Зитмак 500 мг № 3 табл п/плён оболоч

Сипаттама

Дәрілік затты медициналық қолдану жөніндегі нұсқаулық

Зитмак^® 500

Саудалық атауы

Зитмак^® 500

Халықаралық патенттелмеген атауы

Азитромицин

Дәрілік түрі

Үлбірлі қабықпен қапталғантаблеткалар, 500 мг

Құрамы

Бір таблетканың құрамында

белсенді зат –524.0 мг азитромицин дигидраты бар, 500 мг азитромицинге баламалы,

қосымша заттар: желатинделген крахмал, гидроксипропилцеллюлоза L-HPC 21, натрий лаурилсульфаты, натрий кроскармеллозасы, кальций гидрофосфаты дигидраты, сусыз коллоидты кремнийдің қостотығы (Аэросил 200), сусыз лактоза, магний стеараты

қабық құрамы Sepifilm 752 Blanc: гидроксипропилметилцеллюлоза, микрокристалды целлюлоза, титанның қостотығы (Е 171), макрогол – 40 ОЕ стеарат.

Сипаттамасы

Ақ түсті үлбірлі қабықпен қапталған, ұзынша пішінді және бір жақ бетінде сызығы бар таблеткалар.

Фармакотерапиялық тобы

Жүйелі қолдануға арналған бактерияға қарсы препараттар. Макролидтер, линкозамидтер және стрептограминдер. Макролидтер. Азитромицин.

АТХ коды J01FA10

Фармакологиялық қасиеттері

Фармакокинетикасы

Азитромицин асқазан-ішек жолынан тез сіңеді және организмнің бүкіл жеріне кеңінен таралады. Азитромициннің плазмадағы немесе сарысудағы концентрациясына қарағанда тіндердегі концентрациясы өте жоғарыболуы оның тез таралу қасиетіне байланысты. Бір реттік 500 мг дозаны ішке қабылдағанда оның ең жоғары концентрациясы 0,5 мкг/мл құрайды және бұған 2,5-3 сағат (=Т_max) ішінде жетеді. Таралудың болжаммен алынған тұрақты көлемі (V_d) дене салмағының әр кг-ге шаққанда31,1 л-ге жуықты құрайды. Жартылай шығарылу кезеңі 14-72 сағатты құрайды. Ұзартылған ақырғы жартылай шығарылу кезеңі препараттың тіндерде көп жинақталуымен және әрі қарай одан шығарылуымен жүзеге асады. Азитромициннің өт арқылы өзгермеген күйінде шығарылуы оның негізгі шығарылу жолы болып табылады. Бір аптадан астам қолданғанда, қабылданған дозаның шамамен 6%-ы несеппен бірге өзгермеген күйінде шығарылады. Емдеудің алғашқы күнінде 500 мг және күн сайын 250 мг режиммен 4 күн бойы қолданғанда жұлын-ми сұйықтығында өте төмен концентрацияларда ғана (0,01 мкг/мл-ден аз) табылды.

Фармакодинамикасы

Азитромицинэритромициннің туындысы болып табылады және макролидтік антибиотиктер класының азалидтер тобына жатады. Азитромицин сезімтал микроорганизмдерде рибосоманың 50S суббірлігімен байланысу арқылы әсер етеді және сонысымен микроорганизмдердің ақуыздарының синтезіне кедергі жасайды. Нуклеин қышқылдарының синтезінеәсерін тигізбейді.

Эритромицинге қарағанда, азитромицин грамтеріс микроорганизмдерге белсендірек, асқазанның қышқыл ортасынаөте төзімді, организмнен баяу шығарылады және ұзағырақ әсер етеді, жағымдылығы өте жақсы,бауырдың Р-450 цитохромын аз дәрежеде тежейді.

ЗИТМАК^® 500 препаратының микробтарға қарсы әсер ету ауқымы кең.

Төменде көрсетілген микроорганизмдердің көптеген штамдарына қатысты in vitro да, сондай-ақ клиникалық тұрғыдан айқын инфекцияларда да тиімді:

Chlamydia pneumonia, Chlamydia trachomatis, Mycoplasma pneumonia, Borrelia burgdorferi, Mycoplasma pneumonia, Treponema pallidum, Ureaplasma urealyticum.

Аэробтық грам-оң микроорганизмдер

Staphylococcus aureus, Streptococcus agalactiae, Streptococcus pneumonia, Streptococcus pyogenes, стрептококтар (C, F, G топтары), Viridans тобының стрептококтары

Аэробтық грам-теріс микроорганизмдер

Haemophilus influenzae, Moraxella catarrhalis, Bordatella pertussis, Campylobacter jejuni, Legionella pneumophila.

Анаэробтық микроорганизмдер

Bacteroides bivius, Clostridium perfringes; Peptostreptococcus түрлері.

Эритромицинге төзімді грам-оң штамдармен бірге азитромицинге айқаспалы төзімділік көрсететіндігі байқалған. Enterococcus faecalis және метициллинге төзімді стафилококтардың көптеген штамдары азитромицинге тұрақты.

Қолданылуы

- фарингитте, тонзиллитте, синуситте, ортаңғы отитте

- жедел және созылмалы бронхитте, интерстициальді және альвеолярлы

пневмонияда

-созылмалы көшпелі эритемада

- Лайм ауруының бастапқы сатысында, тілмеде, импетигода, салдарлық пиодерматоздарда

- Helicobacter pylori-мен астасқан асқазан және он екі елі ішек аурулары

- создық және создық емес уретритте және/немесе цервицитте

Қолдану тәсілі және дозалары

ЗИТМАК^® 500 күніне бір рет тамақтанудан 1 сағат бұрын немесе тамақтанкейін 2 сағаттан соң қабылдайды.

Ересектер (соның ішінде егде жастағы пациенттер) және дене салмағы 45 кг-ден асатын 12 жастан асқан балалар:

Тыныс жолдарының жоғарғы және төменгі бөлімдерінің инфекцияларында, тері мен жұмсақ тін инфекцияларында 3 күн бойы тәулігіне 500 мг-ден тағайындайды (курстық дозасы – 1,5 г).

Көшпелі эритемада препаратты 5 күн бойы тәулігіне 1 рет тағайындайды: 1-ші күні – 1 г, содан кейін 2 – 5-ші күндері – 500 мг-ден; курстық дозасы – 3 г.

Лайм ауруында (бореллиозда) бастапқы сатыны емдеу үшін (erythema migrans) алғашқы күні 1 г-ден (2 таблетка) және 2 – 5-ші күндері күн сайын 500 мг-ден (1 таблетка) (курстық дозасы – 3 г).

Helicobacter pylori астасқан асқазан және он екі елі ішек ауруларында ЗИТМАК^® 500 препаратын 3 күн бойы біріктірілген ем құрамында тәулігіне 1 г-ден (2 таблетка) тағайындайды.

Асқынбаған уретритте және/немесе цервицитте бір рет 1 г (500 мг-ден 2 таблетка) тағайындайды.

Препараттың бір дозасын өткізіп алған жағдайда өткізіп алған дозаны мүмкіндігінше ерте қабылдаған, келесісін 24 сағаттық үзіліспен қабылдаған жөн.

Жағымсыз әсерлері

Өте жиі:

- диарея, іштің ауыруы, жүрек айну, метеоризм

Жиі:

- анорексия

- бас айналу, бас ауыру, парестезиялар, дисгевзия

- көрудің бұзылуы

- кереңдік

- құсу, диспепсия

- қышыну және бөртпе

- артралгия

- қажу

- лимфоцитопения, эозинофилия, бикорбонат төмендеуі

- анорексия

- психикалық бұзылыстар

- бас айналуы, бас ауыруы, парестезия, дәмнің бұрмалануы

- көрудің бұзылуы

- құлақтың және ішкі құлақтың ауруы

- кереңдік

- қызару және бөртпе

- бүйрек функциясы және несеп бөлу жүйесінің бұзылулары

- жедел бүйрек жеткіліксіздігі, интерстициальді нефрит

- жалпы бұзылулар және қабылдаған кездегі жағдай

- әлсіздік

- лимфоциттер санының азаюы

-эозинофилдер санының азаюы

- қандағы бикарбонаттар мөлшерінің азаюы

Жиі емес:

- лейкопения, нейтропения

- ангионевроздық ісіну

- аса жоғары сезімталдық

- күйгелектік

- гипестезия, ұйқышылдық, ұйқысыздық

- есту өткірлігі бұзылуы, тиннит

- жүрек соғуының жиілеуі

- гастрит, іш қатуы

- гепатит

- Стивенс-Джонсон синдромы

- фотосезімталдық реакциялары

- уртикария

- кеуденің ауыруы, ісінулер, жалпы дімкәстану сезімі, астения

- аспарат аминотрансфераза жоғарылауы

- аланин аминотрансфераза жоғарылауы

- қанда билирубиннің жоғарылауы

- қан сарысуының жоғарылауы

- қандағы калий мәндерінің қалыптан ауытқуы

Сирек:

- қозу

- вертиго

- жүрек бұзылулары

- бауыр функциясының қалыптан ауытқуы

Өте сирек:

- сүйек-бұлшықет жүйесінің, дәнекер тіндердіңбұзылуы

Белгісіз (қолда бар деректер бойынша анықтау мүмкін емес):

- жалғанжарғақшалы колит

- қанның және лимфа жүйесінің бұзылулары

- тромбоцитопения, гемолиздік анемия

- иммундық жүйенің бұзылуы

- озбырлық, үрейлену

- жүйке жүйесінің бұзылыстары

- естен тану, құрысулар, психомоторлық аса жоғары белсенділік, ұйқысыздық, агевзия, паросмия, миастения

- көз аурулары

- екі бағытты тахикардия, қарыншалық тахикардияны қоса аритмия

- қантамыр бұзылулары

- гипотензия

- асқазан-ішек жолының бұзылулары

- панкреатит, тіл түсінің өзгеруі

- бауыр және өт шығару жолдарының бұзылуы

- бауыр функциясының бұзылуы, ол сирек жағдайларда өлімге соқтырады, жедел дамитын гепатит, гепатиттік некроз, холестаздық сарғаю

- тері және теріасты тіндерінің бұзылуларуы

- QT аралығының ұзаруы

- анафилаксия

Қолдануға болмайтын жағдайлар

- азитромицинге, эритромицинге немесе макролидтер тобының кез келген антибиотигіне аса жоғары сезімталдық

- бауыр және бүйрек функцияларының ауыр бұзылулары

- холестаздық сарғаю, анамнезде азитромицинді қабылдау аясында бауыр функциясының бұзылуы

- жүрек-қантамыр қызметі жеткіліксіздігінің ауыр түрі

- жүктіліктің I триместрі, лактация кезеңі

- дене салмағы 45 кг төмен 12 жасқа дейінгі балалар

Сақтықпен

- бауыр функциясының орташа бұзылуында (Чайлд-Пью шкаласы бойынша 7-9 балл)

- бүйректің созылмалы жеткіліксіздігінде (КК 40 мл/минуттан асатын)

- аритмияларда немесе аритмия мен QT аралығының ұзаруына бейімділікте;

- терфенадинді, варфаринді, дигоксинді бір мезгілде қабылдағанда

-миастенияда

Дәрілермен өзара әрекеттесуі

Антацидтер

Антацидтерді азитромицинмен бір мезгілде қабылдаудың әсерлерін зерттеуге бағытталған фармакокинетикалық зерттеуді жүргізу кезінде, жалпы биожетімділігіне ешқандай әсері анықталған жоқ, әйтсе де сарысудағы шыңдық деңгейлері шамамен 30%-ға төмендеді. V-Азитромицин мен антацидтерді қабылдайтын пациенттерге, екі дәрілік затты бір мезгілде тағайындамау керек.

Карбамазепин

Фармакокинетикалық өзара әрекеттесуіне зерттеу жүргізген кезде, V-Азитромицинді бір мезгілде қабылдап жүрген пациенттерде карбамазепиннің немесе оның белсенді метаболитінің плазмалық деңгейлеріне ешқандай елеулі әсері байқалған жоқ.

Циметидин

Циметидиннің азитромицинге дейін 2 сағат бұрын берілген бір реттік дозасының азитромицин фармакокинетикасына әсеріне фармакокинетикалық зерттеу жүргізгенде, азитромицин фармакокинетикасының ешқандай өзгерістері байқалған жоқ.

Циклоспорин

Азитромицин мен циклоспориннің өзара әрекеттесу ықтималдығының мүмкіндігін фармакокинетикалық және клиникалық зерттеулер бойынша нақты деректер болмағандықтан, екі дәрілік затты бірге қолдану мұқият ойластырылуы тиіс. Аталған препараттарды бірге қолдану қажет болған жағдайда, циклоспориннің деңгейлерін бақылау және тиісінше жолмен түзету керек.

Дигоксин

Кейбір пациенттерде макролидтердің кейбіреулері дигоксиннің микробтық метаболизміне (ішектегі) әсер етеді. V-Азитромицин мен дигоксинді бір мезгілде қабылдап жүрген пациенттерде, дигоксин деңгейлерінің артуы мүмкіндігін ескеру керек.

Эрготамин

Теориялық тұрғыдан эрготизм дамуы мүмкін болғандықтан, V-Азитромицинді қастауыш туындыларымен бір мезгілде пайдалану ұсынылмайды.

Метилпреднизолон

Фармакокинетикалық өзара әрекеттесуіне зерттеу жүргізуде, V-Азитромицин метилпреднизолон фармакокинетикасына елеулі әсер еткен жоқ.

Теофиллин

V-Азитромицин мен теофиллинді бір мезгілде қабылдағандағы клиникалық тұрғыдан елеуліфармакокинетикалық өзара әрекеттесуге ешқандай дәлел жоқ. Басқа макролидтердің теофиллинмен өзара әрекеттесетіні туралы хабарламалар алынғандықтан, теофиллин деңгейлерінің жоғарылауын көрсететін белгілердің пайда болуын қадағалау ұсынылады.

Терфенадин

Фармакокинетикалық зерттеулерді жүргізуде азитромицин мен терфенадиннің арасындағы өзара әрекеттесуге ешқандай дәлел алынған жоқ. Мұндай өзара әрекеттесу мүмкіндігін толығымен жоққа шығару мүмкін емес сирек жағдайлар тіркелді; алайда, мұндай өзара әрекеттесуінің орын алғандығына ешбір нақты дәлел алынған жоқ.

Кумарин типті пероральді антикоагулянттар

Фармакокинетикалық өзара әрекеттесуіне зерттеу жүргізгенде, азитромицин варфариннің бір реттік 15 мг дозасының антикоагулянттық әсерін еш өзгерткен жоқ. Маркетингтен кейінгі қадағалау кезеңінде азитромицин мен кумарин типті пероральді антикоагулянттарды бір мезгілде қабылдағаннан кейін антикоагуляцияның күшейгені туралы хабарламалар алынды. Себеп-салдарлық байланысы анықталмаса да, кумарин типті пероральді антикоагулянттарды қабылдап жүрген пациенттерде азитромицинді пайдаланғанда протромбиндік уақытқа мониторинг жүргізудің жиілігі туралы мәселені қарастыру керек.

Зидовудин

Азитромициннің 1000 мг бір реттік дозалары және 600 мг немесе 1200 мг бірнеше реттік дозалары зидовудиннің плазмадағы фармакокинетикасына немесе несеппен шығарылуына немесе оның метаболиті глюкуронидке ешқандай әсер еткен жоқ. Дегенмен, азитромицинді қабылдау шеткері қанның мононуклеарлық жасушаларындағы клиникалық тұрғыдан белсенді метаболиті фосфорланған зидовудиннің концентрациясын арттырды. Бұл фактінің клиникалық маңыздылығы белгісіз, бірақ бұл пациенттер үшін пайдалы болуы мүмкін.

Диданозин

Тәулігіне 1200 мг азитромицинді диданозинмен бір мезгілде қабылдау, тепе-теңдік жағдайындағы диданозин фармакокинетикасына ешқандай әсерін көрсеткен жоқ.

Рифабутин

Азитромицин мен рифабутинді бір мезгілде қабылдау қандай-да бір дәрілік заттың сарысудағы концентрациясына ешқандай әсерін тигізген жоқ. Нейтропения, азитромицин және рифабутинмен бір мезгілде ем қабылдап жүрген пациенттерде байқалды. Нейтропенияның рифабутинді қабылдаумен байланысты болғандығына қарамастан, азитромицинмен біріктірілуінің себеп-салдарлық байланысы анықталған жоқ.

Айрықша нұсқаулар

Антацидтерді және Зитмак^® 500 препаратын бір мезгілде қолданғанда2 сағаттық үзіліс жасау қажет.

Азитромицинмен ем қабылдаған пациенттерде сирек жағдайларда ауыр аллергиялық реакциялар, ангионевроздық ісінуді, анафилаксияны қоса есептегенде және Стивенс-Джонсон синдромы және уытты эпидермальді некролиз сияқты дерматологиялық реакциялар байқалған, бұлар фатальді болуы мүмкін. Аллергиялық реакциялар пайда болғанда азитромицинді дереу тоқтату және тиісті емді бастау қажет. Алайда аллергия симптомдары симптоматикалық емді тоқтатқан кезде қайтадан пайда болуы мүмкін.

Пневмонияны емдеген кезде, пероральді емге жататын пациенттерде Chlamydia pneumonia, Haemophilus influenzae, Mycoplasma pneumonia немесе Streptococcus pneumonia туындатқан ауруханадан тыс пневмонияны емдеген кезде азитромициннің қауіпсіз және тиімді екендігі байқалды.Азитромицинді пневмониясы ауыр болғандықтан, пероральді емге келмейді деп есептелген пациенттерге, яғни аурудың ауырлығы орташа немесе ауыр дәрежелі немесе мына аталған қауіпті факторлардың қандай да болсын біреуі бар болса, қолданбаған жөн:

- кистозды фиброзы бар пациенттер

- ауруханаішілік инфекциялары бар пациенттер

- бактериемия анықталған немесе оған күдігі бар пациенттер

- ауруханада емделуді қажет ететін пациенттер

- айқыниммунитет тапшылығы және функционалдық асплениясы бар егде жастағы немесе әлсіреген пациенттер.

Бактерияларға қарсы барлық дерлік дәрілерді, соның ішінде азитромицинді қолданғанда жеңіл түрден өмірге қатер төндіретін дәрежеге дейінгі жалған жарғақшалы колит жағдайларының болғаны айтылған. Бактерияларға қарсы дәрілерді қабылдағаннан кейін диарея байқалса, дегидратацияны жоюға арналған дәрілерді бір мезгілде тағайындау арқылы тоқтату және су-электролиттік тепе-теңдікті түзету қажет. Ішекте С.difficile жоюға бағытталған этиотроптық ем тағайындаған және, қажет болғанда, хирургиялық ем қолдануды қарастырған жөн. Азитромицин негізінен бауыр арқылы шығарылатын болғандықтан, бауыр функциясының жеткіліксіздігі бар науқастарға азитромицинді қолданғанда сақ болу қажет. Гепатиттің белгілері және симптомдары пайда болған кезде азитромицинді қабылдау дереу тоқтатылуы тиіс, өйткені бауыр функциясы бұзылуының, гепатиттің, холестаздық сарғаюдың, бауыр некрозының және бауыр жеткіліксіздігінің пайда болғаны, соның ішінде фатальді аяқталғаны жөнінде мәлімделді.

Шумақтық сүзілу жылдамдығы минутына < 10 мл адамдарда деректердің аз болуысалдарынан,оларға азитромицинді тағайындағанкезде сақ болу қажет.

Әдеттегідей бактерияларға қарсы емнің кез келген түріндегі сияқты, зеңдерді қоса, шығу тегі бактериялық емес салдарлы инфекцияларды анықтау үшін пациентке тексеру жүргізген дұрыс болады.

Жүрек-қантамыр патологиясы бар науқастарға сақтықпен тағайындалады. Препаратты қабылдау аритмия ұстамаларын (қарыншалық аритмия және QT аралығының ұзаруы мүмкін), жүректің кенеттен тоқтап қалуын тудыруы мүмкін. Препаратты іштен туа біткен немесе жүре келе QT аралығы ұзаруы, электролиттік тепе-теңдігі бұзылуы бар пациенттерге, әсіресе гипокалиемия және гипомагниемия бар болғанда, патологиялық тұрғыдан жүректің жиырылу жиілігі сирек болғанда, сондай-ақ аритмияға қарсы препараттарды қабылдап жүрген пациенттерге сақтықпен тағайындаған жөн. Азитромицин қабылдап жүрген пациенттерде миастения (myasthenia gravis) симптомдары немесе миастениялық синдромның жаңадан басталуы өршуі мүмкін. Препаратты қолдану ұзақтығы нұсқаулықта көрсетілген мерзімнен аспауы тиіс.

Препарат құрамында лактоза бар, сондықтан оны галактозаны көтере алмайтын, Лапплактоза жеткіліксіздігі немесе глюкоза-галактоза сіңуінің бұзылуы бар науқастарға қолдану ұсынылмайды.

Егде жастағы пациенттергеқолданылуы

Бүйрек және бауыр функциясы қалыпты егде жастағы пациенттерде дозаны түзетудің қажеті жоқ.

Жүктілік және лактация кезеңі

Егер жүктіліктің екінші және үшінші триместрлерінде күтілетін пайдасы ұрық үшін болуы мүмкін қауіптен елеулі түрде басым болса, препаратты қолдануға болады.

Препаратты лактация кезеңінде қолдану қажет болғанда бала емізуді тоқтата тұрған жөн.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін ескеріп, көлік құралдарын немесе қауіптілігі зор механизмдерді басқаруда сақ болу қажет.

Артық дозалануы

Артық дозалануға қатысты мәліметтер жеткіліксіз.

Симптомдары: жүректің айнуы, құсу, диарея, естудің қайтымды жоғалуы.

Емі:асқазанды шаю және симптоматикалық ем тағайындау керек.

Шығарылу түрі және қаптамасы

ПВХ/ПЭ/ПВДХ үлбірден және баспалы алюминий фольгадан жасалған пішінді ұяшықты қаптамада 3 үлбірлі қабықпен қапталған таблеткадан.

1 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге өндіруші фирманың голограммасы бар картон қорапшаға салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтаумерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/ Тіркеу куәлігінің иесі

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі, 162 Е

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайыжәне байланыс деректері (телефон, факс, электронды пошта):

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ.,Шевченко к-сі 162 Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштасы: nobel@nobel.kz

Дәріханалар

Қалалар