Біздің компаниямыз жайлы жалпы ақпарат.
Дәрі-дәрмектің мәртебесі: | Rx |
Атауы: | Цефуроксим (Цефуроксим ) 750 мг Инъекция үшін ерітінді дайындауға арналған ұнтақ |
Саудалық атауы: | Цефуроксим |
Халықаралық патенттелмеген атауы: | Цефуроксим |
Дәрілік түрі, дозалануы: | Инъекция үшін ерітінді дайындауға арналған ұнтақ, 750 мг және 1500 мг |
Фармакотерапиялық тобы: | Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы басқа бета-лактамды препараттар. Екінші буынды цефалоспориндер. Цефуроксим. АТХ коды J01DC02 |
Қолданылуы: | Цефуроксим ересектерде және балаларда, соның ішінде жаңа туған нәрестелерде төменде берілген инфекцияларды емдеу үшін қолданылады: Ауруханадан тыс пневмония Созылмалы бронхиттің жедел өршуі Несеп шығару жолдарының асқынған инфекциялары, пиелонефритті қоса Жұмсақ тіндердің инфекциялары: теріасты-май шелінің қабынуы (целлюлит), тілме қабыну және жара инфекциялары Құрсақішілік инфекциялар Асқазан-ішек жолына (өңешті қоса) операцияларда, ортопедиялық операцияларда, жүрекке, қантамырларға операцияларда және гинекологиялық операцияларда (кесарь тілігін қоса) инфекциялық асқынулардың профилактикасы үшін. Анаэробты организмдер болуы мүмкін жердегі инфекцияларды емдегенде және профилактика жүргізгенде бактерияларға қарсы тиісті қосымша дәрілермен бірге енгізу керек. Бактерияларға қарсы дәрілерді ұтымды пайдалану жөнінде ресми нұсқауларды ескеру қажет. |
Қолданудың басталуына дейінгі қажетті мәліметтер тізбесі: | Қолдануға болмайтын жағдайлар әсер етуші зат натрий цефуроксиміне немесе қосымша заттардың кез келгеніне аса жоғары сезімталдық цефалоспоринді антибиотиктерге белгілі аса жоғары сезімталдығы бар пациенттерге анамнезінде басқа бета-лактамды антибиотиктерге (пенициллиндерге, карбапенемге және монобактамға) аса жоғары ауыр сезімталдық реакциялардың (мысалы, анафилаксиялық реакция) болуы Лидокаинде сұйылтылған Цефуроксимді мынадай жағдайда қолдануға болмайды: бұрын лидокаинге немесе басқа да жергілікті амидтік анестетиктерге байқалған жоғары сезімталдық жүрек ырғағының белгіленген тасымалдаушысынсыз атривентрикулярлық блокадасы бар пациенттерге жүрек функциясының ауыр жеткіліксіздігі вена ішіне енгізу 15 жасқа дейінгі немесе дене салмағы 50 кг-ден азырақ балаларға Лидокаинді медициналық қолдану жөніндегі нұсқаулықта бар ақпаратты, әсіресе қолдануға болмайтын жағдайларды ескеру керек. Қолдану кезіндегі қажетті сақтық шаралары Аса жоғары сезімталдық реакциялары Сондай-ақ басқа бета-лактамдық антибиотиктерді қолданған кездегідей, цефуроксимді қолданудан кейін аса жоғары сезімталдықтың ауыр және кейде фатальді реакциялары туралы мәлімдемелер бар. Аса жоғары сезімталдықтың ауыр реакциялары дамыған кезде Цефуроксим препаратымен емдеуді дереу тоқтату және емдеудің қажетті шұғыл шараларын қабылдау керек. Препаратты тағайындар алдында анамнезінде Цефуроксимге, басқа цефалоспориндерге немесе басқа бета-лактамдық антибиотиктерге аса жоғары сезімталдықтың ауыр реакцияларының бар-жоқтығын анықтау керек. Диуретиктермен немесе аминогликозидтермен қатар жүретін ем Цефалоспориндер тобының антибиотиктерінің жоғары дозалары фуросемид сияқты диуретиктермен немесе аминогликозидтермен қатар жүретін ем қабылдап жүрген пациенттерге сақтықпен тағайындалуы тиіс, өйткені мұндай біріктірілімдерді қолданған кезде бүйрек функциясының жеткіліксіздігі жағдайлары білінді. Осының салдарынан препараттардың осындай біріктірілімін қолданғанда, әсіресе егде жастағы пациенттерде немесе анамнезінде бүйрек аурулары бар пациенттерде, бүйрек функциясын бақылау қажет. Сезімтал емес микроорганизмдердің шамадан тыс өсуі Цефуроксим препаратын қолдану Candida-ның шамадан тыс өсуіне әкелуі мүмкін. Ұзақ қолдану басқа да сезімтал емес микроорганизмдердің (мысалы, энтерококктердің және Clostridium difficile) шамадан тыс өсуіне әкелуі мүмкін, бұл препараттың қолданылуын тоқтатуды қажет етуі мүмкін. Цефуроксимді қолданумен байланысты жалған жарғақшалы колит туралы мәлімдемелер бар. Ол ауырлығы жеңіл дәрежеден өмірге қауіп төндіретін жағдайларға дейін өзгеруі мүмкін. Бұл диагнозға Цефуроксим препаратымен емдеу барысында немесе одан кейін сұйық нәжіс пайда болатын пациенттерде күдіктенген жөн. Мұндай жағдайларда Цефуроксим препаратымен емдеуді тоқтату және Clostridium difficile қарсы тиімді спецификалық препараттарды тағайындау керек. Ішектің жиырылуын басатын дәрілік препараттарды пайдалануға болмайды. Камераішілік пайдалану және көрудің бұзылуы Цефуроксим камера ішіне пайдалануға арналмаған. Көздің күрделі жағымсыз реакцияларының жекелеген жағдайлары және топтары құтылардағы вена ішіне/бұлшықет ішіне енгізу үшін мақұлданған камераішілік бекітілмеген натрий цефуроксимін пайдаланудан кейін тіркелді. Бұл реакциялар сары дақтың ісінуін, торқабықтың ісінуін, торқабықтың қыртыстануын, торқабықтың уыттануын, көрудің нашарлауын, көру жітілігінің төмендеуін, мөлдір қабықтың мөлдір болмауын және мөлдір қабықтың ісінуін қамтыды. Құрсақішілік инфекциялар Белсенділігінің ауқымын ескерсек, цефуроксим грамтеріс бактериялардың жекелеген түрлерінен туындаған инфекцияларды емдеуге жарамайды. Диагностикалық тестілердің нәтижелеріне ықпалы Цефуроксим препаратын қолданумен байланысты Кумбс сынамасының оң нәтижесі қан құйған кездегі үйлесімділігіне жүргізілген айқаспалы сынақ нәтижесіне ықпалын тигізуі мүмкін. Мыс редукциясының зертханалық диагностикасының әдістерін (Бенедикт, Фелинг, «Clinitest» сынамалары) пайдаланғанда аздаған ауытқулары болуы мүмкін. Бұл жалғаноң нәтижелерге әкелмейді, олар кейбір басқа цефалоспориндерді қолданған кезде білінуі мүмкін. Цефуроксим препаратын қабылдап жүрген пациенттерде қандағы/плазмадағы глюкоза деңгейлерін анықтағанда глюкооксидазалы немесе гексокиназалы тестілерді пайдалану ұсынылады, өйткені феррицианидтік тест жалғантеріс нәтижелер беруі мүмкін. Басқа дәрілік препараттармен өзара әрекеттесуі Цефуроксим ішек флорасына ықпалын тигізуі мүмкін, бұл эстрогендер реабсорбциясының азаюына және біріктірілген пероральді контрацептивтер тиімділігінің төмендеуіне әкеледі. Цефуроксим шумақтық сүзілу және өзекшелік секреция жолымен шығарылады. Пробенецидпен бір мезгілде қолдану ұсынылмайды. Пробенецидпен бір мезгілде қабылдау антибиотиктің шығарылуын ұзартады және сарысудағы ең жоғары шектегі деңгейді арттырады. Потенциальді нефроуытты препараттар және ілмектік диуретиктер Цефалоспориндермен бірге жоғары дозаланған препараттар ілмектік диуретиктерді (фуросемид сияқты) немесе потенциалды нефроуытты препараттарды (аминогликозидтік антибиотиктер) қабылдап жүрген пациенттерге қатысты сақтықпен тағайындалуы керек, өйткені мұндай біріктірілімдерді қолданған кезде бүйрек функциясының бұзылуын жоққа шығаруға болмайды. Басқа өзара әрекеттесулер Цефуроксим препараты глюкозурияны анықтауға қатысты, ферменттік әдістерге негізделген, тестілерге ықпалын тигізбейді. Пероральді антикоагулянттармен бірге пайдалану халықаралық қалыптасқан қатынастың (ХҚҚ) артуына әкелуі мүмкін. Арнайы ескертулер Жүктілік және лактация кезінде Жүкті әйелдерге цефуроксимді қолдану туралы шектеулі ғана деректер алынды. Жануарларға жүргізілген зерттеулер репродукциялық уыттылықты тапқан жоқ. Цефуроксимді жүкті әйелдерге, егер ана үшін потенциалды пайдасы шарана үшін потенциалды қаупінен басым болса ғана, тағайындау керек. Анасына дозаны бұлшықетішілік немесе венаішілік енгізуден кейін цефуроксим плацента арқылы өтеді және кағанақ суында және кіндік қанында емдік деңгейге жетеді. Цефуроксим ана сүтіне аздаған мөлшерде бөлініп шығады. Диарея және шырышты қабықтарда зең инфекцияларының қаупін жоққа шығару мүмкін болмаса да, емдік дозаларда қабылдаған кезде жағымсыз реакциялардың пайда болуы күтілмейді. Нәресте үшін емшек емудің пайдасына және әйел үшін емдеудің пайдасына назар аудара отырып, емшек емізуді тоқтатуға немесе цефуроксиммен емдеуді тоқтатуға/тартынуға қатысты шешім қабылдау қажет. Натрий цефуроксимінің фертильділікке ықпалы туралы деректер алынған жоқ. Жануарларға жүргізілген репродукциялық зерттеулер цефуроксимнің фертильділікке әсерін тапқан жоқ. Көлік құралдарын немесе потенциалды қауіпті механизмдерді басқару қабілетіне препараттың ықпал ету ерекшеліктері Көлік құралдарын және басқа да мехаимдерді басқару қабілетіне цефуроксимнің ықпалы жөнінде зерттеулер жүргізілген жоқ. Алайда, цефуроксимнің жағымсыз реакцияларының бейінін ескерер болсақ, көлік құралдарын және басқа да механизмдерді басқаруға оның ықпал етуі екіталай болып табылады. |
Қолдану жөніндегі нұсқаулар: | Дозалау режимі 1-кесте. Ересектер және салмағы 40 кг балалар Қолданылуы Дозалануы Ауруханадан тыс пневмония және созылмалы бронхиттің өршуі Әрбір 8 сағат сайын 750 мг (вена ішіне немесе бұлшықет ішіне) Жұмсақ тіндердің инфекциялары: целлюлит, тілме қабыну және жара инфекциялары. Құрсақішілік инфекциялар Несеп шығару жолдарының асқынған инфекциялары, пиелонефритті қоса Әрбір 8 сағат сайын 1500 мг (вена ішіне немесе бұлшықет ішіне) Ауыр инфекциялар Әрбір 6 сағат сайын 750 мг (вена ішіне) Әрбір 8 сағат сайын 1500 мг (вена ішіне) Асқазан-ішек жолының операцияларында, гинекологиялық операцияларда (кесарь тілігін қоса) және ортопедиялық операцияларда профилактика үшін. Анестезия индукциясымен 1500 мг. 8 сағат және 16 сағаттан кейін 750 мг-ден екі дозамен (бұлшықет ішіне) толықтыруға болады Жүрек-қантамыр операцияларында және өңешке операцияларда Анестезия индукциясымен 1500 мг, кейіннен келесі 24 сағат ішінде әрбір 8 сағат сайын 750 мг бұлшықет ішіне енгізуге ұласады Пациенттердің ерекше топтары Балалар 2-кесте. Салмағы < 40 кг балалар 3 апталықтан асқан сәбилер мен балалар және салмағы < 40 кг балалар Нәрестелер (туғаннан 3 апталыққа дейінгі) Ауруханадан тыс пневмония 3 немесе 4-ке бөлінген дозалар түрінде енгізілетін (вена ішіне) күніне 30-дан 100 мг/кг доза; күніне 60 мг/кг доза көптеген инфекцияларға қолдануға келеді 2 немесе 3-ке бөлінген дозалар түрінде енгізілетін (вена ішіне) күніне 30-дан 100 мг/кг доза Несеп шығару жолдарының асқынған инфекциялары, пиелонефритті қоса Жұмсақ тіндердің инфекцииялары: целлюлит, тілме қабыну және жара инфекциялары. Құрсақішілік инфекциялар Бүйрек функциясының жеткіліксіздігі бар пациенттер Цефуроксим организмнен негізінен бүйрек арқылы шығарылады. Демек, бүйрек функциясы айқын бұзылған пациенттерде Цефуроксим препаратының дозасын, оның өте баяу шығарылуының орнын толтыру үшін, төмендету ұсынылады. 3-кесте. Бүйрек функциясының жеткіліксіздігі кезінде ұсынылатын Цефуроксим дозалары Креатинин клиренсі T1/2 (сағ.) Доза (мг) > 20 мл/мин/1,73 м2 1,7-2,6 Препараттың стандартты дозасын төмендетудің қажеттілігі жоқ (тәулігіне 3 рет 750 мг-1500 мг) 10-20 мл/мин/1,73 м2 4,3-6,5 Күніне екі рет 750 мг < 10 мл/мин/1,73 м2 14,8-22,3 Күніне бір рет 750 мг Гемодиализде жүрген пациенттер 3,75 Әрбір диализ сеансының соңында вена ішіне немесе бұлшықет ішіне 750 мг-ге тең қосымша доза енгізу қажет; натрий цефуроксимін парентеральді түрден енгізуге қосымша перитонеальді диализге арналған ерітіндіні қосуға болады (әдетте диализге арналған әрбір 2 л ерітіндіге 250 мг). Қарқынды емдеу бөлімінде үздіксіз артериовеналық гемодиализ (CAVH) немесе жылдамдығы жоғары гемофильтрация (HF) қабылдап жатқан, бүйрек функциясының жеткіліксіздігі бар пациенттер 7,9–12,6 (CAVH) 1,6 (HF) Күніне екі рет 750 мг; егер жылдамдығы төмен гемофильтрация пайдаланылса, онда бүйрек функциясы бұзылған пациенттер үшін ұсынылатын доза қолданылады. Бауыр функциясының жеткіліксіздігі бар пациенттер Цефуроксим ең алдымен бүйрек арқылы жойылатындықтан, бауыр дисфункциясы цефуроксимнің фармакокинетикасына ықпал етеді деп күтілмейді. Енгізу әдісі және жолы Цефуроксим венаға тікелей 3-5 минут ішінде венаішілік инъекция жолымен немесе 30-60 минут ішінде инфузиялық жүйеге, немесе бұлшықетішілік терең инъекция жолымен қолданылуы тиіс. Бұлшықетішілік инъекциялар ірі бұлшықеттерге қатысты салмақпен және енгізілетін бір жерге 750 мг-ден асырмай жүргізілуі тиіс. 1500 мг-ден жоғары дозаларды вена ішіне енгізу қажет. 4-кесте. Ерітіндіні дайындау жөніндегі нұсқаулық Доза Енгізу тәсілі Сұйылтқаннан кейінгі препарат Инъекция үшін қосылған судың мөлшері (мл) Цефуроксимнің шамамен алғандағы концентрациясы (мг/мл) ** 750 мг цефуроксим ұнтағы бұлшықет ішіне суспензия 3 мл 216 вена ішіне болюсті ерітінді 6 мл 116 вена ішіне инфузиялы ерітінді 6 мл* 116 1500 мг цефуроксим ұнтағы бұлшықет ішіне суспензия 6 мл 216 вена ішіне болюсті ерітінді 15 мл 94 вена ішіне инфузиялы ерітінді 15 мл* 94 * Қалпына келтірілген ерітінді 50 мл немесе 100 мл үйлесімді инфузиялық ерітіндіге қосылуы тиіс. ** Нәтижесінде цефуроксим ерітіндісінің қалпына келтірілген ортадағы көлемі дәрілік заттың ығысу факторының есебінен артады, бұл көрсетілген мг/мл концентрацияларға әкеледі. Үйлесімділік Натрий цефуроксимінің (инъекцияға арналған 15 мл судағы 1500 мг) қалпына келтірілген ерітіндісін және метронидазолды (500 мг/100 мл) араластырғанда екі компонент те өзінің белсенділігін 25°С-ден аспайтын температурада 24 сағатқа дейін сақтайды. 1500 мг доза натрий цефуроксимі азлоциллин (15 мл-де 1 г немесе 50 мл-де 5 г) ерітіндісімен үйлеседі; екі компонент те өзінің белсенділігін 4°С-ге жуық температурада 24 сағатқа дейін немесе 25°С-ден аспайтын температурада 6 сағатқа дейін сақтайды. 5% немесе 10% ксилитол ерітіндісіндегі дәрілік заттың ерітіндісі (5 мг/мл) 25°С-ден аспайтын температурада 24 сағатқа дейін сақталуы мүмкін. Натрий цефуроксимі құрамында 1% лидокаин гидрохлориді бар су ерітінділерімен үйлеседі. Натрий цефуроксимі келесі инфузиялық ерітінділермен үйлеседі және бөлме температурасында өзінің белсенділігін 24 сағат бойы сақтайды: 0,9% натрий хлоридінің ерітіндісі, Инъекцияға арналған 5% декстроза ерітіндісі, 0,18% натрий хлоридінің ерітіндісі және инъекцияға арналған 4% декстроза ерітіндісі, 5% декстроза ерітіндісі және инъекцияға арналған 0,9% натрий хлоридінің ерітіндісі, 5% декстроза ерітіндісі және инъекцияға арналған 0,45% натрий хлоридінің ерітіндісі, 5% декстроза ерітіндісі және инъекцияға арналған 0,225% натрий хлоридінің ерітіндісі, Инъекцияға арналған 10% декстроза ерітіндісі, Инъекцияға арналған судағы 10% инвертті қант ерітіндісі, Рингер ерітіндісі, Рингер лактаты ерітіндісі, М/6 натрий лактаты ерітіндісі инъекцияға арналған натрий лактатының ерітіндісі (Хартман ерітіндісі). 0,9% натрий хлориді ерітіндісіндегі және 5% декстроза ерітіндісіндегі натрий цефуроксимінің тұрақтылығы натрий фосфаты гидрокортизонының қатысуымен бұзылмайды. Натрий цефуроксимі вена ішіне инфузия түрінде енгізгенде үйлеседі және бөлме температурасында келесі ерітінділермен 24 сағат бойы тұрақты болады: инъекцияға арналған 0,9% натрий хлоридінің ерітіндісіндегі гепарин (10 және 50 ӘБ/мл); инъекцияға арналған 0,9% натрий хлоридінің ерітіндісіндегі калий хлориді (10 мЭк/л және 40 мЭк/л). Цефуроксим өте жиі пайдаланылатын венаішілік сұйықтықтармен және электролиттер ерітінділерімен үйлеседі. Инъекцияға арналған 2,74% натрий бикарбонатының ерітіндісінің рН шамасы ерітіндінің түсіне едәуір ықпалын тигізеді және, демек, бұл ерітінді натрий цефуроксимін еріту үшін ұсынылмайды. Дегенмен, натрий бикарбонатымен инъекция қабылдап жүрген пациенттер үшін қажет болған жағдайда, цефуроксим вена ішіне инфузия жолымен енгізілуі мүмкін. Цефуроксимді бір шприцте аминогликозидтермен бірге араластырмау керек. Артық дозаланған жағдайда қабылдау қажет шаралар Симптомдары Артық дозалану энцефалопатияны, құрысуларды және команы қоса, неврологиялық бұзылуларға әкелуі мүмкін. Артық дозалану симптомдары бүйрек функциясының жеткіліксіздігі бар пациенттерде дозаны түзету режимін сақтамағанда туындауы мүмкін. Емі Қан сарысуындағы цефуроксимнің концентрациясын диазепамның немесе перитонеальді диализдің жәрдемімен төмендетуге болады. Дәрілік препараттың бір немесе бірнеше дозаларын өткізіп алған кездегі қажетті шаралар Ұмыт қалдырылған дозаның орнын толтыру үшін екі еселенген доза қабылдамаңыз. Тоқтату симптомдарының бар екендігіне нұсқаулар Қатысы жоқ Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Дәрілік препаратты қолданбас бұрын кеңес алу үшін дәрігерге барыңыз. |
Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар: | Өте жиі жағымсыз реакциялар, атап айтқанда, анамнезінде бауыр аурулары бар пациенттерде, нейтропения, эозинофилия, бауыр ферменттері және билирубин белсенділігінің өткінші жоғарылауы болып табылады, ал сол кезде бауыр ауруын айғақтайтын басқа да симптомдар және енгізген жерде реакциялар білінбейді. Төменде берілген жағымсыз реакциялар жиілігінің санаттары, көптеген жағымсыз реакциялар жиілігін есептеу үшін жеткілікті деректер алынбағандықтан, шамамен берілгендер болып табылады. Бұдан басқа, натрий цефуроксимін қолданған кезде жағымсыз реакциялардың жиілігі көрсеткіштерге байланысты өзгеріп отыруы мүмкін. Жиі нейтропения эозинофилия гемоглобин деңгейінің төмендеуі бауыр ферменттерінің транзиторлық жоғарылауы енгізген жерде реакциялар, олар аурушаңдықты және тромбофлебитті қамтуы мүмкін Жиі емес лейкопения Кумбстің жалғаноң тестісі іште жайсыздық билирубин деңгейінің транзиторлық жоғарылауы бөртпе есекжем қышыну Белгісіз Candida, Clostridium difficile туысы зеңдері өсуінің жоғарылауы тромбоцитопения гемолиздік анемия тері васкулиті анафилаксия интерстициальді нефрит этиологиялық дәрілік қызба жалған жарғақшалы колит экссудативті мультиформалы эритема Стивенс-Джонсон синдромы уытты эпидермальді некролиз ангионевроздық ісіну креатинин деңгейінің жоғарылауы мочевина азоты және креатинин клиренсінің төмендеуі Жекелеген жағымсыз реакциялардың сипаттамасы Цефалоспориндердің эритроциттер жарғақшасының бетіне сіңу және дәрілік заттарға қарсы бағытталған антиденелермен реакцияға түсу беталысы бар, бұл Кумбс сынамасының жалғаноң нәтижелеріне (ол қанның үйлесімділігіне айқаспалы сынамаға ықпалын тигізуі мүмкін) және өте сирек – гемолиздік анемияға әкелуі мүмкін. Сарысуда бауыр ферменттерінің немесе билирубиннің транзиторлық жоғарылауы байқалды, олар, әдеттегідей, қайтымды. Өте жоғары дозаларды енгізген кезде бұлшықетішілік инъекция жасалған жердің ауыруы тән. Алайда бұл емдеуді тоқтатуға негіз болып табылмайды. Балалар Натрий цефуроксимінің жағымсыз реакцияларының балалардағы бейіні ересектердегі бейінге сәйкес келеді. Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz |
Қосымша мәліметтер: | Дәрілік препараттың құрамы Бір құтының ішінде белсенді зат – 750.0 мг және 1500.0 мг натрий цефуроксимі (цефуроксимге шаққанда) Сыртқы түрінің, иісінің, дәмінің сипаттамасы Құтының ішіндегі зат – ақтан ақ сары түске немесе ақшыл-сары түске дейінгі, сәл ылғал тартқыш ұнтақ. |
Шығарылу түрі және қаптамасы: | Резеңке тығынмен тығындалған, алюминий қалпақшамен немесе біріктірілген «FLIP OFF» қалпақшаларымен қаусырылған герметикалық шыны құтыларға 750 мг немесе 1500 мг белсенді заттан салынған. Әрбір құтыға заттаңба жапсырылған. Әрбір құты медициналық қолдану жөніндегі қазақ және орыс тілдерінде бекітілген нұсқаулықпен бірге картон қорапшаға салынған. Дәрілік препараты бар қорапшалар картоннан жасалған топтама қораптарға салынған. Картоннан жасалған топтама қорапқа құтыларды қорапшасыз салуға да рұқсат етілген. Медициналық қолдану жөніндегі нұсқаулықтар саны топтама қораптардағы құтылар санына сәйкес салынған. |
Сақтау мерзімі: | 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек! |
Дәріханалардан босатылу шарттары: | Рецепт арқылы |
Өндіруші туралы мәліметтер: | «Химфарм» АҚ, Қазақстан Республикасы, Шымкент қ., Рашидов к-сі, 81 Телефон нөмірі +7 7252 (610151) Автожауап беруші нөмірі +7 7252 (561342) Электронды поштасы complaints@santo.kz |
Тіркеу куәлігінің ұстаушысы: | «Химфарм» АҚ, Қазақстан Республикасы, Шымкент қ., Рашидов к-сі, 81 Телефон нөмірі +7 7252 (610151) Автожауап беруші нөмірі +7 7252 (561342) Электронды поштасы complaints@santo.kz |
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, элект: | «Химфарм» АҚ, Қазақстан Республикасы, Шымкент қ., Рашидов к-сі, 81 Телефон нөмірі +7 7252 (610150) |
