Эслотин 5 мг №10,табл

Сипаттама

Дәрілік затты медициналық қолдану

жөніндегі нұсқаулық

ЭСЛОТИН

Саудалық атауы

Эслотин

Халықаралық патенттелмеген атауы

Дезлоратадин

Дәрілік түрі

Үлбірлі қабықпен қапталған таблеткалар

Құрамы

1 таблетканың құрамында

белсенді зат - 5 мг дезлоратадин,

қосымша заттар: кальций гидрофосфат дигидраты, жүгері крахмалы, микрокристалды целлюлоза, тальк, магний стеараты,

қабық құрамы: опадри көк 85F20400 (поливинил спирті, титанның қостотығы Е171, макрогол, тальк, индигокармин алюминий лагы Е132).

Сипаттамасы

Дөңгелек пішінді, екі беті дөңес, бір жағында бөлу сызығы бар, көк түсті үлбірлі қабықпен қапталған таблеткалар.

Фармакотерапиялық тобы

Жүйелі әсер ететін антигистаминдік препараттар. Жүйелі әсер ететін басқа антигистаминдік препараттар. Дезлоратадин

АТХ коды R06AX27

Фармакологиялық қасиеттері

Фармакокинетикасы

Препарат асқазан-ішек жолынан жақсы сіңіріледі, плазмадағы ең жоғары концентрациясына шамамен 3 сағаттан соң жетеді. Жартылай шығарылу кезеңі 27 сағатқа жуық құрайды. Биожетімділігі қабылданған дозаға (5 мг-ден 20 мг дейінгі дозалар диапазонында) пропорционал. Гематоэнцефалдық бөгет арқылы өтпейді, плацентарлық бөгет арқылы және емшек сүтіне өтеді.

Фармакодинамикасы

Эслотин антигистаминдік, аллергияға қарсы және қабынуға қарсы әсер көрсетеді, ұйқышылдық туғызбайды. Ішке қабылдағанда дезлоратадин (лоратадиннің бастапқы белсенді метаболиті) шеткері гистаминдік Н₁-рецепторларды селективті бөгейді. Цитостатикалық реакциялар каскадын: қабындыратын цитокиндерді, соның ішінде интерлейкин-4 (ИЛ-4), интерлейкин-6 (ИЛ-6), интерлейкин-8 (ИЛ-8), интерлейкин-13 (ИЛ-13), RANTES типті қабындыратын хемокиндерді, полиморфты-ядролық нейтрофилдермен белсенділенген асқын тотықты аниондар өндірілуін, эозинофилдер адгезиясы мен хемотаксисін, адгезия молекулаларының, соның ішінде Р-селектин экспрессиясын, IgE арқылы гистамин, простагландин D2 және лейкотриен С4 бөлінуін бәсеңдетеді.

Қолданылуы

- поллиноз, аллергиялық ринит

- есекжем

Қолдану тәсілі және дозалары

Эслотин ас ішуге байланыссыз тәулігіне 1 рет 5 мг дозада ішке қабылданады.

Таблетканы шайнамай бүтіндей жұтып, сумен ішу керек.

Жағымсыз әсерлері

- қатты қажу

- ауыздың кеберсуі

- жарыққа сезімталдық, миалгия, шаршау, астения

- бас ауыру, елестеулер, бас айналу, ұйқышылдық, ұйқысыздық

- психомоторлық аса жоғары белсенділік, құрысулар, елестеулер

- тахикардия, жүрек қағу, QT ұзаруы

- абдоминальді ауырулар

- жүрек айну, құсу, диспепсия, диарея, іштің ауыруы

- бауыр ферменттері белсенділігінің жоғарылауы, билирубин концентрациясының жоғарылауы, гепатит, сарғаю

- аса жоғары сезімталдық реакциялары (анафилаксия, аумақты есекжем, есекжем, ентігу, ангиодистрофия, бөртпе сияқты)

Қолдануға болмайтын жағдайлар

- препарат компоненттеріне аса жоғары сезімталдық

- жүктілік және лактация кезеңі

- 18 жасқа дейінгі балаларға.

Дәрілермен өзара әрекеттесуі

Дезлоратадинді кетоконазол, эритромицин, азитромицин, флуоксетин, циметидинмен бірге көп рет қолдану кезіндегі дәрілік өзара әрекеттесуін зерттеуде плазмада дезлоратадин концентрациясының клиникалық мәнді өзгеруі анықталмаған.

Дезлоратадин алкогольдің орталық жүйке жүйесіне әсерін күшейтпейді.

Айрықша нұсқаулар

Препарат бүйрек жеткіліксіздігі ауыр пациенттерде сақтықпен қолданылады.

Педиатрияда қолдану

Препаратты тек дәрігердің тағайындауы бойынша қолдануға болады.

Жүктілік және лактация

Жүктілік кезінде қолдану қауіпсіздігі туралы клиникалық деректер болмауына орай, препарат жүктілік кезінде қолдануға қарсы көрсетілімді.

Дезлоратадин емшек сүтімен бөлінеді, сондықтан бала емізу кезеңінде қолдануға қарсы көрсетілімді.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автокөлікті басқару және басқа механизмдермен жұмыс істеу қабілетіне мардымсыз әсер етуі мүмкін, пациенттер сирек жағдайларда ұйқышылдық туындауы мүмкін екенінен хабарланған болуы тиіс.

Артық дозалануы

Симптомдары: жағымсыз реакциялар айқындылығының күшеюі.

Емі: артынан белсендірілген көмір қабылдаумен асқазанды шаю, қажет болса – симптоматикалық ем. Гемодиализ тиімсіз. Перитонеальді диализ тиімділігі анықталмаған.

Шығарылу түрі және қаптамасы

Поливинилхлорид үлбірінен және алюминий фольгадан жасалған пішінді ұяшықты қаптамаға 10 таблеткадан салады.

Пішінді ұяшықты 1 немесе 2 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.

Сақтау шарттары

Ылғалдан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/қаптаушы

«УОРЛД МЕДИЦИН ИЛАЧ САН. ВЕ ТИДЖ. А.Ш.», ТҮРКИЯ

(Багджылар Илчеси, Гюнешли, Эврен Махаллеси, Джами Йолу Джад. №50 К. 1В Земин 4-5-6, Стамбул)

“WORLD MEDICINE İLAÇ SAN. VE TIC. А.Ş.”, TURKEY

(Bağcılar İlçesi, Güneşli, Evren Mahallesi, Cami Yolu Cad. No:50 K. 1B Zemin 4-5-6, İstanbul).

Тіркеу куәлігінің иесі

«УОРЛД МЕДИЦИН ИЛАЧ САН. ВЕ ТИДЖ. А.Ш.», ТҮРКИЯ

Қазақстан Республикасы аумағында тұтынушылардан дәрілік зат сапасына қатысты шағымдар (ұсыныстар) қабылдайтын ұйымның мекенжайы

ҚР, Алматы, «РИН Фарм» ЖШС, Түріксіб ауданы, Сүйінбай д-лы, 222б

Тел./факс: 8 (7272) 529090

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«TROKA-S PHARMA» ЖШС, Алматы, Сүйінбай даңғылы, 222б

Ұялы тел. +7 701 786 33 98, (24-сағаттық қолжетімділік).

e-mail:pvpharma@worldmedicine.kz

Қалалар