Сипаттама
Медициналық мақсаттағы бұйымды медицинада қолдану
жөніндегі нұсқаулық
Медициналық мақсаттағы бұйымның атауы
Тесіктері бар мата негізіндегі «ФАРАБ» бұрышты бұласыры, өлшемдері: 10*15см.
Бұйымның құрамы мен сипаттамасы
«ФАРАБ» бұрышты бұласыры тесіктері бар мата негізінде дайындалған, сарғыш-қызылдан сары-қоңыр түске дейінгі біртекті жабысқақ массасы бар. Құрамы: бұршаққынды бұрыш экстрактісі, итжидек экстрактісі, арника тұнбасы, қосымша заттар.
Саудалық белгісі
«ФАРАБ».
Қолданылу саласы
Медициналық тәжірибеде және тұрмыста. Тесіктері бар мата негізіндегі «ФАРАБ» бұрышты бұласыры радикулитте, невралгияда, миозитте, люмбагода, суық тию ауруларында ауыруды басатын зат ретінде қолданылады.
Қолдану тәсілі
Сыртқа. Алдын ала теріні майсыздандырып, құрғатып сүрту керек. Бұласырдан қорғаныс үлбірін алып, теріге жапсыру керек. Бірден күйдіргені сезілгенде бұласырды алып, теріге крем жағу керек. Сол жерге жаңа бұласырды үзілістен кейін ғана қайталап жапсыруға болады. Бір рет пайдалану керек. Бұласырды үздіксіз қолдану уақыты 2 тәуліктен аспайды. Тесіктері бар мата негізіндегі «ФАРАБ» бұрышты бұласыры бір рет пайдалануға арналған.
Қолдануға болмайтын жағдайлар
Жекелей көтере алмаушылық, аса жоғары сезімталдық, бұласырды қолданған жерде тері жабындары бүтіндігінің бұзылуы, тері аурулары. Жабыстырылған жерлерде аллергиялық реакциялар болуы мүмкін. Бұл жағдайларда Бұласырды қолдану ұсынылмайды.
Сақтау шарттары
Пайдалану алдында балалардың қолы жетпейтін, құрғақ, тікелей күн сәулесінен және жылытқыштардан қорғалған жерде, + 5 °С-ден + 40 °С-ге дейінгі температурада тұтынушы қаптамасында сақтау керек.
Жарамдылық мерзімі: 4 жыл. «Жарамдылық мерзімі өткеннен кейін қолдануға болмайды».
Өндіруші ұйымның атауы, елі, заңды мекенжайы:
«ГАЛТЕЯФАРМ» ЖШҚ, Беларусь Республикасы, 210040,Витебск қ.,Журжевская к-сі, 11.
Қазақстан Республикасы аумағында тұтынушыларданмедициналық мақсаттағы бұйым жөніндегі шағымдарды (ұсыныстарды) қабылдайтын ұйымның атауы мен мекенжайы
Қазақстан Республикасындағы ресми дистрибьюторы: «Комбинат «Фараб» ЖШС, Қазақстан Республикасы, 050050, Алматы қ., Рысқұлов к-сі, 52 «а» үй.
Нормативтік құжаттың атауы (белгіленуі)
Тесіктері бар мата негізіндегі «ФАРАБ» бұрышты бұласыры, өлшемдері: 10*15см, ТШ ВY 390287860.002-2009 сәйкес өндірілген.
