағы циклоспорин деңгейі жоғарылайды: құрысулардың даму қаупі жоғары.
Фторхинолондар сіңірдің бұзылу қаупін арттыруы мүмкін.
Зерттеу әдістеріне әсері: аллергиялық тестілерде тері реакциялары тежелуі мүмкін.

Арнайы сақтандырулар

Жүктілік немесе лактация кезінде

Дексамед плацента арқылы өтеді. Жүктілік кезінде, әсіресе бірінші триместрде, препаратты қауіп пен пайданы мұқият бағалағаннан кейін ғана енгізу керек.
Жүктілік кезінде глюкокортикоидтармен ұзақ уақыт емдегенде ұрық өсуінің бұзылуын алып тастауға болмайды.

Жүкті жануарларға кортикостероидтарды енгізу ұрықтың дамуын бұзуы, соның ішінде жырық таңдайды, құрсақтағы дамудың тежелуін туындатуы және мидың өсуі мен дамуына әсер етуі мүмкін. Кортикостероидтардың адамда қасқыр араны/ерні сияқты туа біткен ауытқулар жиілігінің жоғарылауын туындататыны туралы ешқандай дәлел жоқ. Егер глюкокортикоидтар жүктіліктің соңына қарай енгізілсе, ұрықтың бүйрекүстібез қыртысының атрофиялану қаупі бар, бұл жаңа туған нәрестеге алмастыру емін жүргізу талап етуі мүмкін, ол біртіндеп төмендеуі керек.

Дексамед организмнен емшек сүтіне бөлінеді. Нәрестеге зиян келтірудің белгілі жағдайлары жоқ. Дегенмен, препаратты емізу кезінде қатаң түрде қолданылуы керек. Егер ауру жоғарырақ дозаны қажет етсе, емшек емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін ескере отырып (бас айналу, бас ауыру және т.б.) автомобиль жүргізуден және аса зейін қоюды талап ететін басқа да аса қауіпті механизмдерді басқарудан бас тарту ұсынылады.

Қолдану жөніндегі нұсқаулар

Дозалау режимі

Ішке қабылдаубойынша жалпы нұқсаулар

Дозалар аурудың сипатына және пациенттің жүргізілетін емге реакциясына байланысты әрбір пациент үшін жекелей белгіленеді. Әдетте бастапқы тәуліктік дозасы 0,75 мг-нан 15 мг-ға дейін өзгереді және ауруға байланысты болады (балалар үшін ұсынылған дозасын әдетте азайтады, бірақ дозасы жасына немесе дене салмағына қарағанда аурудың ауырлығына сәйкес таңдалуы керек).

Кортикостероидтармен емдеу стандартты емді алмастырмайды және қатарлас ем ретінде ғана қолданылады.

Дексаметазонның бастапқы дозасы клиникалық жауапқа жеткенге дейін қабылданады, содан кейін дозаны клиникалық тиімді болып қалатын ең төменгі деңгейге дейін біртіндеп төмендетеді. Егер жоғары дозалармен емдеу бірнеше күннен астам уақытқа созылса, онда дозаны қатарынан бірнеше күн ішінде немесе тіпті одан да ұзақ уақыт бойы төмендету керек.

Созылмалы аурулар кейде өздігінен болатын ремиссияны туындатуы мүмкін. Бұл жағдайда кортикостероидтар біртіндеп шығарылуы керек.

Ұзақ ем кезінде жүйелі зертханалық зерттеулер жүргізілу керек.

Кез келген басқа глюкокортикоидтар қабылдаған пациенттер дозаны тиісінше түзеткеннен кейін дексаметазонға көшіруге болады.

Салмақ негізіндегі баламалы белсенділіктің келесі шкаласы басқа глюкокортикоидтық емнен дексаметазонға ауысуды жеңілдетеді:

Дексаметазон

0,75 мг

Метилпреднизолон және триамцинолон

4 мг

Преднизолон және преднизон

5 мг

Гидрокортизон

20 мг

Кортизон

25 мг

Массаға шаққанда дексаметазон шамамен бетаметазонға баламалы. Дексаметазон метилпреднизолон мен триамцинолоннан төрт-алты есе күштірек, преднизон мен преднизолоннан алты-сегіз есе тиімдірек, гидрокортизоннан 25-30 есе және кортизоннан шамамен 35 есе әсерлірек. Қабынуға қарсы әсері тұрғысынан эквипотентті дозада дексаметазон гидрокортизон мен оның туындыларының құрамында натрий бар қасиетінен мүлдем айырылады.

Созылмалы аурулар, оның ішінде эндокринопатиялар, созылмалы ревматизмдер, ісіну жағдайлары, тыныс алу ағзалары мен асқазан-ішек жолдарының аурулары, кейбір дерматологиялық және гематологиялық бұзылулар кезінде емдеуді төмен дозадан бастайды (тәулігіне 0,5-1 мг) және дозаны біртіндеп қажетті клиникалық тиімділік дәрежесін қамтамасыз ететін ең аз мөлшерге дейін арттырады.

Тәуліктік дозасын 2-4 қабылдауға бөлуге болады.

Бүйрекүстібездің туа біткенгиперплазиясы кезінде әдеттегі тәуліктік дозасы 0,5-тен 1,5 мг-ға дейін құрайды.

Жедел, өлімге әкелмейтін жағдайларда, оның ішінде аллергиялық жағдайлар, көз аурулары, жедел және жеделдеу ревматизмдер, дозасы күніне 2-ден 3 мг-ға дейін өзгереді, бірақ кейбір жағдайларда жоғарырақ дозалар қажет болуы мүмкін. Бұл аурулардың даму қаупі шамалы болғандықтан, әдетте ұзақ мерзімді демеуші ем қажет емес.

Эметогендік химиотерапия кезінде құсуға қарсы профилактика ретінде. Осы көрсетілім бойынша емдеудің жалпы ұзақтығы химиотерапиядан кейін 5 күннен аспауы керек.

Басқа құсуға қарсы препараттармен қолдану – кейбір пациенттер цисплатинмен немесе басқа химиотерапиялық препараттармен эметогенді химиотерапия кезінде құсуға қарсы профилактикада жоғары тиімділікке қол жеткізу үшін бір мезгілде дексаметазон мен ондансетрон қабылдағаны хабарланды. Біріктірілген емде енгізілетін дексаметазонның дозасы монотерапияда қолданылатын дозасына ұқсас болды.

Эметогендік химиотерапия жүргізу кезінде құсуға қарсы профилактикада дексаметазон мен метоклопрамидті бір мезгілде қолданудың жоғары тиімділігі көрсетілді.

Жедел аллергиялық аурулар кезінде немесе созылмалы аурулар өршігенде (мысалы, жедел аллергиялық ринит, бронх демікпесінің жедел маусымдық ұстамалары, индукцияланған есекжем, жанаспалы дерматит) парентеральды және пероральді қолдану әдістерімен біріктірілген емнің келесі схемасы ұсынылады:

Бірінші күні: Дексаметазон инъекцияға арналған ерітінді түрінде, 4 мг немесе 8 мг бұлшықет ішіне

Екінші және үшінші күндері: Дексаметазон күніне екі рет 0,5 мг пероральді

Төртінші және бесінші күндері: Дексаметазон күніне екі рет 0,5 мг пероральді

Алтыншы және жетінші күндері: Дексаметазон бір реттік дозада 0,5 мг пероральді

Сегізінші күні: Бағалау күні.

Жүйелі қызылжегі, күлдіреуік, симптоматикалық саркоидоз сияқты ықтимал өлімге әкелетін созылмалы аурулар кезінде ұсынылатын бастапқы дозасы тәулігіне 2-ден 4,5 мг-ға дейін құрайды, кейбір пациенттерге жоғарырақ дозалар қажет болуы мүмкін.

Жедел аурулар кезінде (мысалы, жедел ревматизмдік кардит, жүйелі қызылжегі ұстамалары, ауыр аллергиялық реакциялар, пемфигус, ісік аурулары) бастапқы дозасы тәулігіне 4-тен 10 мг-ға дейін құрайды және кемінде төрт бөлінген доза түрінде енгізіледі.

Ауыр аллергиялық реакциялар кезінде адреналинді дереу пайдаланған жөн.

Демеуші емді талап ететін ми ісінуі кезінде және мидың қайталанатын немесе операция жасауға болмайтын ісіктері бар науқастарды паллиативтік емдеу үшін күніне екі-үш рет 2 мг доза тиімді болуы мүмкін. Ми ісінуін бақылау үшін қажетті ең төмен дозасын пайдаланған жөн.

Адреногениталийлік синдром кезінде күніне 0,5 мг-нан 1,5 мг-ға дейінгі дозалары балаларда ремиссияны қамтамасыз етуі және 17-кетостероидтың аномалиялық экскрециясының қайталануын болдырмауы мүмкін.

Жедел лейкемия, нефроздық синдром және пемфигус сияқты кейбір аурулар кезінде ұсынылған дозасы күніне 10-15 мг құрайды. Осындай жоғары дозаларды қабылдайтын пациенттер күрделі жағымсыз реакцияларына өте жиі бақылануы керек.

Дексаметазонды тежеу тестілері

Кушинг синдромын анықтауға арналған тестілер –таңертең 11-де 1 мг дексаметазон пероралді қабылданады.

Келесі күні таңертең 8-де қан плазмасындағы кортизол деңгейін анықтау үшін қан алынады. Үлкен дәлдік үшін 0,5 мг әр 6 сағат сайын 48 сағат ішінде пеоральді енгізіледі. 24 сағатта 17-гидроксикортикостероидтардың шығарылуын анықтау үшін несеп алу жүргізіледі.

Басқа себептер бойынша индукцияланған синдромға байланысты гипофиздің АКТГ артық болуынан туындаған Кушинг синдромын анықтауға арналған тест – 48 сағат ішінде әр 6 сағат сайын 2 мг дексаметазон пероральді қабылданады. 17-гидрокси-кортикостероидтардың шығарылуын анықтау үшін 24 сағаттық несеп үлгілері жиналады.

Пациенттердің ерекше топтары

Балалар

Кортикостероидтардың балалар бойының өсуіне ықтимал әсерін азайту үшін ең төмен тиімді дозасын таңдау керек. Дексаметазонның бастапқы дозасы ауруға байланысты, тәулігіне үш немесе төрт қабылдауға бөлінген 0,02-ден 0,3 мг/кг-ға дейін (м2дене ауданына күніне 0,6-дан 9 мг-ға дейін) өзгеруі мүмкін.

Егде жастағы пациенттер

65 жастан асқан пациенттерге бауыр мен бүйрек функциясы нашарлауының үлкен жиілігін ескеру үшін препаратты аса сақтықпен және кейінгі медициналық мұқият бақылау арқылы тағайындау ұсынылады.

Бүйрек және бауыр функцияларының жеткіліксіздігі бар пациенттер

Бүйрек немесе бауыр функциясының жеткіліксіздігі бар пациенттерге зерттеулер жүргізілген жоқ, сондықтан дозалау жөнінде нұсқаулар жоқ.

Енгізу әдісі мен жолы

Таблетка түріндегі дексамед тек пероральді қолдануға арналған.

Артық дозалану жағдайында қабылдау қажет болатын шаралар

Симптомдары: дозаға тәуелді жағымсыз әсерлердің күшеюі мүмкін (бұл жағдайда препарат дозасын азайту керек), анафилаксиялық реакциялар және аса жоғары сезімталдық реакциялары.

Емі: симптоматикалық.

Тоқтату синдромы қаупінің болуына көрсетілім

"Тоқтату синдромының" даму қаупіне байланысты дексаметазонды қолдануды күрт тоқтатуға болмайды, препаратты белгілі бір уақыт кезеңі ішінде біртіндеп тоқтату қажет.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Дозаға және емдеу ұзақтығына аса тәуелді мынадай жағымсыз әсерлер болуы мүмкін, сондықтан олардың жиілігін анықтау мүмкін емес:

- глюкозаға төзімділіктің төмендеуі, «стероидты» қант диабеті немесе жасырын қант диабетінің манифестациясы

- Иценко-Кушинг синдромы, дене салмағының артуы

-ықылық, жүрек айну, құсу, тәбеттің жоғарылауы немесе төмендеуі, метеоризм, «бауыр» трансаминазалары мен сілтілі фосфатаза белсенділігінің жоғарылауы, панкреатит

- асқазан мен он екі елі ішектің «стероидты» ойықжарасы, эрозиялы эзофагит, асқазан-ішек жолынан қан кету және перфорациясы

-аритмиялар, брадикардия (жүрек тоқтағанға дейін), созылмалы жүрек функциясының жеткіліксіздігі айқындылығының күшеюі немесе дамуы (бейімділігі бар пациенттерде), артериялық қысымның жоғарылауы, аса жоғары сезімталдық реакциялары ( мысалы, дәрілік заттың шығуы), гипо - немесе гипертензия, қанайналымның бұзылуы, жүректің тоқтауы, иммундық жүйенің әлсіреуі

- гиперкоагуляция, тромбоз

-делирий, дезориентация, эйфория, галлюцинациялар, маниакалды-депрессиялық психоз, депрессия, паранойя, суицидтілік

-бассүйекішілік қысымның жоғарылауы, қызбалық, мазасыздық, ұйқысыздық, бас ауыру, бас айналу, құрысулар, вертиго

-мишықтың жалған ісігі

-көрудің кенеттен жоғалуы (парентеральді енгізгенде препарат кристалдарының көз қантамырларына шөгіндеуі мүмкін), артқы субкапсулярлық катаракта, көру жүйкесінің зақымдануы мүмкін көзішілік қысымның жоғарылауы, мөлдір қабықтың трофикалық өзгеруі, экзофтальмдер, көздің қайталама бактериялық, зеңді немесе вирустық инфекцияларының дамуы

-теріс азотты теңгерім (ақуыздың аса ыдырауы), гиперлипопротеинемия

- аса тершеңдік

-сұйықтық пен натрийдің іркілуі (шеткері ісінулер), гипокалиемиялық синдром (гипокалиемия, аритмия, миалгия немесе бұлшықет спазмы, ерекше әлсіздік және шаршағыштық)

- балалардағы өсу мен оссификация процестерінің баяулауы (эпифиздік өсу аймақтарының мерзімінен бұрын жабылуы).

Ескерту: Ұзақ емдеуден кейін дозаны тым тез төмендету бұлшықет пен буын ауыруы сияқты симптомдарды туындатуы мүмкін.

-кальцийдің аса шығарылуы, остеопороз, сүйектердің патологиялық сынуы, тоқпанжілік және ортанжілік басының асептикалық некрозы, сіңірлердің үзілуі

- «стероидты» миопатия, бұлшықеттердің атрофиясы

- жаралардың баяу жазылуы, пиодермия мен кандидоздың дамуына бейімділік

-петехиялар, экхимоздар, терінің жұқаруы, терінің гипер- немесе гипопигментациясы, стероидты безеулер, стриялар

- жайылған және жергілікті аллергиялық реакциялар

- иммунитеттің төмендеуі, инфекциялық аурулардың дамуы немесе өршуі

- лейкоцитурия

- жыныстық гормондар секрециясының бұзылуы, етеккір циклінің бұзылуы,

гирсутизм, импотенция, балалардың жыныстық дамуының тежелуі

- «тоқтату» синдромы

- инфекциялардың жасырынуы, вирустық инфекциялардың, зеңдік инфекциялардың, бактериялық, паразиттік және оппортунистік инфекциялардың көрінуі мен өршуі, стронгилоидоздың белсендірілуі

- орташа лейкоцитоз, лимфоцитопения, эозинопения, полицитемия

- мидың жалған ісіктері, жасырын эпилепсия көрінісі, манифестік эпилепсия кезінде құрысуларға қабылдағыштықтың артуы

- артериялық гипертензия, атеросклероз және тромбоз дамуының жоғары қаупі, васкулит (ұзақ емдеуден кейін тоқтату синдромы сияқты), капиллярлардың аса сынғыштығы

Жағымсыз дәрілік реакциялар туындағанда медициналық қызметкерге,фармацевтикалық қызметкерге немесе,дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер)жөніндегі ақпараттық деректер базасынатікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - 0.50 мг, 1.50 мг дексаметазон

қосымша заттар: лактоза моногидраты, микрокристалды целлюлоза, натрий крахмалы гликоляты, кремнийдің сусыз коллоидты қостотығы, магний стеараты, эритрозин лагы (Е 127), хинолинді сары лагы(Е 104).

Сыртқы түрінің, иісінің, дәмінің сипаттамасы

Дөңгелек пішінді, беті тегіс, қызғылт түсті, сызығы бар, «МС» өрнегі бар және диаметрі 7 мм таблеткалар (0.5 мг дозасы үшін).

Дөңгелек пішінді, беті тегіс, ақ түсті, сызығы бар және диаметрі 7 мм таблеткалар (1.5 мг дозасы үшін).

Шығарылу түрі және қаптамасы

10 таблеткадан поливинилхлорид үлбірден және алюминий фольгадан жасалған пішінді ұяшықты қаптамаға салынады.

10 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау мерзімі

5 жыл

Препаратты жарамдылық мерзімі өткеннен кейін қолдануға болмайды.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерлерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Mедокеми Лтд, Кипр

1-10 Constantinoupoleos Street, 3011, Limassol, Кипр

Телефон: 00357 25 867600

Факс: 00357 25 560863

Электронды пошта: office@medochemie.com

Тіркеу куәлігінің ұстаушысы

Медокеми Лтд, Кипр

1-10 Constantinoupoleos Street, 3011, Limassol, Кипр

Телефон: 00357 25 867600

Факс: 00357 25 560863

Эл.пошта адресі: office@medochemie.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Медокеми Лтд» Қазақстан Республикасындағы өкілдігі

050010 Алматы қ., Қазыбек би 41, 1 кеңсе

телефон/факс: 8(727)321-05-05

e-mail: kazakhstan@medochemie.com