Ибупрофен 200 мг № 10 табл
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Ибупрофен 200 мг № 10 табл

Қолжетімділігі
Тауар қолда жоқ
Үлгі
4810201004761
Елі
Беларусь
Өндіруші
Борисовский завод медицин
  • Сипаттама

Сипаттама

Дәрілік затты медициналық қолдану

жөніндегі нұсқаулық

Ибупрофен

Саудалық атауы

Ибупрофен

Халықаралық патенттелмеген атауы

Ибупрофен

Дәрілік түрі

Қабықпен қапталған таблеткалар 200 мг

Құрамы

Бір таблетканың құрамында

белсенді зат – ибупрофен 200 мг

қосымша заттар: картоп крахмалы, магний стеараты, кальций стеараты, повидон, опадрай ΙΙ (құрамында ішінара гидролизденген поливинил спирті, тальк, макрогол 3350, лецитин, титанның қостотығы (E 171) бар).

Сипаттамасы

Дөңгелек пішінді, екі беті дөңес, ақ түсті қабықпен қапталған таблеткалар.

Фармакотерапиялық тобы

Сүйек-бұлшықет жүйесі ауруларын емдеуге арналған препараттар. Қабынуға қарсы стероидты емес және ревматизмге қарсы дәрілер. Қабынуға қарсы стероидты емес препараттар. Пропион қышқылының туындылары. Ибупрофен

АТХ коды M01AE01

Фармакологиялыққасиеттері

Фармакокинетикасы

Ішке қабылдағаннан кейін ибупрофен бүкіл организмге тез сіңіріледі және таралады. Ибупрофеннің сіңірілуі – жоғары, плазма ақуыздарымен байланысуы - 90%. Буын қуыстарына баяу өтеді, синовиальді сұйықтықта іркіледі, мұнда плазмадағыға қарағанда жоғарыконцентрация түзеді.

Сіңірілгеннен кейін фармакологиялық тұрғыда белсенді емес R-түрінің 60% жуығы белсенді S-түрге баяу айналады.

Қан плазмасындағы ең жоғарғы концентрациясына аш қарынға қабылдағаннан кейін 45 минуттан соң жетеді. Препаратты тамақпен бірге қабылдаған кезде плазмадағы ең жоғарғы концентрациясына 1-2 сағаттан соң жетеді.

Бауырда метаболизмге ұшырайды. Препарат организмнен бүйрекпентез және толық (өзгермеген күйде 1%-дан көп емес) және аз дәрежеде өтпен шығарылады.Жартылай шығарылу кезеңі шамамен 2 сағатты құрайды.

Фармакодинамикасы

Қабынуға қарсы стероиды емес препараттар (ҚҚСП) тобына жататын пропион қышқылының туындысы – ибупрофеннің әсер ету механизмі ауыру, қабыну және гипертермиялық реакция медиаторлары – простагландиндер синтезінің тежелісімен жүзеге асады. Циклооксигеназа-1 (ЦОГ-1) және циклооксигеназа-2 (ЦОГ-2) таңдамалы емес бөгелісі болады, соның салдарынан простагландиндер синтезі тежеледі. Ауыруды басатын, қызу түсіретін және қабынуға қарсы әсер көрсетеді. Бұдан басқа, ибупрофен тромбоциттер агрегациясын қайтымды тежейді.

Қолданылуы

Мынадай жай-күйлердегі ауыруды жеңілдетуде:

  • бас ауыруы және тіс ауыруы
  • бас сақинасы
  • ауыртып келетін етеккір
  • невралгиялар
  • арқаның ауыруы
  • бұлшықет және ревматизмдік ауырулар
  • тұмау және суық тию аурулары кезіндегі қызбалы жай-күй.

Қолдану тәсілі және дозалары

Ішке қабылдау үшін. Тек қысқа мерзімді қолдануға арналған. Препаратты қабылдар алдында нұсқаулықты мұқият оқып шығыңыз.

Ересектерге және 12 жастан асқан балаларға: тәулігіне 3 ретке дейін ішке 1 таблеткадан (200 мг). Таблеткаларды сумен ішу керек. Ересектерде емдік әсеріне тезірек жету үшін дозасын тәулігіне 3 ретке дейін 2 таблеткаға (400 мг) дейін арттыруға болады.

Таблеткаларды қабылдау арасындағы аралық 4 сағаттан кем болмауы тиіс. Ең жоғары тәуліктік дозасы: 1200 мг (6 таблетка).

Егер препаратты 2-3 күн бойы қабылдағанда симптомдар сақталса немесе күшейсе, емдеуді тоқтатып, дәрігерге қаралу қажет.

Препаратты 12-ден 18 жасқа дейінгі балаларға- 3 күннен артық, ал ересектерде – 10 күннен артық қабылдау қажет болған жағдайда дәрігерге қаралу қажет.

Жағымсыз әсерлердің туындау қаупін азайту үшін препаратты мүмкін болатын ең қысқа курспен және симптомдарды жоюға қажетті ең аз тиімді дозада қабылдау ұсынылады.

Жағымсыз әсерлері

Төменде келтірілген жағымсыз реакциялар ибупрофенді тәулігіне 1200 мг-ден (6 таблетка) аспайтын дозаларда қысқа мерзімде қабылдаған кезде байқалды. Ибупрофенді, әсіресе жоғары дозаларда (тәулігіне 2400 мг) қолданудың ұзақ емдеген кезде миокард инфарктісін немесе инсульт туындататын артериялық тромбоз қаупін аздап арттыруы мүмкін екендігін эпидемиологиялық деректер растап отыр.

Жағымсыз реакциялардың пайда болу жиілігін бағалау мынадай критерийлер негізінде жүргізілді:Өте жиі (≥ 1/10), Жиі (≥ 1/100, < 1/10), Жиі емес (≥ 1/1000, < 1/100), Сирек ( ≥ 1/10 000, < 1/1000), Өте сирек (< 1/10 000), Белгісіз (қолда бар деректер бойынша жиілігін анықтау мүмкін емес).

Жиі емес

  • аса жоғары сезімталдық реакциялары: спецификалық емес аллергиялық реакциялар және анафилаксиялық реакциялар, тыныс жолдары тарапынан реакциялар (бронх демікпесі, соның ішінде оның өршуі, бронх түйілуі, ентігу, диспноэ), тері реакциялары (қышыну, есекжем, пурпура, Квинке ісінуі), тері бөртпесінің әртүрлі типтері.
  • іштің ауыруы, жүрек айну, диспепсия (соның ішінде қыжылдау, іштің кебуі)
  • бас ауыру

Сирек

  • диарея, газ түзілуінің артуы, іш қату және құсу.

Өте сирек

  • қан түзілуінің бұзылуы: анемия (гемоглобин деңгейінің төмендеуі), лейкопения, тромбоцитопения, панцитопения, агранулоцитоз. Алғашқы белгілеріне қызба, тамақтың ауыруы, ауыз қуысында ойық жаралардың түзілуі, тұмау тәрізді симптомдар, қатты әлсіреу, қан кету мен гематолардың себепсіз пайда болуы жатады.
  • аса жоғары сезімталдықтың ауыр реакциялары, соның ішінде беттің, тілдің және көмейдің ісінуі, ентігу, тахикардия, гипотензия (анафилаксия, Квинке ісінуі немесе ауыр анафилаксиялық шок).
  • асқазанның және он екі елі ішектің ойық жарасы (пептидтік ойық жара), тесілу немесе асқазан-ішектен қан кету, мелена, кейбір жағдайларда өліммен аяқталатын қан аралас құсу, әсіресе, егде жастағы пациенттерде.
  • ойық жаралы стоматит, гастрит.
  • жедел бүйрек жеткіліксіздігі, папиллонекроз, әсіресе, ұзақ уақыт қолданғанда, қан сарысуындағы мочевина деңгейінің жоғарылауымен және ісінулердің пайда болуымен қатар жүретін.
  • Бауыр функциясының бұзылуы.
  • асқынған тері аурулары: эксфолиативті және буллезді дерматоздар, оның ішінде уытты эпидермалық некролиз (Лайелл синдромы), Стивенс-Джонсон синдромы, мультиформалы эритема.
  • аутоиммундық бұзылулары бар пациенттерде (жүйелі қызыл жегі, дәнекер тіннің аралас ауруы) ибупрофенмен емдеген кезде асептикалық менингит симптомдарының жекелеген даму жағдайлары байқалған, атап айтқанда желке бұлшықеттерінің сіресуі, бас ауыруы, жүрек айнуы, құсу, қызба немесе бағдардан жаңылу.

Белгісіз

-тыныс жолдары тарапынан реакциялар (бронх демікпесі, соның ішінде оның өршуі, бронх түйілуі, ентігу, диспноэ).

  • жүрек жеткіліксіздігі және ісінулер.
  • гипертензия.
  • Спецификалық емес ойық жаралы колиттің және Крон ауруының өршуі
  • бүйрек жеткіліксіздігі

Қолдануға болмайтын жағдайлар

  • ибупрофенге немесе препараттың компоненттерінің кез келгеніне жоғары сезімталдық
  • ацетил­салицил қышқылын немесе басқа да қабынуға қарсы стероидты емес препараттарды қабылдаудан туындаған анамнезіндегі аса жоғары сезімталдық реакциялары (атап айтқанда, бронх демікпесі, ринит, Квинке ісінуі немесе есекжем);
  • асқыну сатысындағы немесе анамнезіндегі ойық жара ауруы/ойық жарадан қан кету (ойық жара ауруының/ ойық жарадан қан кетудің екі немесе одан да көп расталған көріністері және анамнезде)
  • ҚҚСП қолданудан туындаған немесе анамнездегі асқазан-ішектен қан кету немесе тесілуі
  • бауырдың ауыр жеткіліксіздігі
  • ауыр бүйрек жеткіліксіздігі
  • жүректің ауыр жеткіліксіздігі (NYHA - Нью-Йорк кардиологтар Қауымдастығының жіктеуі бойынша IV класс)
  • тұқым қуалайтын фруктоза жақпаушылығы, глюкоза-галактоза мальабсорбциясы, сукраза-изомальтаза ферментінің тапшылығы
  • жүктілік (ІІІ триместр) және лактация кезеңі
  • 12 жасқа дейінгі балалар

-айқын сусыздану (құсудың, диареяның немесе сұйықтықты жеткілікті пайдаланбаудың салдарынан)

-гемофилия және қан ұйығыштығының басқа бұзылыстары ( оның ішінде гипокоагуляции), геморрагиялық диатездер

Дәрілермен өзара әрекеттесуі

Ибупрофенді (және басқа ҚҚСП) келесі препараттармен бір мезгілде қолдануды болдырмау керек:

Аспирин: дәрігер тағайындаған аспириннің төменгі дозаларын қоспағанда (тәулігіне 75 мг-ден көп емес), себебі бірге қолдану жағымсыз әсерлерінің туындау қаупін арттыруы мүмкін.

Тәжірибелік деректер осы препараттарды бір мезгілде тағайындағанда ибупрофеннің аспириннің дезагрегациялық әсерін төмендетуі мүмкін екенін байқатты. Алайда, осы деректердің шектеулілігі және клиникалық жағдайға ex vivo зерттеу нәтижелерінің экстраполяциясы туралы ақпараттың болмауы ибупрофенді ұдайы қолданғанда осы әсердің туындау сенімсіздігін білдіреді, ал препаратты эпизодтық қолданғанда аспириннің дезагрегациялық қабілетіне клиникалық релеванттық әсер етуі байқалмайды.

Басқа ҚҚСП, атап айтқанда, циклооксигеназа-2 селективті тежегіштері: жағымсыз әсерлерінің туындау қаупінің ықтималды артуына байланысты бір мезгілде екі және одан да көп ҚҚСП тобының препараттарын қолдануға болмайды.

Келесі препараттармен бір мезгілде сақтықпен тағайындау керек:

Глюкокортикостероидтар: асқазан-ішектің ойық жарасы немесе қан кету туындау қаупінің ықтималды артуына байланысты.

Гипотензиялық препараттар және диуретиктер: ҚҚСП осы топтағы препараттардың тиімділігін төмендетуі мүмкін. Диуретиктермен бір мезгілде қолдану ҚҚСП нефроуыттылығының жоғарылауына әкелуі мүмкін.

Антикоагулянттар: ҚҚСП антикоагулянттар, атап айтқанда варфаринніңәсерін күшейтуі мүмкін.

Антиагреганттар және серотонинді кері қармау селективті тежегіштері (СКҚСТ): асқазан-ішектен қан кету туындауы қаупініңжоғарылауы.

Жүрек гликозидтері: ҚҚСП мен жүрек гликозидтерін бір мезгілде тағайындау жүрек жеткіліксіздігінің ушығуына, шумақтық сүзіліс жылдамдығының төмендеуіне және қан плазмасында жүрек гликозидтері концентрациясының артуына әкелуі мүмкін.

Литий препараттары: ҚҚСП қолдану аясында қан плазмасында литий концентрациясының арту мүмкіндігі туралы деректер бар.

Метотрексат: ҚҚСП қолдану аясында қан плазмасында метотрексат концентрациясының арту мүмкіндігі туралы деректер бар.

Циклоспорин: ҚҚСП мен циклоспоринді бір мезгілде тағайындағанда нефроуыттылық қаупінің артуы.

Мифепристон: ҚҚСП қабылдауды мифепристон қабылдағаннан кейін 8-12 күннен соң бастау керек, өйткені ҚҚСП мифепристон тиімділігін төмендетуі мүмкін.

Такролимус: ҚҚСП мен такролимусты бір мезгілде тағайындағанда нефроуыттылық қаупі артуы мүмкін.

Зидовудин: ҚҚСП мен зидовудинді бір мезгілде қолдану гематологиялық уыттылықтың жоғарылауына әкелуі мүмкін.Зидовудинмен және ибупрофенмен бірге ем қабылдаған гемофилиясы бар АИТВ-оңпациенттерде гемартроз және гематома туындау қаупі жоғарылағаны туралы деректер бар.

Хинолонды қатардағы антибиотиктер: ҚҚСП және хинолонды қатардағы антибиотиктермен бірге ем қабылдайтын пациенттерде құрысулар туындау қаупі артуы мүмкін.

Айрықша нұсқаулар

Осы бөлімде көрсетілген жай-күйлер болған жағдайда, препаратты қолданар алдында дәрігерге көріну керек.

Егер препаратты қысқа уақыт аралығында, симптомдарды басуға қажетті ең төменгі тиімді дозада қабылдаса, жағымсыз әсерлерді азайтуға болады.

Егде жастағы адамдарда әсіресе кейбір жағдайларда өліммен аяқталатын асқазан-ішектен қан кету және тесілуінде ҚҚСП қолдану аясында жағымсыз реакциялар жиілігінің жоғарылауы байқалған.

Тыныс алу мүшелеріне әсері: бронх демікпесі немесе асқыну сатысындағы аллергиялық ауруы бар пациенттерде, сондай-ақ анамнезінде бронх демікпесі/аллергиялық ауруы барпациенттерде препарат бронх түйілуіне түрткі болуы мүмкін. Шылым шеккен жағдайда, препаратты қолданар алдында маманнан кеңес алу қажет.

Басқа ҚҚСП-мен бірге пайдалану: ибупрофенді басқа ҚҚСП-мен, атап айтқандациклооксигеназа-2 іріктелген тежегіштерімен бір мезгілде қолдануға болмайды.

Жүйелі қызыл жегі және дәнекер тіннің аралас ауруы: препаратты жүйелі қызыл жегісі немесе дәнекер тіннің аралас ауруы бар пациенттерде қолдану асептикалық менингиттің даму қаупінің жоғарылауымен байланысты.

Бүйрекке ықпалы: препарат бүйрек жеткіліксіздігі дамуымен бірге бүйрек функциясының нашарлауын туғызуы мүмкін. Сусызданған балалар мен жасөспірімдерде бүйрек жеткіліксіздігінің қаупі бар.

Бауырға әсері: препарат бауыр функциясының нашарлауын туғызуы мүмкін.

Жүрек-қантамыр жүйесіне және ми қан айналымына әсері: ҚҚСП қолдану аясында сұйықтықтың іркілуі, артериялық қысымның жоғарылауы және ісінулердің пайда болуы туралы қолда бар хабарламаларға байланысты артериялық гипертензиясы және/немесе жүрек жеткіліксіздігі (қолданар алдында дәрігермен кеңесу керек) бар пациенттерде препаратты сақтықпен қолдану ұсынылады. Жалпы алғанда, эпидемиологиялық зерттеулермиокард инфарктісі дамуының жоғары қаупі мен ибупрофеннің төмен дозасын (яғни, тәулігіне 1200 мг және одан аз) қабылдау арасында тәуелділікті көрсетпейді.

Бақыланбайтын артериялық гипертензиясы, NYHA бойынша II-III класты іркілген жүрек жеткіліксіздігі, анықталған жүректің ишемиялық ауруы, шеткері артериялардың аурулары және/немесе цереброваскулярлық аурулары бар пациенттерге ибупрофенді пайда-қауіп арақатынасын мұқият бағалағаннан кейін ғана тағайындау қажет, ондайдаибупрофеннің жоғары дозаларын (≥ 2400 мг/тәулік) қолданудан аулақ болу керек.

Асқазан-ішек жолына әсері: анамнезінде асқазан-ішек жолының ауруы (спецификалық емес ойық жаралы колит, Крон ауруы) бар пациенттерде препаратты сақтықпен қолдану қажет, себебі аталған топтағы препараттарды пайдаланған кезде осы аурулар өршуі мүмкін.

Сақтандыру симптомдары болғанда немесе болмағанда немесе осы тектес асқынулар бұрын анамнезінде болғанда ҚҚСП тобының кез келген препаратын кез келген сәтте қолданудан асқазан-ішектен қан кету, ойық жарасы және тесілуінің туындау жағдайлары туралы хабарламалар бар.

Асқазан-ішектен қан кету немесе ойық жарасы/тесілу қаупінің жоғарылауы ҚҚСП жоғары дозаларын пайдаланумен, пациенттің анамнезінде әсіресеқан кетумен немесе тесілумен асқынған ойық жара ауруының болуымен, сондай-ақ препаратты егде жастағы адамдарда қолдануменбайланысты. Аталған пациенттер санатында емді препараттың өте аз тиімді дозасынан бастау керек.

Анамнезінде асқазан-ішек жолы тарапынан уыттылық көріністері бар пациенттер, әсіресе егде жастағы науқастар, әсіресе, емнің басында асқазан-ішек жолы тарапынан болған кез келген әдеттен тыс симптомдар (атап айтқанда, асқазан-ішектен қан кету жағдайы) туралы хабарлауы тиіс.

Асқазан-ішектен қан кету немесе ойық жарасы туындағанда ибупрофенмен ем қабылдайтын пациенттердепрепаратты қабылдауды тоқтату керек.

Циклооксигеназа/простагландиндер синтезін тежейтін дәрілік препараттар овуляция үдерісіне әсер етуі салдарынан әйелдерде ұрпақ өрбіту функциясының бұзылуын туғызуы мүмкін екені туралы шектеулі деректер бар. Бұл әсер препаратты қабылдауды тоқтатқан кезде қайтады.

Тері жабынына ықпалы

ҚҚСП қабылдауға байланысты, кей жағдайларда өліммен аяқталуға дейінгі,эксфолиативті дерматитті, Стивенс-Джонсон синдромын, және уытты эпидермалық некролизді қоса, күрделі тері реакцияларының дамыған өте сирек жағдайлары туралы жекелеген хабарлар бар.

Бұл реакциялардың туындауының неғұрлым жоғары қаупі емнің басында (көп жағдайларда емдеудің бірінші айында) байқалды. Теріде бөртпелер пайда болғанда, шырышты қабықтар зақымданғанда немесе аса жоғары сезімталдықтың басқа белгілерінде ибупрофен қабылдауды тоқтату керек.

Жүктілік және лактация кезеңі

Простагландин синтезін тежеу жүктіліктің ағымына,эмбрионның және шарананың дамуына жанама әсер етуі мүмкін. Эпидемиологиялықзерттеу деректері простагландиндер синтезінің тежегіштерін жүктіліктің ерте кезеңдерінде пайдаланған кезде түсік тастаудың, жүрек ақауларының және гастрошизистің қаупі жоғарылайтынын растайды.

Жүрек-қантамыр жүйесі аномалияларының туындауының абсолютті қаупі 1%-дан аздан шамамен 1,5%-ға дейін ұлғайды.

Бұл қауіп дозалауға және емнің ұзақтығына қарай арта түседі.

Осыған байланысты, препаратты жүктіліктің I-II триместрлерінде қолданудан аулақ болу керек, препаратты қабылдау қажет болған жағдайда дәрігермен кеңесу керек.

Ибупрофенді жүктілікті жоспарлаған немесе жүктіліктің I-II триместрлеріндегі әйелдер қабылдаған кезде дозалануы және емдеу ұзақтығы барынша аз болуы тиіс.

Жүктіліктің III триместрінде простагландин тежегіштерін қолдану шаранада және анада төмендегілердің дамуына жағдай жасайды:

  • артерия жолының мезгілінен бұрын жабылуымен және өкпе
  • бүйрек жеткіліксіздігі, ол қағанақ суының аздығы
  • қан кету уақытының ұзаруы, тіпті өте аз дозаларда да
  • жатырдың жиырылу қызметінің бәсеңдеуі және кешеуілдеген

гипертензиясының дамуымен кардиопульмонарлы жеткіліксіздік;

(сусызданудың) дамуымен бүйректер функциясының толық тоқтауына әкелуі мүмкін;

антиагрегациялық әсер;

немесе созылған босану.

Осыған байланысты, ибупрофенді жүктіліктің үшінші триместрінде қолдануға болмайды.

Ибупрофеннің емшектегі баланың денсаулығына қандай болмасын жағымсыз салдарынсыз елеусіз мөлшерде емшек сүтіне енуі мүмкін екендігі туралы деректер бар, сондықтан қысқа мерзімді қабылдау кезінде әдетте бала емізуді тоқтату қажеттілігі туындамайды. Препаратты ұзақ қолдану қажет болғанда препаратты қолданған кезеңде бала емізуді тоқтату туралы мәселені шешу үшін дәрігерге жүгініңіз.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Болуы мүмкін жағымсыз әсерлерді ескере отырып, көлік құралын және қауіптілігі зор механизмдерді басқарғанда сақтық шараларын ұстану қажет.

Артық дозалануы

Балаларда симптомдар дене салмағына 400 мг/кг-ден асатын дозаны қабылдағаннан кейін туындауы мүмкін. Ересектерде дозаға тәуелді әсерінің айқындылығы төмен. Препараттың жартылай шығарылу кезеңі артық дозаланғанда 1,5-3 сағатты құрайды.

Симптомдары: жүрек айну, құсу, эпигастрий тұсының ауыруы, немесе сирек диареямен, құлақтың шуылдауы, бас ауыруы және асқазан-ішектен қан кету сияқты симптомдар туындауы мүмкін. Барынша ауыр жағдайларда орталық жүйке жүйесі тарапынан уыттылық көріністері байқалады, атап айтқанда ұйқышылдық, сирек – қозу, сондай-ақ бағдардан жаңылу немесе кома, сирек жағдайларда құрысулар туындайды. Ауыр улану жағдайларында метаболизмдік ацидоз және протромбиндік уақыттың /МНО ұзаруы дамуы мүмкін, бұл препараттың өзара әрекеттесуімен және қан ұюының айналымдағы факторымен байланысты болуы мүмкін. Жедел бүйрек жеткіліксіздігі және бауырдың зақымдалуы туындауы мүмкін. Бронх демікпесі бар пациенттерде осы ауру асқынуы мүмкін.

Емі: тыныс алу жолдарының еркін өткізгіштігін міндетті қамтамасыз етумен, жүрек қызметін және пациенттің жай-күйі қалыпқа келгенше негізгі тіршілік көрсеткіштерін мониторингілеумен симптоматикалық және демеуші. Препараттың потенциалды уытты дозасын қабылдағаннан кейін бір сағат ішінде белсендірілген көмірді ішу арқылы қабылдау ұсынылады.Жиі немесе ұзаққа созылған құрысуларды диазепамды немесе лоразепамды вена ішіне енгізумен басуға болады. Бронх демікпесінде бронходилататорларды қолдану ұсынылады.

Шығарылу түрі және қаптамасы

10 таблеткадан поливинилхлоридті үлбірден немесе дәрілік заттарды қаптауға арналған пластикатталмаған ПВХ үлбірден және баспалы лакталған алюминий фольгадан немесе алюминий фольга негізіндегі икемді қаптамадан, немесе МК л-Ф маркалы фольга негізіндегі біріктірілген материалдан жасалған пішінді ұяшықты қаптамаға салынады.

500 пішінді ұяшықты қаптамадан (қорапшаға салынбаған) медициналыққолдану жөніндегі қазақ және орыс тіліндегі нұсқаулықпен бірге гофрланған картон қорапқа салынады.

Немесе 5 пішінді ұяшықты қаптамадан медициналыққолдану жөніндегі қазақ және орыс тіліндегі нұсқаулықпен бірге хром-эрзац картон немесе GC-2 целлюлозды маркалы картон қорапшаға салынады.

Сақтау шарттары

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек.

Сақтаумерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз.

Өндіруші

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев к-сі, 64

тел/факс +375 (177) 734043.

Тіркеу куәлігінің иесі

«Борисов медициналық препараттар зауыты» ашық акционерлік қоғамы,

Беларусь Республикасы.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«МедФарм» ЖК, Қазақстан Республикасы

050026. Алматы қ., Нұрмақов к-сі 26/195, 39 пәтер, тел/факс: +7 (727) 2911 198, тел: +7 777 7040709, +7 777 2306494;

Е-mail: pvqa-bzmp-kz@mail.ru