Сипаттама
Дәрілік затты медициналық қолдану
жөніндегі нұсқаулық
КОДЕЛАК® БРОНХО ТАСШӨП ҚОСЫЛҒАН
Саудалық атауы
Коделак® Бронхо тасшөп қосылған
Халықаралық патенттелмеген атауы
Жоқ
Дәрілік түрі
Эликсир, 100 мл
Құрамы
5 мл препараттың құрамында
белсенді заттар: амброксол гидрохлориді – 10,00 мг, глицирризин қышқылы тринатрий тұзы (натрий глицирризинаты) – 30,00 мг, тасшөп сұйық экстрактісі – 500,00 мг,
қосымша заттар: метилпарагидроксибензоат, пропилпа-рагидроксибензоат, сорбитол (сорбит), тазартылған су.
Сипаттамасы
Ашық қоңырдан қоңыр түске дейінгі сұйықтық. Сақтау барысында шөгінді түзілуге жол беріледі.
Фармакотерапиялық тобы
Жөтел және суық тиюсимптомдарын жоюға арналған препараттар. Қақырық түсіретін препараттар. Қақырық түсіретін препараттар біріктірілімі.
АТХ коды R05CА10
Фармакологиялық қасиеттері
Жөтелді емдеуге арналған біріктірілген препарат, муколитикалық және қақырық түсіретін әсер береді, сондай-ақ қабынуға қарсы белсенділігі бар. Коделак® Бронхо тасшөп қосылған эликсирінің әсері оның компоненттерінің фармакологиялық қасиеттерімен жүзеге асырылады:
- амброксолдың секретомоторлы, секретолитикалық және қақырық түсіретін әсерлері бар, қақырықтың сероздық және шырышты компоненттерінің бұзылуын қалыпты етеді, альвеолаларда сурфактант секрециясын арттырады.Қақырықтың тұтқырлығын азайтады және оның бөлініп шығуына мүмкіндік береді;
- глициррат (глицирризин қышқылы және оның тұздары) қабынуға қарсы және вирусқа қарсы әсерлері бар. Антиоксиданттық және жарғақша тұрақтандырғыш белсенділігінің арқасында цитопротекторлы әсер береді.Эндогендік глюкокортикостероидтардың әсерін күшейтіп, қабынуға және аллергияға қарсы әсер етеді. Қабынуға қарсы айқын белсенділігінің арқасында тыныс жолдарында қабыну үдерісінің азаюына мүмкіндік береді;
- тасшөп экстрактісінде қақырық түсіретін және қабынуға қарсы әсері бар эфир майларының қоспасы бар. Бұдан басқа, тасшөп экстрактісінің әлсіз спазмолитикалық және репаративтік әсері бар.
Қолданылуы
Тұтқыр қақырық түзілетін тыныс алу жолдары ауруларын кешенді емдеуде:
- жедел және созылмалы бронхитте
- пневмонияда
- өкпенің созылмалы обструкциялық ауруында (ӨСОА)
- бронхоэктаз ауруында
Қолдану тәсілі және дозалары
Ішке, ас қабылдау кезінде аздаған су мөлшерімен ішеді.
Ересектерге және 12 жастан асқан балаларға – тәулігіне 4 рет 10 мл-ден.
2 жастан 6 жасқа дейінгі балаларға эликсирді тәулігіне 3 рет 2,5 мл-ден, 6 жастан 12 жасқа дейінгі балаларға тәулігіне 3 рет 5 мл-ден тағайындайды.
Дәрігердің кеңесінсіз ең жоғары емдеу ұзақтығы – 5 күн.
Жағымсыз әсерлері
- баяу типті аллергиялық реакциялар, бронх түйілуі, анафилаксиялық реакциялар, терінің күрделі жағымсыз реакциялары, оның ішінде мультиформалы эритема, Стивенс-Джонсон синдромы, уытты эпидермалық некролиз және жедел жайылған экзантематозды пустулездік некролиз
Сирек:
- әлсіздік, бас ауыру
- ауыз ішінің және тыныс жолдарының құрғауы
- экзантемалар
- ринорея
- іш қату, диарея, дизурия
Ұзақ уақыт жоғары дозаларда қабылдағанда:
- гастралгия
- жүрек айнуы, құсу.
Қолдануға болмайтын жағдайлар
- препарат компоненттеріне жоғары сезімталдық
- жүктілік, лактация кезеңі.
- 2 жасқа дейінгі балаларға
- тұқым қуалайтын фруктоза жақпаушылығы бар пациенттерге
Дәрілермен өзара әрекеттесуі
Жөтелге қарсы дәрілік заттармен бірге қолдану қақырықтың бөлініп шығуын қиындатуы мүмкін.
Айрықша нұсқаулар
Бауыр және/немесе бүйрек функциясының жеткіліксіздігі, асқазанның және 12 елі ішектің ойық жара ауруы, бронх демікпесі бар пациенттерге абайлап қолданған жөн.
Жөтелге қарсы дәрілермен біріктірмеу керек.
Қант диабеті бар пациенттерге препаратты, 5 мл эликсирде сорбиттің 0,18 НБ мөлшерде болатындығыескеріліп, қолданылуы мүмкін.
Жүктілік және бала емізу кезеңінде қолдану.
Коделак® Бронхо тасшөп қосылған препаратын жүктілік кезінде қолдануға болмайды. Емшекпен қоректендіру кезеңінде препаратты қабылдау қажет болған жағдайда, бала емізуді тоқтату керек.
Дәрілік заттың көлікті немесе қауіптілігі зор механизмдерді басқару қабілетіне ықпал ету ерекшеліктері
Препарат көлік құралдарын және әртүрлі механизмдерді басқару, сондай-ақ жоғары зейінділік пен психомоторлық және қозғалыс реакциялары жылдамдығын қажет ететін қауіптілігі зор қызмет түрлерімен айналысуға әсер етпейді.
Артық дозалануы
Симптомдары: жүректің айнуы, құсу, диарея, диспепсия.
Емі: құстырту, препаратты қабылдағаннан кейінгі алғашқы 1-2 сағат ішінде асқазанды шаю, симптоматикалық ем жүргізу керек.
Шығарылу түрі және қаптамасы
100 мл препараттан ашылуы бақыланатын және полимер қақпақтармен (тығыздығы жоғары полиэтилен) немесе ашылуы бақыланатын және балалардың ашып алуынан қорғанысы бар полимер (тығыздығы жоғары полипропилен/полиэтилен) қақпақтармен жабылған күңгірт шыны құтыда.
Құтыға өздігінен желімделетін заттаңба жапсырылады.
Бір құты медициналық қолдану жөніндегі мемлекеттік және орыс тіліндегі нұсқаулықпен және өлшеуіш қасығымен бірге картон қорапшаға салынған.
Сақтау шарттары
25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген жарамдылық мерзімі өткеннен кейін пайдалануға болмайды!
Дәріханалардан босатылу шарттары
Рецептісіз
Өндіруші
"Фармстандарт-Лексредства" ААҚ, 305022,
Ресей, Курск қ., 2-ші Агрегатная к-сі, 1а/18,
тел./факс: (4712) 34-03-13, www.pharmstd.ru
Тіркеу куәлігінің иесі
"Отисифарм" ЖАҚ, Ресей, 123317, Мәскеу қ., Тестовская к-сі, 10 үй
Тел.: +7 (800) 775-98-19
Факс: +7 (495) 221-18-02
Қазақстан Республикасы аумағында тұтынушылардан өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
"Қарағанды фармацевтикалық кешені" ЖШС,
100009, Қазақстан Республикасы, Қарағанды қ., Ботаникалық к-сі, 12 үй
Тел/факс: +7 (7212) 437002
Тел: + 7 (7212) 507322
E-mail: kphk@kphk.kz
