Реосорбилакт 400 мл раствор для инфузий

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Реосорбилакт

Халықаралық патенттелмеген атауы

Жоқ

Дәрілік түрі, дозасы

Инфузияға арналған ерітінді 200 мл, 400 мл

Фармакотерапиялық тобы

Қан және қан түзу ағзалары. Қан алмастырғыштар және перфузиялық ерітінділер. В/і енгізуге арналған ерітінділер. Су-электролит балансына әсер ететін ерітінділер. Басқа препараттармен біріктірілген электролиттер.

АТХ кодыВ05ВВ04

Қолданылуы

• жарақаттық, геморрагиялық, уытты және күйік шоктарын, жедел қан жоғалтуды, күйік ауруың профилактикасы және емдеу мақсатында капиллярлық қан ағымын жақсартуда
• уыттанумен қатар жүретін инфекциялық ауруларда (созылмалы гепатиттің өршуі)
• операциядан кейінгі кезеңде
• тромбоздың, тромбофлебиттің, эндартериттің, Рейно ауруының профилактикасы мақсатында артериялық және веналық қанайналымды жақсартуда

Қолдануды бастағанға дейін қажетті мәліметтер тізбесі

Қолдануға болмайтын жағдайлар

• препарат компоненттеріне жеке сезімталдықтың жоғарылауы
• алкалоз
• миға қан кету
• тромбоэмболия
• жүрек-тамыр декомпенсациясы
• артериялық гипертензия III дәрежелі
• бүйрек жетіспеушілігінің терминалды сатысы
• декомпенсацияланған жүрек ақауы
• олигурия
• сусыздандыру
• жүктілік және бала емізу кезеңінде
• тұқым қуалайтын фруктозаны көтере алмаушылық
• 18 жасқа дейінгі балалар мен жасөспірімдер

Қолдану кезінде қажетті сақтық шаралары

Мәлімет жоқ

Басқа дәрілік препараттармен өзара әрекеттесуі

Басқа дәрілік заттар үшін тасымалдаушы ерітінді ретінде қолдануға болмайды.

Үйлесімсіздік

Реосорбилактты фосфатпен және карбонаты бар ерітінділермен араластыруға болмайды.

Арнайы ескертулер

Препарат қышқыл-сілті күйінің және қандағы электролиттердің, бауырдың функционалды күйінің және артериялық қысымның көрсеткіштерін бақылауда қолданылады.

Калькулезді холециститпен ауыратын науқастарға абайлап енгізіледі.

Педиатрияда қолдану

Балаларда қолдану мүмкіндігін зерттеу жүргізілмеген, мәліметтер жоқ.

Жүктілік немесе лактация кезінде

Реосорбилактінің жүкті әйелдерде және әйелдерде емшек сүтімен емізу кезінде қолдану мүмкіндігі зерттелмеген, мәліметтер жоқ.

Препараттың көлік құралын немесе ықтимал қауіпті механизмдерді басқару қабілетіне әсер ету ерекшеліктері

Препарат тек аурухана жағдайында қолданылады.

Қолдану жөніндегі нұсқаулар

Дозалау режимі

Реосорбилакт ересектерге тамырға тамшылатып енгізіледі (в/і) минутына 40-60 тамшы.

Қажет болған жағдайда, сынама жасалғаннан кейін минутына 30 тамшыдан тамшылатып енгізу жолымен препаратты сорғалатып енгізуге болады. 15 тамшы енгізгеннен кейін препараттың инфузиясы тоқтатылады, ал реакция болмаған кезде 3 минуттан кейін Реосорбилакт вена ішіне сорғалатып енгізіледі.

Ересектерге

Жарақаттық, геморрагиялық, уытты және күйік шоктарында

Уыттанумен қатар жүретін инфекциялы аурулар үшін (созылмалы гепатит)

Жедел қан жоғалту кезінде

Операциядан кейінгі кезең

Қан тамырларының тромбоблитеративті ауруларында

Енгізу әдісі және жолы

Вена ішіне (В/І)

Артық дозаланған жағдайда қолданылуы қажет шаралар

Симптомдары: препараттың дереу тоқтатылуына, кейде коллапс, сусыздануға (диурездің жоғарылауына байланысты) байланысты өздігінен өтетін алкалоз құбылыстары бар. Егер енгізу жылдамдығы асып кетсе, тахикардия, артериялық қысымның жоғарылауы, ентігу, бас ауруы, кеуде арты және іштің ауыруы мүмкін.

Емі: препараттың инфузиясы тоқтатылуы керек. Физиологиялық реакцияларды бақылау және организмнің өмірлік маңызды функцияларын сақтау қажет. Симптоматикалық ем.

Дәрілік препаратты қалай қолдану керектігін түсіндіру үшін медициналық қызметкердің кеңесіне жүгінуге арналған ұсыныстар

Дәрілік препаратты қабылдамас бұрын дәрігеріңізге қаралыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз оқиғалардың жиілігі келесі критерийлерге сәйкес анықталады: өте жиі (≥ 1/10), жиі (≥ 1/100 ден <1/10), сирек (≥ 1/1000 - <1/100), сирек (≥ 1) / 10000-ден <1/1000-ға дейін, өте сирек (<1/10000), белгісіз (қол жетімді мәліметтер негізінде бағалау мүмкін емес).

Иммун жүйесі тарапынан

Жиілігі белгісіз:

−анафилактоидты реакциялар, ангионевроздық ісік, гипертермия.

Жүрек-тамыр жүйесі тарапынан

Жиілігі белгісіз:

−артериалық қысымның жоғарылауы немесе төмендеуі, тахикардия, ентігу, акроцианоз.

Неврологиялық бұзылулар

Жиілігі белгісіз:

−тремор, бас ауруы, бас айналу, жалпы әлсіздік.

Терідегі және тері асты тініндегі өзгерістер

Жиілігі белгісіз:

−тері бөртпелері, есекжем, қышыну.

Асқазан-ішек жолдарының бұзылысы

Жиілігі белгісіз:

−іштің ауыруы, жүрек айнуы, құсу.

Зат алмасудың бұзылуы, метоболизм

Жиілігі белгісіз:

−алкалоз немесе дегидратация құбылыстары (ерітінді гиперосмолярлығына байланысты), коллапс, сусыздану (диурездің жиілеуіне байланысты) туындауы мүмкін.

Жалпы бұзылыстар

Жиілігі белгісіз:

−енгізу орнындағы өзгерістер, оның ішінде ауырсыну және күйдіру.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса,дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:

«Қазақстан Республикасы Денсаулық сақтау министрлігінің тауарлар мен қызметтердің сапасы мен қауіпсіздігін бақылау комитеті» «РМУ» Дәрілік заттарды және медициналық мақсаттағы бұйымдарды сараптау ұлттық орталығы «РМК

http://www.ndda.kz

Қосымша мәліметтер

Дәрілік препараттың құрамы

1 мл препараттың құрамында

белсенді заттар - 60,0 мг сорбитол;

19,0 мг натрий лактаты (100% затқа шаққанда);

6,0 мг натрий хлориді;

0,1 мг кальций хлориді (құрғақ затқа шаққанда, кальций хлоридінің дигидраты);

0,3 мг калий хлориді;

0,2 мг магний хлориді (құрғақ затқа шаққанда, магний хлоридінің гексагидраты);

қосымша зат-инъекцияға арналған су.

Препараттың иондық құрамы	мг/мл	ммоль/л
Натрий-ионы Na +	6.26 мг/мл	272.20 ммоль/л
Калий-ионы К +	0.157 мг/мл	4.02 ммоль/л
Кальций-ионы Ca ++	0.036 мг/мл	0.90 ммоль/л
Магний-ионы Mg ++	0.051 мг/мл	2.10 ммоль/л
Хлорид-ионы Cl -	3.995 мг/мл	112.69 ммоль/л
Лактат-ионыLac-	15.10 мг/мл	169.55 ммоль/л

Сыртқы түрінің, иісінің, дәмінің сипаттамасы

Мөлдір түссіз сұйықтық.

Шығарылу түрі және қаптамасы

200 немесе 400 мл препарат шыны бөтелкеге құйылады, резеңке тығындармен тығындалған және алюминий қалпақшалармен немесе алюминий-пластик қалпақшалармен қаусырылған.

Бөтелкелержылу ұстайтын үлбірмен қапталады немесе бір бөтелкеден медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа қапталады.

Жеке қораптарға қапталған немесе жылу ұстайтын үлбірмен қапталған бөтелкелер мемлекеттік және орыс тілдеріндегі медициналық қолдану жөніндегі нұсқаулықтың тиісті санымен бірге жәшіктерге салынады.

Өздігінен жабысатын заттаңбалар бөтелке мен жәшікке жабыстырылады. Заттаңба мәтінін бөтелкеге типографиялық әдіспен жазуға рұқсат етіледі.

Қорғаныс элементтерін қолдануға рұқсат етіледі.

Сақтау мерзімі

2 жыл.

Жарамдылық мерзімі өткеннен кейін қолдануға болмайды!

Сақтау шарттары

25°С-ден аспайтын температурада сақтау керек. Мұздатып қатыруға болмайды!

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы.

Өндіруші туралы мәліметтер

«Юрия-Фарм» ЖШҚ, Украина,

18030, Черкассы обл., Черкассы қ., Кобзарская к-сі, 108

Тел. +38 (044) 281-01-01.

Тіркеу куәлігінің ұстаушысы

«Юрия-Фарм» ЖШҚ, Украина

03680, Киев қ.,Н. Амосов к-сі, 10.

Тел.: +38 (044) 275-92-42.

www.uf.ua

Қазақстан Республикасы аумағында тұтынушылардан дәрілік зат жөніндегі шағымдарды (ұсыныстарды) қабылдайтынжәне дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы «Юрия-Фарм» ЖШҚ өкілдігі

Қазақстан Республикасы, 050021, Алматы қ., Бостандық ауданы, Бұқар жырау бульвары, 22А

тел.: +7 727 247 07 36

тел. 24/7: +7 702 714 76 15

e-mail: pavlo.diadenystyi@uf.ua

Қалалар