Изоптин 40 мг, №100, табл.

Сипаттама

Дәрілік затты медициналық қолдану

жөніндегі нұсқаулық

ИЗОПТИН^®

Саудалық атауы

Изоптин^®

Халықаралық патенттелмеген атауы

Верапамил

Дәрілік түрі

Үлбірлі қабықпен қапталған таблеткалар, 40 мг

Құрамы

Бір таблетканың құрамында

белсенді зат - 40 мг верапамил гидрохлориді,

қосымша заттар: кальций гидрофосфат дигидраты, микрокристалды целлюлоза, сусыз коллоидты кремнийдің қостотығы, натрий кроскармеллозасы, магний стеараты,

қабықтың құрамы: гипромеллоза, натрий лаурилсульфаты, макрогол 6000, тальк, титанның қостотығы (Е 171).

Сипаттамасы

Дөңгелек пішінді, екі беті дөңес, бір жағында «40» таңбасы және екінші жағында үш бұрыш таңбасы бар, ақ түсті үлбірлі қабықпен қапталған таблеткалар.

Фармакотерапиялық тобы

Жүрек-қантамыр жүйесі. Кальций өзекшелерінің блокаторлары. Тікелей кардиальді әсері бар кальций өзекшелерінің селективті блокаторлары. Фенилалкиламин туындылары. Верапамил.

АТХ коды С08D A01

Фармакологиялық қасиеттері

Фармакокинетикасы

Верапамил гидрохлориді рацемиялық қоспа болып табылады, ол R-энантиомер мен S-энантиомердің тең бөліктерінен тұрады. Верапамил белсенді метаболизденеді. Норверапамил несепте анықталатын 12 метаболитінің бірі болып табылады, верапамилдің фармакологиялық белсенділігінің 10-20 %-ына ие және шығарылған препараттың 6 %-ын құрайды. Норверапамил мен верапамилдің қан плазмасындағы тепе-теңдік концентрациялары бірдей болып табылады. Тепе-теңдік концентрациясына препаратты тәулігіне 1 рет бірнеше күн қабылдағаннан кейін 3-4 күннен соң жетеді.

Сіңірілуі

Ішу арқылы қабылдағаннан кейін 90 %-дан астам верапамил жіңішке ішекте жылдам және толығымен дерлік сіңеді. Препаратты бір рет қабылдағаннан кейінгі орташа биожетімділігі 23 % құрайды, бұл бауыр арқылы алғашқы өту метаболизмінің экстенсивті екендігімен түсіндіріледі. Биожетімділігі бірнеше рет қабылдағаннан кейін 2 есе артады.

Дереу босап шығатын таблеткаларды қабылдағаннан кейін верапамил қан плазмасындағы ең жоғарғы концентрациясына 1-2 сағаттан соң, норверапамил – 1 сағаттан соң жетеді. Ас ішу верапамилдің биожетімділігіне әсер етпейді.

Таралуы

Верапамил организм тіндерінде кеңінен таралады, таралу көлемі 1,8-ден 6,8 л/кг дейінді құрайды. Верапамилдің плазма ақуыздарымен байланысуы шамамен 90 % құрайды.

Метаболизмі

Верапамил белсенді метаболизденеді. Метаболизмін in vitro зерттеулер барысында, верапамилдің P450 CYP3A4, CYP1A2, CYP2C8, CYP2C9 және CYP2C18 цитохромының көмегімен метаболизденетіні анықталды. Дені сау ерікті ерлер препаратты ішу арқылы қабылдағаннан кейін, верапамил гидрохлориді бауырда 12 метаболит түзе отырып, қарқынды метаболизмге ұшырайтыны анықталды, олардың көпшілігі іздік мөлшерлерде айқындалды. Негізгі метаболиттері түрлі верапамилдің N- және O-деалкилденген өнімдері ретінде анықталды. Осы метаболиттерінің ішінен тек норверапамил ғана фармакологиялық әсер (бастапқы қосылысының шамамен 20 %-ы) береді.

Шығарылуы

Ішу арқылы қабылдағаннан кейін жартылай шығарылу кезеңі 3-7 сағатты құрайды. Енгізілген дозасының 50 %-ға жуығы 24 сағат ішінде, 70 %-ы ‑ 5 күн ішінде бүйрекпен шығарылады. Дозасының 16 %-ға дейінгісі нәжіспен шығарылады. Препараттың бүйрекпен шығарылатын 3-4 %-ға жуығы өзгеріссіз күйде шығарылады. Верапамилдің жалпы клиренсі тура бауырдағы қан ағымы сияқты жоғары деуге болады, және шамамен 1 л/сағ/кг (диапазон ‑ 0,7-1,3 л/сағ/кг) құрайды.

Пациенттердің ерекше топтары

Балалар. Верапамилдің балалардағы фармакокинетикасына қатысты деректер шектеулі. Препаратты ішу арқылы қолданғаннан кейін қан плазмасындағы тепе-теңдік концентрациялары ересектердегімен салыстырғанда едәуір аз.

Егде жастағы пациенттер. Жас шамасы артериялық гипертензиясы бар пациенттерде верапамилдің фармакокинетикасына әсер етуі мүмкін. Жартылай шығарылу кезеңі егде жастағы пациенттерде ұзаруы мүмкін. Верапамилдің гипертензияға қарсы әсері жас шамасына тәуелсіз екендігі анықталды.

Бүйрек жеткіліксіздігі бар пациенттер. Бүйрек функциясының бұзылуы верапамилдің фармакокинетикасына әсер етпейді, бұл терминальді сатыдағы бүйрек жеткіліксіздігі бар пациенттер мен бүйрек функциясы қалыпты адамдардағы салыстыру зерттеулері барысында көрінді. Верапамил мен норверапамил гемодиализдің көмегімен шығарылмайды.

Бауыр жеткіліксіздігі бар пациенттер. Верапамилдің жартылай шығарылу кезеңі бауыр функциясы бұзылған пациенттерде клиренсінің төмендігі мен таралу көлемінің ауқымдылығына байланысты арта түседі.

Фармакодинамикасы

Изоптин^® кальций иондарының кардиомиоциттер мен қантамырлардың тегіс бұлшықетті жасушаларына трансжарғақшалық ағып шығуын бөгейді. Изоптин^® миокард жасушаларындағы метаболизм үдерісінің энергетикалық шығындарына әсер етудің есебінен тікелей, миокардқа оттегі қажеттілігін азайтады және жанама жолмен кейінгі жүктеменің азаюына әсер етеді. Коронарлық артериялардың тегіс бұлшықетті жасушаларының кальций өзекшелерін бөгеуінің арқасында миокардқа келетін қан ағымы, тіпті стеноздан кейінгі бөліктерде де артады, және коронарлық артериялардың түйілуі басылады. Изоптин^® препаратының гипертензияға қарсы тиімділігіне рефлекторлық жауап ретінде жүректің жиырылу жиілігін арттырмай-ақ, шеткері қантамырлар кедергісін азайтуы түрткі болады. Қан қысымының физиологиялық шамаларының жағымсыз өзгерістері байқалмайды. Изоптин^® әсіресе қарыншаүстілік аритмия кезінде, аритмияға қарсы әсер етеді. Изоптин^® атриовентрикулярлық түйіндегі импульс өткізілуінің кідіруін туғызады, соның нәтижесінде, аритмияның типіне байланысты, синустық ырғақ қайта басталады және/немесе қарыншалардың жиырылу жиілігі қалыпқа түседі. Жүректің жиырылу жиілігінің қалыпты деңгейі өзгермейді немесе елеусіз төмендейді.

Қолданылуы

- жүректің ишемиялық ауруында: тұрақты кернеулі стенокардия,тұрақсыз стенокардия (үдемелі стенокардия, тыныштық күйдегі стенокардия), вазоспазмдық стенокардия (нұсқалық стенокардия, Принцметал стенокардиясы), жүрек жеткіліксіздігі жоқ пациенттердегі инфарктіден кейінгі стенокардияда, егер b-блокаторлар көрсетілмесе

- ырғақ бұзылуында: пароксизмалық қарыншаүстілік тахикардия, атриовентрикулярлық өткізгіштігі жылдам жүрекшелердің дірілдеуі/жыпылықтауы, Вольф – Паркинсон - Уайт (WPW) синдромын немесе Лоун-Ганонг-Левин (LGL) синдромын қоспағанда

- артериялық гипертензияда

Қолдану тәсілі және дозалары

Верапамил гидрохлоридінің дозасы әр пациент үшін аурудың ауырлығына сәйкес жекелей таңдап алынады. Препаратты сормай және шайнамай, жеткілікті мөлшердегі сұйықтықпен (мысалы, бір стақан су, ешбір жағдайда грейпфрут шырынымен ішуге болмайды), дұрысы тамақтану кезінде немесе ас ішкеннен кейін бірден қабылдау керек.

Изоптин^® препаратын жатқан қалыпта қабылдамау керек.

Миокард инфарктісінен кейінгі стенокардиясы бар пациенттерде Изоптин^®препаратын жедел миокард инфарктісінен кейін тек 7 күннен соң қолдануға болады.

Препаратпен емдеудің ұзақтығы шектелмейді. Ұзақ уақыт қолданғаннан кейін Изоптин^® препаратымен емдеуді күрт тоқтатпау керек, дозасын біртіндеп төмендету ұсынылады.

Кезекті қабылдауды өткізіп алған кезде препараттың қосарлы дозасын қабылдамау керек.

Ересектер мен дене салмағы 50 кг асатын жасөспірімдер:

Жүректің ишемиялық ауруы, пароксизмалық қарыншаүстілік тахикардия, жүрекшелердің дірілдеуі/жыпылықтауы:

Ұсынылатын тәуліктік дозасы 3–4 қабылдауға бөлінген 120мг-240мг- 480 мг құрайды. Ең жоғарғы тәуліктік дозасы - 480 мг.

Артериялық гипертензия

Ұсынылатын тәуліктік дозасы 3 қабылдауға бөлінген 120мг-240мг-360 мг құрайды.

Педиатрияда қолданылуы (тек жүрек ырғағының бұзылулары кезінде):

Мектеп жасына дейінгі 6 жастан асқан балалар: күніне 40-тан 120 мг дейін, 2–3 қабылдауға бөлу керек.

6–14 жастағы балалар: күніне 80–360 мг, 2–4 қабылдауға бөлу керек.

Бүйрек функциясының бұзылуы

Қолжетімді мәліметтер «Айрықша нұсқаулар» бөлімінде сипатталған. Бүйрек жеткіліксіздігі бар пациенттергеИзоптин^® препаратын сақтықпен және дәрігердің мұқият бақылауымен қабылдау керек.

Бауыр функциясының бұзылулары

Бауыр функциясының бұзылулары бар пациенттерде препараттың метаболизмі бұзылулардың ауырлық дәрежесіне байланысты баяулайды, соның салдарынан Изоптин^® препаратының әсері күшейеді және ұзарады. Сондықтан, мұндай жағдайларда дозасын ерекше сақтықпен таңдап алу және ең аз дозаларынан бастау керек (мысалы, бауыр функциясының бұзылулары бар науқастар үшін алдымен күніне 2–3 рет 40 мг-ден, сәйкесінше тәулігіне 80–120 мг), «Айрықша нұсқаулар» бөлімін қараңыз.

Жағымсыз әсерлері

Төменде көрсетілген жағымсыз әсерлері туралы клиникалық зерттеулер барысында, Изоптин^® препаратын маркетингтен кейін қолданған кезде немесе клиникалық сынақтардың IV фазасында хабарланды.

Жағымсыз реакциялар хабарламалардың жиілігіне байланысты жіктеледі: өте жиі (≥1/10), жиі (≥1/100 - <1/10 дейін), жиі емес (≥1/1000 - <1/100 дейін), сирек (≥1/10000 - <1/1000 дейін), өте сирек (<1/10000), жиілігі белгісіз (жиілігін қолда бар мәліметтерден анықтау мүмкін емес) және әрбір ағзалар жүйесі үшін.

Мынадай жағымсыз реакциялар айтарлықтай жиі байқалды: бас ауыруы, бас айналуы; асқазан-ішек бұылыстары: жүрек айнуы, іш қатуы және іштің ауыруы; сонымен қатар брадикардия, тахикардия, жүрек қағуын, артериялық қысымның төмендеуін сезіну, қан кернеулері, шеткері ісіну және қажығыштық.

Жиі (≥1/100 <1/10 дейін)

- бас айналуы немесе вертиго, бас ауыруы, нейропатия

- ашушаңдық

- брадикардия, жүрек жеткіліксіздігінің дамуы немесе бұрыннан бар жүрек жеткіліксіздігінің нашарлауы, қан қысымының шамадан тыс түсуі және/немесе ортостатикалық дисрегуляция

- қан кернеуі, гипотония

- іш қатуы, жүрек айнуы

- эритромелалгия

- шеткері ісіну

жиі емес (≥1/1000 <1/100 дейін)

- глюкозаға толеранттылықтың төмендеуі

- жүрек қағысын сезіну, тахикардия

- іштің ауыруы

- аллергиядан туындаған, бауырдыңспецификалық ферменттері деңгейінің қайтымды жоғарылауымен, гепатит болуы мүмкін

- қажығыштық

Сирек (≥1/10000 <1/1000 дейін)

- парестезия, тремор

- ұйқышылдық

- құлақтағы шуыл

- жүрек айнуы

- гипергидроз

Өте сирек (<1/10000)

- фотодерматит

- Миастенияның жалған салданудың ауыр түрде нашарлауы, Ламберт-Итон синдромы және Дюшеннің үдемелі бұлшықеттік дистрофиясы

Жиілігі белгісіз

- Аса жоғары сезімталдық

- Экстрапирамидалық симптомдар, салдану (тетрапарез)¹, құрысулар

- гиперкалиемия

- вертиго

- АВ блокада (1, 2 және 3 дәрежедегі), жүрек жеткіліксіздігі, синустық түйіннің тоқтап қалуы, синустық брадикардия, асистолия

- бронх түйілуі, ентігу

- іштің ауыруы, қызыл иектің гиперплазиясы, ішек бітелуі

- ангионевроздық ісіну, Стивенс-Джонсон синдромы, көп формалы эритема, алопеция, терінің қышуы, қышыну, пурпура, макулопапулездік экзантема, есекжем

- артралгия, бұлшықет әлсіздігі, миалгия

- бүйрек жеткіліксіздігі

- эректильді дисфункция, галакторея, гинекомастия

- қанда пролактин деңгейінің көтерілуі

¹ Маркетингтен кейінгі қадағалаулар барысында верапамил мен колхицинді біріктіріп қолданумен астасқан салдану (тетрапарез) туралы бір рет хабарланды. Бұған верапамилдің CYP3A4 пен P-gp бәсеңдетуі нәтижесінде, колхициннің гематоэнцефалдық бөгет арқылы өтуі түрткі болуы мүмкін, «Дәрілермен өзара әрекеттесулері» бөлімін қараңыз.

Ескертпе

Электрокардиостимуляторлары бар пациенттерде Изоптинді қолданған кезде стимуляциялау шегінің және сезімталдықтың артуын жоққа шығаруға болмайды.

Бұрыннан ауыр кардиомиопатия, іркілісті жүрек жеткіліксіздігі немесе жуырда бастан өткерген миокард инфарктісі сияқты жүрек-қантамырлық бұзылулары бар пациенттерде венаішілік бета-блокаторларды немесе дизопирамидті венаішілік верапамилмен қатарлас қолдану кезінде ауыр жағымсыз құбылыстар қаупі арта түседі, өйткені дәрілік препараттардың бұл екі класы кардиодепрессивтік әсер береді («Дәрілермен өара әрекеттесуі» бөлімін де қараңыз).

Қолдануға болмайтын жағдайлар

- верапамилге немесе препараттың кез келген компонентіне белгілі аса жоғары сезімталдық

- кардиогендік шок

- II немесе III дәрежедегі атриовентрикулярлық блокада (қызмет істеп тұрған электрокардиостимуляторы бар пациенттерден басқа).

- синустық түйін әлсіздігі синдромы (қызмет істеп тұрған электрокардиостимуляторы бар пациенттерден басқа)

- лықсыту фракциясы 35 %-дан төмен және/немесе өкпе артериясының қысылу қысымы 20 мм сын.бағ. жоғары жүрек жеткіліксіздігі (егер тек бұл жағдай, Изоптин^® препаратымен емдеуге бағынатын қарыншаүстілік тахикардияға қатысты салдарлы жағдай болмаса)

- қосымша өткізу жолдары бар кездегі жүрекшелердің дірілдеуі/фибрилляциясы (мысалы, WPW-синдромы, LGL-синдромы). Мұндай пациенттерде Изоптин^® препаратын қолданғанда қарыншалық фибрилляцияны қоса, қарыншалық тахикардияның даму қаупі бар

- ивабрадинмен біріктіріп қолдану («Дәрілермен өзара әрекеттесуін» қараңыз)

- Изоптин^® препаратымен емдеу кезінде бета-блокаторларды вена ішіне қолданбау керек (қарқынды ем жүргізілген жағдайлардан басқасында; «Дәрілермен өзара әрекеттесуі» бөлімін қараңыз)

- жүктіліктің I және II триместрі

Дәрілермен өзара әрекеттесуі

Изоптин^® препаратының метаболизмін in vitro зерттеу, верапамил гидрохлоридінің Р450 CYP3A4, CYP1A2, CYP2C8, CYP2C9 және CYP2С18 цитохромы арқылы метаболизденетінін көрсетті. Изоптин^®CYP3A4 ферменттері мен Р-гликопротеиндердің (Р-gp) тежегіші болып табылады. CYP3A4 тежегіштерімен клиникалық тұрғыдан маңызды өзара әрекеттесулері туралы хабарланды, олар қан плазмасындағы верапамил гидрохлориді деңгейінің артуыменқатар жүрді, ал CYP3A4 индукторлары верапамилгидрохлоридінің қан плазмасындағы деңгейінің төмендеуін туғызды, сондықтан басқа дәрілік заттармен өзара әрекеттесуіне мониторинг жүргізу қажет.

CYP-450 ферменттік жүйесімен байланысты әлеуетті өзара әрекеттесулері

Празозин: празозиннің С_max (~40 %) жартылай шығарылу кезеңіне әсер етпей артуы. Аддитивтік гипотензиялық әсері.

Теразозин: теразозиннің AUC (~24 %) және С_max (~25 %) жоғарылауы. Аддитивтік гипотензиялық әсері.

Хинидин: ішу арқылы қабылдағанда хинидиннің клиренсі азаяды (~35 %). Артериялық гипотензия, ал гипертрофиялық обструкциялық кардиомиопатиясы бар пациенттерде – өкпе ісінуі дамуы мүмкін.

Флекаинид: қан плазмасындағы флекаинидтің клиренсіне әсері аз (<~10 %); қан плазмасындағы верапамилдің клиренсіне әсер етпейді («Айрықша нұсқаулар» бөлімін қараңыз).

Амиодарон: амиодаронның плазмадағы деңгейлері артады.

Теофиллин: оральді және жүйелік клиренсінің шамамен 20 %-ға, шылымқорларда ‑ 11 %-ға төмендеуі.

Карбамазепин: рефрактерлік парциальді эпилепсиясы бар пациенттерде карбамазепиннің AUC жоғарылайды (~46 %); карбамазепиннің деңгейлері жоғарылайды, бұл диплопия, бас ауыруы, атаксия немесе бас айналуы сияқты карбамазепиннің жағымсыз әсерлерін туғызуы мүмкін.

Фенитоин: қан плазмасындағы верапамил концентрациясы төмендейді.

Имипрамин: имипраминнің AUC белсенді метаболиті дезипраминге әсер етпей артуы (~15 %).

Глибенкламид: глибенкламидтің С_max шамамен 28 %, AUC ‑ 26 %-ға артады, верапамил гидрохлоридінің плазмадағы деңгейлерінің жоғарылауы.

Колхицин: колхициннің AUC (шамамен 2 есе) және С_max (шамамен 1,3 есе) артуы. Колхициннің дозасын азайту ұсынылады (колхицинді медициналық қолдану жөніндегі нұсқаулықты қараңыз), колхицин мен верапамил гидрохлоридін бір мезгілде қолдану ұсынылмайды.

Кларитромицин, эритромицин, телитромицин: верапамилдің деңгейлері артуы мүмкін.

Рифампицин: гипотензиялық әсері төмендеуі мүмкін. Верапамилді ішу арқылы қолданғаннан кейін AUC (~97 %), С_max(~94 %) және биожетімділігі (~92 %) төмендейді.

Доксорубицин: доксорубицин мен Изоптин^® препаратын бір мезгілде қолданғанда (ішу арқылы) өкпеніңұсақ жасушалы обыры бар науқастарда қан плазмасындағы доксорубициннің AUC (~104 %) және С_max (~61 %) артады.

Клотримазол, кетоконазол, интраконазол: верапамилдің деңгейлері жоғарылауы мүмкін.

Фенобарбитал: верапамилдің оральді клиренсі шамамен 5 есе жоғарылайды.

Буспирон: буспиронның AUC мен С_max шамамен 3,4 есе артады.

Мидазолам: мидазоламның AUC шамамен 3 есе және С_max ‑2 есе артады. Верапамил гидрохлоридінің плазмадағы деңгейлері жоғарылайды.

Метопролол: стенокардиясы бар пациенттерде метопрололдың AUC (~32,5 %) мен С_max (~41 %) артады («Айрықша нұсқаулар» бөлімін қараңыз). Верапамил гидрохлоридінің плазмадағы деңгейлері жоғарылайды.

Пропранолол: стенокардиясы бар пациенттерде пропранололдың AUC (~65 %) мен С_max артады (~94 %) («Айрықша нұсқаулар» бөлімін қараңыз»). Верапамил гидрохлоридінің плазмадағы деңгейлері жоғарылайды.

Дигоксин: дені сау еріктілерде дигоксиннің С_max (~44 %), С_12h (~53 %), C_ss (~44 %) және AUC (~50 %) жоғарылауы. Дигоксиннің дозасын азайту ұсынылады (сонымен қатар «Айрықша нұсқаулар» бөлімін қараңыз).

Дигитоксин: дигитоксин клиренсінің (~27 %) және экстраренальді клиренсінің азаюы (~29 %).

Циметидин: R- және S-верапамил клиренсінің сәйкесінше төмендеуімен, R-верапамил (~25 %) мен S-верапамилдің AUC артады (~40 %).

Циклоспорин: циклоспориннің AUC, С_max,С_SS 45 %-ға жуық артуы.

Эверолимус: эверолимустың AUC (шамамен 3,5 есе) пен С_max жоғарылауы (шамамен 2,3 есе). Верапамилдің C_trough артады (шамамен 2,3 есе). Эверолимустың концентрациясы мен дозасын дәл анықтау қажет болуы мүмкін.

Сиролимус: сиролимустың AUC жоғарылайды (шамамен 2,2 есе), S-верапамилдің AUC жоғарылайды (шамамен 1,5 есе). Сиролимустың концентрацияларын анықтау және дозасын түзету қажет болуы мүмкін.

Такролимус: бұл препараттың қан плазмасындағы деңгейі артуы мүмкін.

Аторвастатин: аторвастатинің деңгейі жоғарылауы мүмкін. Аторвастатин верапамилдің AUC шамамен 43 %-ға арттырады.

Ловастатин: ловастатин деңгейі жоғарылауы мүмкін. Верапамилдің AUC (~63 %) және С_max (~32 %) артады.

Симвастатин: симвастатин AUC шамамен 2,6 есе, симвастатиннің С_max – 4,6 есе артуы.

Алмотриптан: алмотриптанның AUC 20 %-ға, С_max ‑ 24 %-ға артады. Верапамил гидрохлоридінің плазмадағы деңгейлері жоғарылайды.

Сульфинпиразон: верапамилдің оральді клиренсінің жоғарылауы (шамамен 3 есе), верапамилдің биожетімділігінің 60 %-ға азаюы. Гипотензиялық әсерінің төмендегені байқалуы мүмкін.

Дабигатран: дереу босап шығатын таблеткалар түріндегі верапамил дабигатранның C_max (180%-ға дейін) және AUC арттырады (150 %-ға дейін). Қан кету қаупі артуы мүмкін. Пероральді верапамилмен бір мезгілде қолданғанда дабигатранның дозасын азайту қажет болуы мүмкін (дабигатранды медициналық қолдану жөніндегі нұсқаулықтың, дозалау жөніндегі ұсынымдары бөлімін қараңыз).

Тікелей әсер ететін басқа да пероральді антикоагулянттар

Тікелей әсер ететін пероральді антикоагулянттар абсорбциясының артуы олар гликопротеин-Р субстраты болып табылатындықтан және 3A4 Цитохромымен метаболизденетін тікелей әсер ететін пероральді антикоагулянттар элиминациясы азайғаны сондай-ақ болып жатса, онда ол тікелей әсер ететін пероральді антикоагулянттардың жүйелі биожетімділігін арттыруы мүмкін.

Кейбір деректер әсіресе қауіп факторы бар пациенттерде қан кету қаупінің арттыруы мүмкін екендігі жөнінде дәлел болады. Тікелей әсер ететін пероральді антикоагулянттардың дозасы азайтылуы мүмкін.

Ивабрадин: верапамилдің жүректің жиырылу жиілігін қосымша төмендететін әсеріне байланысты, ивабрадинмен бір мезгілде қолдану қарсы көрсетілімді («Қолдануға болмайтын жағдайларды» қараңыз).

Грейпфрут шырыны: R-верапамилдің (~49 %) және S-верапамилдің (~37 %) AUC артады, R-верапамилдің (~75 %) және S-верапамилдің (~51 %) Сmax жартылай шығарылу кезеңі мен бүйректік клиренсінің өзгерісінсіз артады. Грейпфрут шырынының Изоптин^® препаратымен пайдаланылуын болдырмау керек.

Шайқурай: С_max сәйкесінше төмендеуімен R-верапамилдің (~78 %) және S-верапамилдің (~80 %) AUC азаяды.

Басқа өзара әрекеттесулері

Вирусқа қарсы (АИТВ) дәрілер: АИТВ инфекциялары кезінде қолданылатын ритонавир сияқты кейбір вирусқа қарсы дәрілердің метаболизмді бәсеңдетуге қабілеттілігіне байланысты, верапамилдің плазмадағы концентрациялары артуы мүмкін. Препаратты сақтықпен тағайындау керек немесе Изоптин^® препаратының дозасын төмендету қажеттілігі туындауы мүмкін.

Литий: литий препараттарын верапамил гидрохлоридімен бір мезгілде қолданғанда, қан плазмасындағы литий деңгейінің жоғарылауымен немесе олардың өзгерісінсіз литийдің нейроуыттылығының жоғарылығы туралы хабарланды. Алайда литийдің бірдей дозасын ішу арқылы тұрақты түрде қабылдаған пациенттерде верапамил гидрохлоридін қосу қан плазмасындағы литий деңгейлерінің төмендеуіне алып келген. Екі дәрілік затты да қабылдап жүрген пациенттер, дәрігердің мұқият бақылауында болуы тиіс.

Нейробұлшықеттік блокаторлар: клиникалық деректер мен жануарларға жүргізілген зерттеулер, Изоптин^® препаратының нейробұлшықеттік блокаторлардың (кураре тәрізді және деполяризацияланатын) белсенділігін әлеуеттендіруі мүмкін екендігін көрсетеді. Бір мезгілде қолданған кезде Изоптин^® препаратының дозасын және/немесе нейробұлшықеттік блокатордың дозасын төмендету қажеттілігі туындауы мүмкін.

Ацетилсалицил қышқылы: қан кету ықтималдығының жоғарылығы.

Этанол (алкоголь): қан плазмасындағы этанол деңгейінің жоғарылауы.

Гипертензияға қарсы дәрілер, диуретиктер, вазодилататорлар: гипотензиялық әсерінің күшеюі.

Липидті төмендететін дәрілер (ГМГ-КоА-редуктаза тежегіштері (статиндер)): Изоптин^® препаратын қабылдап жүрген пациенттерде ГМГ-КоА-редуктаза тежегіштерімен (симвастатин, аторвастатин, ловастатин) емдеуді мүмкін болатын ең төменгі дозаларынан бастау және оларды біртіндеп арттыру керек. Егер Изоптин^® препаратын бұрыннан қабылдап жүрген пациентке ГМГ-КоА-редуктаза тежегішін тағайындау қажет болса, статиндер дозасының қажетті төмендетілуін ескеру және дозасын қан плазмасындағы холестерин концентрациясына сәйкес таңдап алу керек.

Верапамил мен симвастатин жоғары дозаларда бір мезгілде қолданылған кезде, миопатия/рабдомиолиз қаупі артады. Сәйкесінше, симвастатиннің дозасы тиісінше түзетілуі тиіс (препарат жөніндегі өндірушінің ақпаратын қараңыз; сонымен қатар «Айрықша нұсқаулар» бөлімін қараңыз)

Флувастатин, правастатин және розувастатин CYP3A4 цитохромы арқылы метаболизденбейді және Изоптин^® препаратымен өзара әрекеттесу ықтималдығы аз.

Гипотензиялық дәрілер, диуретиктер, тамырды кеңейтетін дәрілер:

Қан қысымының шамадан тыс төмендеу қаупімен жүретін гипертонияға қарсы әсерінің күшеюі.

Аритмияға қарсы дәрілер (мысалы, флекаинид, дизопирамид), бета блокаторлар (мысалы, метопролол, пропранолол), ингаляциялық анестетиктер:

Жүрек-қантамырлық әсерлерінің өзара әлеуеттенуі (ауыр атриовентрикулярлық блокада, жүректің жиырылу жиілігінің айтарлықтай баяулауы, жүрек жеткіліксіздігінің дамуы, айқын гипотензиялық әсері).

Айрықша нұсқаулар

Жедел миокард инфарктісі

Препаратты жедел миокард инфарктісі, асқынған брадикардиясы, айқын артериялық гипотензиясы немесе сол жақ қарыншаның дисфункциясы бар пациенттерге сақтықпен қолдану керек.

Жүрек блокадасы/І дәрежедегі атриовентрикулярлық блокада /брадикардия/асистолия

Изоптин^® атриовентрикулярлық және синоатриальді түйіндерге әсер етеді және атриовентрикулярлық беріліс уақытын ұзартады. ІІ немесе ІІІ дәрежедегі атриовентрикулярлық блокаданың (қарсы көрсетілім), немесе Гис тармағының бір шоғырлы, екі шоғырлы немесе үш шоғырлы блокадасының дамуы верапамил гидрохлоридінің келесі дозаларын тоқтатуды және қажет болған жағдайда, сәйкесінше ем тағайындауды қажет ететіндіктен, сақтық таныту керек.

Изоптин^® атриовентрикулярлық және синоатриальді түйіндерге әсер етеді және сирек жағдайларда ІІ немесе ІІІ дәрежедегі атриовентрикулярлық блокаданы, брадикардияны және ақырғы жағдайларда – асистолияны туғызуы мүмкін. Ондай симптомдардың синустық түйін әлсіздігі синдромы бар пациенттерде байқалу ықтималдығы зор (синоатриальді түйіннің ауруы), ол егде жастағы пациенттерде жиі кездеседі.

Синустық түйін әлсіздігі синдромы жоқ пациенттердегі, әдетте қысқа мерзімді (бірнеше секунд немесе одан да аз), атриовентрикулярлық түйінге немесе қалыпты синустық ырғаққа өздігінен қайтып келетін асистолия. Егер бұл құбылыс жылдам басылмаса, дереу сәйкесінше емдеуді бастау керек («Жағымсыз әсерлері» бөлімін қараңыз).

Аритмияға қарсы дәрілер, b-адреноблокаторлар және ингаляциялық анестетиктер

Аритмияға қарсы дәрілер (мысалы, флекаинид, дизопирамид), бета- блокаторлар (мысалы, метопролол, пропранолол) мен ингаляциялық анестетиктер верапамил гидрохлоридімен бір мезгілде қолданылған жағдайда жүрек-қантамырлық әсерлерін күшейтуі мүмкін (ауыр атриовентрикулярлық блокада, жүректің жиырылу жиілігінің айтарлықтай баяулауы, жүрек жеткіліксіздігінің дамуы, гипотонияның күшеюі) (сонымен қатар «Дәрілермен өзара әрекеттесуі» бөлімін қараңыз).

Асимптомдық брадикардия (минутына 36 соғу) жылжымалы/кезбе жүрекшелік ырғақ жетекшісі анықталған бір пациентте байқалды, ол верапамил гидрохлоридімен бір мезгілде құрамында тимолол (b-адреноблокатор) бар көзге тамызатын дәрісін қолданған.

Дигоксин

Изоптин^® препаратын дигоксинмен бір мезгілде қолданғанда дигоксиннің дозасын азайту керек («Дәрілермен өзара әрекеттесуі» бөлімін қараңыз).

Жүрек жеткіліксіздігі

Изоптин^® препаратымен емдеуді бастар алдында лықсыту фракциясы 35 %-дан артық пациенттерде жүрек жеткіліксіздігін компенсациялау және барлық емдеу кезеңі бойына талапқа сай бақылап отыру қажет.

ГМГ-КoA-редуктаза тежегіштері (статиндер)

«Дәрілермен өзара әрекеттесуі» бөлімін қараңыз.

Нейробұлшықеттік беріліс бұзылатын аурулар

Изоптин^® препаратын нейробұлшықеттік беріліс бұзылуларымен (миастения gravis, Ламберт-Итон синдромы, Дюшеннің үдемелі бұлшықет дистрофиясы) жүретін аурулар бар кезде сақтықпен қолдану керек.

Артериялыққысымныңтөмендеуі

Гипотензия жағдайында (систолалық артериялық қысым 90 мм.сын.бағ. аз) аса мұқият бақылау қажет.

Бүйрек жеткіліксіздігі

Сенімді салыстырмалы зерттеулерде бүйрек жеткіліксіздігінің терминальді сатысы бар пациенттерде бүйрек функциясы бұзылуының верапамил фармакокинетикасына әсері анықталмаса да, бүйрек функциясының бұзылуы бар пациенттерде Изоптин^® препаратын сақтықпен және мұқият қадағалай отырып қолдану керектігін көрсететін бірнеше хабарлама болды.

Изоптин^® гемодиализдің көмегімен шығарылмайды.

Бауыр жеткіліксіздігі

Бауыр функциясының ауыр бұзылуы бар пациенттерге Изоптин^® препаратын сақтықпен қолдану керек («Қолдану тәсілі мен дозалары» бөлімін қараңыз).

Балалар

Изоптин^® 40 мг препаратын балаларға тек жүрек ырғағының бұзылулары кезінде ғана қолдануға болады («Қолдану тәсілі мен дозалары» бөлімін қараңыз)

Жүктілік және лактация кезеңінде қолданылуы

Жүктілік. Изоптин^® плацентарлық бөгет арқылы өтуі мүмкін. Кіндік венасының қан плазмасындағы концентрациясы анасының қан плазмасындағы концентрациясының 20 %-дан 92 %-ға дейінгісін құрайды. Препараттыңжүктіліккезінде қолданылу тәжірибесі жеткіліксіз. Алайда, препаратты жүктілік кезінде ішке қабылдаған әйелдердің шектеулі санынаналынған деректер, тератогендік әсерін білдірмейді. Жануарларға жүргізілген зерттеулер тұқым өрбітуге уыттылығын көрсетті

Осылайша, Изоптин^® препаратын жүктіліктің бірінші және екінші триместрі кезінде қолданбау керек. Препаратты жүктіліктің үшінші триместрінде тек, айрықша көрсетілімдері болған жағдайда ғана, ана мен бала үшін қаупін ескере отырыпқолдануға болады.

Лактация кезеңі. Изоптин^® мен оның метаболиттері емшек сүтіне өтеді (сүттегі концентрациясы анасының қан плазмасындағы концентрациясының шамамен 23%-ын құрайды). Адамның қатысумен жүргізілген зерттеулерде ішу арқылы қабылдануы туралы шектеулі мәліметтер, верапамилдің жаңа туған нәрестенің организміне түсетін дозасы төмен болып табылатынын көрсетеді (анасы қабылдаған дозасының 0,1–1 %-ы), сондықтан Изоптин^® препаратын қолдану бала емізумен үйлесімді болуы мүмкін, алайда жаңа туған нәрестелер/сәбилер үшін қаупі барын жоққа шығаруға болмайды. Емшек еметін жаңа туған нәрестелерде күрделі жағымсыз реакцияларының пайда болу қаупін ескере отырып, Изоптин^® препаратын балаемізу кезінде тек анасы үшін аса қажет жағдайда ғана қолдану керек.

Жекелеген жағдайларда верапамилдің гиперпролактинемия мен галакторея тудыруы мүмкін екендігі туралы мәліметтер бар.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Изоптин^® препаратының гипертензияға қарсы әсеріне байланысты, жекелей реакцияларға байланысты, көлік құралдарын басқару, механизмдермен жұмыс жасау немесе қауіпті жағдайларда жұмыс жасау қабілеті бұзылуы мүмкін. Бұл әсіресе емдеуді бастау, дозасын арттыру, препаратты ауыстыру, сондай-ақ препаратты алкогольмен бір мезгілде қабылдау кезеңдеріне қатысты. Изоптин^® препараты қан плазмасындағы алкоголь деңгейін арттыруы және оның шығарылуын баяулатуы мүмкін, сондықтан алкогольдің әсері күшеюі мүмкін.

Артық дозалануы

Симптомдары: Изоптин^® препаратымен уланғаннан кейінгі уыттанусимптомдары препараттың қабылданған мөлшеріне, уытсыздандыру шаралары қолданылған уақытқа және миокардтың жиырылу функциясына (жас шамасына байланысты) байланысты үдейді.

Ауыр улану жағдайында мынадай симптомдар байқалған:

Артериялық қысымның күрт төмендеуі, жүрек жеткіліксіздігі, жүрек-қантамырлық шокқа және жүректің тоқтап қалуына алып келуі мүмкін бради немесе тахиаритмия (мысалы, атриовентрикулярлық диссоциациямен жүретін түйінді ырғақ және жоғары дәрежедегі атриовентрикулярлық блокада).

Комаға дейін үдейтін сананың бұзылуы, гипергликемия, гипокалиемия, метаболизмдік ацидоз, гипоксия, өкпенің ісінуімен жүретін кардиогендік шок, бүйрек функциясының бұзылуы және құрысулар. Кейде өлім жағдайлары туралы хабарланған.

Препараттың артық дозалануын емдеу

Шұғыл емдеуге уытсыздандыру және жүрек-қантамыр жүйесінің тұрақты жағдайын қалпына келтіру кіреді.

Емдік шаралар қолдану уақыты мен тәсіліне, сондай-ақ уыттану симптомдарының типі мен ауырлығына байланысты болып келеді.

Ұзақ әсер ететін дәрілік препараттарды көп мөлшерде қолданған кездегі уыттану жағдайында белсенді затының ішекте, қабылдағаннан кейін 48 сағаттан артық бөлініп шығуы және сіңірілуі мүмкін екендігін ескеру қажет.

Ішу арқылы қабылданатын Изоптин^® препаратын қолданғандағы уыттану кезінде, егер асқазан-ішек жолы моторикасының белгілері (ішектің шұрқырауы) анықталмаса, асқазанды, тіпті қабылдағаннан кейін 12 сағаттан кейін де шаю ұсынылады. Егер ұзақ әсер ететін препараттың қолданылуы себепті уыттану бар деп болжанса, құстыру, асқазан мен жіңішке ішектің ішіндегісін эндоскопиялық бақылау арқылы аспирациялау, асқазанды шаю, босату, толыққанды клизма сияқты элиминациялаудың кешенді шараларын жүргізу көрсетіледі.

Изоптин^® препараты диализдің көмегімен шығарылмайтындықтан, гемодиализ жүргізу ұсынылмайды, бірақ гемофильтрация, мүмкіндігінше, плазмоферез (плазма ақуыздарымен байланысуы жоғары) ұсынылады.

Қарқынды емдеу мен жүрекке тікелей емес массаж жасау, вентиляция, дефибрилляция және жүрек стимуляциясы сияқты реанимациялаудың әдеттегі шаралары.

Арнайы шаралар

Кардиодепрессивтік әсерлерін, гипотония мен брадикардияны басу.

Брадиаритмия атропинді және/немесе бета-симпатомиметиктерді (изопреналин, орципреналин) симптоматикалық қолданумен емделеді;өмірге қауіп төндіретін бради- аритмия жағдайында уақытша кардиостимуляция қажет болады. Асистолияны бета-адренергиялық стимуляцияны (изопреналин) қоса, жалпыға ортақ әдістермен емдеу қажет.

Кальцийді арнайы антидот ретінде қолдануға болады, мысалы,10-нан 20 мл дейінгі кальций глюконатының 10% ерітіндісін вена ішіне (2,25-тен 4,5 ммольге дейін), егер қажет болса, қайталау, немесе ұзаққа созылатын тамшылатып инфузиялау түрінде (мысалы, 5 ммоль/сағ).

Кардиогендік шок пен артериялық вазодилатация нәтижесіндегі артериялық гипотензия допаминнің (кг дене салмағына минутына 25 мкг дейін), добутаминнің (кг дене салмағына минутына 15 мкг дейін), эпинефриннің немесе норэпинефриннің көмегімен емделеді. Бұл дәрілік препараттардың дозалары тек қол жеткен әсері бойынша ғана анықталады. Сарысудағы кальций деңгейіқалыптың жоғарғы шегінің мәндерінен бастап аздап жоғарылаған деңгейлерге дейінгі шекте ұстап тұрылуы тиіс. Бастапқы сатыда, артериялық вазодилатацияның себебінен, қосымша сұйықтықтың орнын алмастыру (Рингер ерітіндісімен немесе натрий хлориді ерітіндісімен) жүргізіледі.

Шығарылу түрі және қаптамасы

Үлбірлі қабықпен қапталған 40 мг таблеткалар № 100.

25 таблеткадан поливинилхлоридті үлбір мен алюминий фольгадан жасалған пішінді ұяшықты қаптамада.

4 пішінді қаптамадан мемлекеттік және орыс тілдеріндегі қолдану жөніндегі нұсқаулықпен бірге картоннан жасалған қорапшаға салынады.

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

ФАМАР А.В.Е. Антуса, Греция

Антуса авеню, 7 15344 Антуса, Афины

Тіркеу куәлігінің иесы

Абботт Лабораториз ГмбХ, Ганновер, Германия

Қаптаушы ұйымның атауы мен елі

ФАМАР А.В.Е. Антуса, Греция

Антуса авеню, 7 15344 Антуса, Афины

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігіне жауапты ұйымның атауы, мекенжайы және байланыс деректері

«Абботт Қазақстан» ЖШС

050060 Қазақстан Республикасы, Алматы қ.,

Ходжанов көшесі 92, кеңсе 90

тел.: +7 7272447544, +7 7272447644,

e-mail: pv.kazakhstan@abbott.com