Сипаттама
Дәрілік затты медициналық
қолдану жөніндегі нұсқаулық
Доктор Кашель
Саудалық атауы
Доктор Кашель
Халықаралық патенттелмеген атауы
Жоқ
Дәрілік түрі
Шәрбат, 100 мл
Құрамы
5 мл шәрбаттың құрамында
белсенді заттар:
Жалаң мияның (Glycyrrhiza glabra) сулы сығындысы48.00 мг
Тамырлы адхатоданың (Adgatoda vasica) сулы сығындысы 26.00 мг
Қасиетті насыбайгүлдің (Ocimum sanctum) сулы сығындысы15.00 мг
Дәрілік зімбірдің (Zingiber officinale) сулы сығындысы4.80 мг
Ұзын бұрыштың (Piper longum) сулы сығындысы9.80 мг
Бұрыш жалбызының (Mentha piperatta) сулы сығындысы5.00 мг
Ленкоран мамыргүлінің (Albizzia lebbeck) сулы сығындысы15.00 мг
Бұтақты андыздың (Inula racemosa) сулы сығындысы15.00 мг
Ұзын куркуманың (Curcuma longa) сулы сығындысы10.00 мг
қосымша заттар: натрий метилпарабені, натрий пропилпарабені, сахароза, сұйық глюкоза, сорбитол ерітіндісі (70 %), лимон қышқылы моногидраты, натрий цитраты, пропиленгликоль, зімбір хош иістендіргіші (AF140393), лимон хош иістендіргіші, тазартылған су.
Сипаттамасы
Өзіне тән дәмі мен иісі бар күңгірт-қоңыр түсті шәрбат.
Фармакотерапиялық тобы
Респираторлық жүйе. Жөтел және суық тию ауруларында қолданылатын препараттар. Жөтелді басатын біріктірілімдерді қоспағанда, экспекторанттар. Қақырық түсіретін препараттар. Қақырық түсіретін препараттар біріктірілімі.
АТХ коды R05СА10
Фармакологиялық қасиеттері
Фармакокинетикасы
Доктор Кашель шәрбатының әсері оның компоненттерінің жиынтық әсері болып табылады, сондықтан фармакокинетикалық зерттеулер жүргізу мүмкін емес.
Фармакодинамикасы
Өсімдіктерден алынған біріктірілген препарат; препараттың әсері оның құрамдас бөліктерінің әсерінің қосындысынан тұрады. Доктор Кашель муколитикалық, аллергияға және демікпеге қарсы, тыныштандырғыш және қақырық түсіретін, бронхтарды кеңейтетін және иммунитет жақсартатын әсерлер көрсетеді.
Жалаң мия (Glycyrrhiza glabra) муколитикалық, тыныштандырғыш, аллергияға карсы, демікпеге демікпеге қарсы және қабынуға қарсы қасиеттері бар.
Тамырлы адхатода (Adgatoda vasica) муколитикалық, қақырық түсіретін және бронхтарды кеңейтетін қасиеттері бар.
Қасиетті насыбайгүл (Ocimum sanctum) суық тиюге қарсы, жөтелге қарсы, демікпеге қарсы, иммунитет жақсартатын және қабынуға қарсы әсерлері бар.
Дәрілік зімбір (Zingiber officinale) аллергияға қарсы, суық тиюге қарсы және қабынуға қарсы әсерлері бар.
Ұзын бұрыш (Piper longum) аллергияға қарсы, демікпеге қарсы, қабынуға қарсы және қалыпқа келтіретін қасиеттері бар.
Бұрыш жалбызы (Mentha piperatta) сергітетін, жұмсартатын, суық тиюге қарсы және спазмолитикалық қасиеттері бар.
Ленкоран мамыргүлі (Albizzia lebbeck) қақырық түсіретін, демікпеге қарсы, бронхтарды кеңейтетін, аллергияға қарсы және қабынуға қарсы қасиеттері бар.
Бұтақты андыз (Inula racemosa) қақырық түсіретін, бронхтарды кеңейтетін, гистаминге қарсы және қабынуға қарсы қасиеттері бар.
Ұзын куркума (Curcuma longa) суық тиюге қарсы, муколитикалық,демікпеге қарсы, аллергияға қарсы, спазмолитикалық және қабынуға қарсы қасиеттері бар.
Қолданылуы
Құрғақ жөтелмен немесе қақырық бөлінуі қиын жөтелмен қатар жүретін тыныс жолдарының жедел және созылмалы ауруларын:фарингитті, ларингитті, трахеитті, бронхитті симптоматикалық емдеу үшін
Қолдану тәсілі және дозалары
3-тен 5 жасқа дейінгі балаларға
1/2 шәй қасықтан (2,5 мл) күніне 3 рет.
5 жастан асқан балаларға
1 шәй қасықтан (5,0 мл) күніне 3 рет.
Ересектер мен 14 жастан асқан балаларға
2 шәй қасықтан (10,0 мл) күніне 3 рет.
Емдеу ұзақтығы ауру дәрежесіне байланысты. Егер 4-5 күннің ішінде жағдай жақсармаса немесе нашарласа дәрігерге қаралыңыз.
Жағымсыз әсерлері
- аллергиялық реакциялар
- жүрек айнуы, құрсақ қуысындағы жайсыздық
- осы нұсқаулықта сипатталмаған жағымсыз әсерлер пайда болған жағдайда препаратты қабылдауды тоқтату және бұл жөнінде емдеуші дәрігерге хабарлау керек.
Егер пациентте жағымсыз реакциялар байқалса, препаратты қабылдауды тоқтатып, оны әрі қарай қабылдау маңыздылығы жөнінде дәрігерден кеңес алу керек.
Қолдануға болмайтын жағдайлар
- препарат компоненттеріне жоғары сезімталдық
- 3 жасқа дейінгі балалар
Дәрілермен өзара әрекеттесуі
Сұйылтылған қақырықтың түсуі бұзылуы мүмкін болғандықтан, жөтелге қарсы препараттармен бір мезгілде қабылдау ұсынылмайды.
Айрықша нұсқаулар
Асқазан-өңеш рефлюксі (қыжылы) бар пациенттер препаратты қолданудан аулақ болу керек, өйткені препарат құрамындағы бұрыш жалбызы қыжылды күшейтуі мүмкін.
Өттас ауруы бар пациенттерге абайлап қолдану керек.
Препарат құрамында сахароза және глюкоза бар, препаратты қант диабеті бар пациенттерге тағайындағанда осыны ескеру керек.
Препаратты фруктозаны көтере алмайтын, глюкоза-галактоза сіңуінің бұзылуы бар пациенттер қолдануға болмайды.
Жүктілік немесе бала емізу кезеңінде қолдану. Қолданылмайды.
Балалар. 3 жасқа дейінгі балаларға қолдануға болмайды.
Дәрілік заттың көлік құралын басқару немесе басқа механизмдермен жұмыс істеу қабілетіне әсер ету ерекшеліктері
Зерттелмеген. Жағымсыз реакциялар (бас айналуы, ұйқышылдық) пайда болған жағдайда көлікті басқарудан және күрделі механизмдермен жұмыс істеуден аулақ болған жөн.
Артық дозалануы
Ұсынылған дозаларда қолданған кезде препараттың артық дозалану жағдайлары байқалған жоқ.
Шығарылу түрі және қаптамасы
100 мл препараттан алғашқы ашылуы бақыланатын бұралып жабылатын металл қақпақпен жабылатын, күңгірт түсті полиэтилен құтыға құйылған.
1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
Құрғақ жерде, 25 0C-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Концепт Фармасьютикалс Лимитед, Мумбай, Үндістан
Тіркеу куәлігінің иесі
Концепт Фармасьютикалс Лимитед, Мумбай, Үндістан
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымныңатауы, мекенжайы және байланыс деректері
ConsultAsia ЖШС
Шевченко к-сі, 165 Б
тел./факс: +77051708876/+77051708825
e-mail: pv@consultingasia.kz
